6-12 ΙΑΝΟΥΑΡΙΟΥ
ΨΑΛΜΟΙ 127-134
Ύμνος 134 ντα Προσευχή | Χάνικ Λάφια κι Αρχή (1 λεπτός)
1. Νταντάλεν ντα Νταγιάλεν, Συνεχίνεν τι Φροντίνεν Τουμαρέ Τσσαβέν
(10 λεπτά)
Ο νταντά ντα ο νταγιά μπορίνενα τι αβέν σίγουροι ότι o Ιεχωβά κα βοηθίνελ-λεν τι φροντίνεν πουμαρί φαμιλί (Ψλ 127:1, 2)
Ο τσσαβέ ντα ο τσσαγιά ισί μπαρό δώρος κατά Ιεχωβά (Ψλ 127:3· w21.08 σ. 5 ¶9)
Σικλιαρέν ι κάθε τσσαβές ανάλογα με το ανάγκες σο τθερέλα (Ψλ 127:4· w19.12 σ. 27 ¶20)
Ο Ιεχωβά ισί μπουτ χαρούμενος κάνα ο νταντά ντα ο νταγιά βασίντιβενα λέστε ντα κερένα ο πο λατσσό σο μπορίνενα για τι φροντίνεν πουμαρέ τσσαβέν
2. Διαμάντια Κατά Αγία Γραφή
(10 λεπτά)
Ψλ 128:3—Σόσκε βακερέλα ο ψαλμωδός ότι ο τσσαβέ ντα ο τσσαγιά ισί σαρ ο βλαστάρια σο τθερέλα εκ ζιτιλίν; (it-1-G σ. 543 ¶3)
Καλά διαμάντια αρακχλέν κο διάβασμας κατά Αγία Γραφή ανταγιά εβδομάδα;
3. Διάβασμας Κατά Αγία Γραφή
(4 λεπτά) Ματ 16:1-12 (th σημείος 2)
4. Αρχίνεν εκ Συζήτηση
(3 λεπτά) ΑΝΕΠΙΣΗΜΗ ΜΑΡΤΥΡΙΑ. (lmd μάθημας 1 σημείος 3)
5. Αρχίνεν εκ Συζήτηση
(4 λεπτά) ΑΝΕΠΙΣΗΜΗ ΜΑΡΤΥΡΙΑ. Ο τζενό βακερέλα κάτι σο να ταιριάνελα οντουλέντζαρ σο βακερέλα η Γραφή. (lmd μάθημας 5 σημείος 4)
6. Κερέν Μαθητέν
(5 λεπτά) lff μάθημας 16 σημεία 4, 5. Βακερέν ι τζενέσκε σο κερένα-λες μελέτη σο κανονιντέν για τι συνεχίνελ πι μελέτη καζόμ τουμέν κα λειπίνεν. (lmd μάθημας 10 σημείος 4)
Ύμνος 13
7. Νταντάλεν ντα Νταγιάλεν, Χρησιμοποιήνενα Ανταβά Ζουρανό Εργαλείος για τι Σικλιαρέν Τουμαρέ Τσσαβέν;
(15 λεπτά) Συζήτηση.
Ι Ιεχωβάσκι οργάνωση τθερέλα ντινό κο νταντά ντα κο νταγιά μπουτ λατσσέ εργαλεία σο βοηθίνενα-λεν τι σικλιαρέν πουμαρέ τσσαβέν ι Ιεχωβάσκε. Αλλά εκ κατά πο ζουρανέ εργαλεία σο τθερένα ο νταντά ντα ο νταγιά ισί λένγκο λατσσό παράδειγμας.—Δευ 6:5-9.
Ο Ιησούς χρησιμοποιηντάς ανταβά ζουρανό εργαλείος για τι σικλιαρέλ πι μαθητέν.
Διαβάνεν Ιωάννης 13:13-15. Σοράν πουτσέν:
Τουμέν, σόσκε πακιάνα ότι ισινέ λατσσό σο ο Ιησούς σικλιαρέλας πι παραδειγμάσαρ;
Τουμέν σο τθερένα τσσαβέν, τι τζανέν ότι οντουλά σο κερένα ντα βακερένα επηρεάνενα-λεν. Τουμαρό λατσσό παράδειγμας βοηθίνελα τουμαρέ τσσαβέν τι σεβάνεν ο πράγματα σο σικλιαρένα-λεν ντα τι κερέν-λεν πουμαρέ ζωγιάτε.
Τσσουβέν ο ΒΙΝΤΕΟΣ Σικλιαρντάμ Αμαρέ Τσσαβέν Αμαρέ Παραδειγμάσαρ. Σοράν πουτσέν:
Καλά σημαντικά πράγματα σικλιαρντέ πουμαρέ τσσαΐν ο πφραλ ντα η πφεν Γκαρσία;
Σαρ βοηθίνελα-τουμέν ανταβά βίντεος τι συνεχίνεν τι αβέν λατσσό παράδειγμας τουμαρέ τσσαβένγκε;