Σο Μπορίνενα τι Σικλιόν Κατά Χριστιανοί σο Ισί Μπρεσά κι Αλήθεια;

Αμαρέ κχανγκιρίντε τθεράσα πφραλέν ντα πφενίν σο υπηρετίνενα ι Ιεχωβάς μπουτ μπρεσά. Σικλιάσα μπερεκέτι πράγματα κατά μπαρί μπέσα σο ντινέ κο Ιεχωβά. Κα μπορίναας τι πουτσάς-λεν σο ιστορία τθερέλα ι Ιεχωβάσκι οργάνωση ντα σαρ ο Ιεχωβά βοηθιντάς-λεν τι νταϊντίνεν ο προβλήματα. Μπορίνασα τι καλίνας εκχέ ασακέ Χριστιανός κι Φαμιλιάκι Λατρεία σο κα τθεράς ντα τι μανγκάς λέσταρ τι βακερέλ αμένγκε οντουλένγκε σο νακχλό πι ζωγιάτε.

Άμα ισινέν μπρεσά κι αλήθεια, τι βακερέν οντουλά σο νακχλέν ι πφραλένγκε σο ισί πιο τερνέ κι κχανγκιρί. Ο Ιακώβ ντα ο Ιωσήφ βακερντέ πουμαρέ προσαγγονίνγκε σο κερντάας λένγκε ο Ιεχωβά. (Γε 48:​21, 22· 50:​24, 25) Πιο σοράν, ο Ιεχωβά μανγκέλας κατά μουρς, σο ισί ο σορό κι φαμιλί, τι σικλιαρέλ πι τσσαβέν ι μπαρέ πραγματένγκε σο κερντάς Βοβ. (Δευ 4:9, 10· Ψλ 78:​4-7) Αντιβές, ο νταντά, ο νταγιά ντα γιαβερά κι κχανγκιρί μπορίνενα τι βακερέν κο πιο τερνέ ο μπουτ σουκάρ πράγματα σο ντικχλέ τι κερέλ ο Ιεχωβά αντράλ πι οργανωσιάταρ.

ΝΤΙΚΧΕΝ Ο ΒΙΝΤΕΟΣ ΑΤΣΣΙΛΕ ΕΝΩΜΕ ΚΑΝΑ ΤΖΑΝΑΣ ΛΕΝΤΖΑΡ ΚΟΝΤΡΑ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ βοηθιντάς ο γραφείος τμήματος κι Αυστρία αμαρέ πφραλέν σο τζουβντιόνας μερικέ τθεμέντε σο ο κυβερνήσεις τζάνας λέντζαρ κόντρα;

• Σαρ ο πφραλά οντουλέ τθεμέντε ατσσικιαρντέ πουμαρί πίστη ζουρανί;

• Σόσκε μπουτ πφραλά κι Ρουμανία τσσιντιντέ-πες ντουρ κατά οργάνωση ι Ιεχωβάσκι, ντα σαρ βουρτισάλε;

• Σαρ κερένα τουμαρί πίστη πιο ζουρανί οντουλά σο νακχλέ ο πφραλά κο βίντεος;