Ο Ιησούς «Σικλιλό τι Ντελ Καν»

Ο Ιησούς πάντα ντέλας καν κο Ιεχωβά. (Ιωάν. 8:29) Σόσκε όμως βακερέλα η Γραφή ότι «σικλιλό τι ντελ καν ιτιρί οντουλένταρ σο τσσιντιντάς»;​—Εβρ. 5:8.

Καζόμ ισινέ κι πφουβ, ο Ιησούς νακχλό πράγματα σο να νακχλόας-λεν κάνα ισινέ κο ουρανός. Για παράδειγμας, λέσκο ντατ ντα λέσκι ντάι παρόλο σο μανγκένας ι Ιεχωβάς ισινέ ατελείς. (Λουκ. 2:51) Τσσιντιντάς μπουτ πράγματα κατά πφιρνέ παπάζια ντα κατά κυβερνήτες. (Ματθ. 26:59· Μάρκ. 15:15) Επίσης, μουλό εκχέ μπουτ μπέτι τροπόσαρ. Η Γραφή βακερέλα: «Σικαντάς ότι ισί μπουτ ταπεινός ντα ντινάς καν μέχρι κο μεριπέ, βα, μεριπέ οπράλ κι ντουκχένγκο κας».​—Φιλιπ. 2:8.

Ανταλά πράγματα σο τζουβντιλό ο Ιησούς κι πφουβ σικλιαρντέ-λες τι ντελ καν εκχέ τροπόσαρ σο να σικλιλόας ποτές πριν. Οτθάρ, μπορίνελας τι αβέλ ο τέλειος Βασιλιάς ντα Αρχιερέας σο κα μπορίνελας τι αγαβέλ-αμέν μπαγιά. (Εβρ. 4:15· 5:9) Ο Ιεχωβά ντικχέλας ι Ιησούς ατζέ πο πολύτιμος επειδή σικλιλό τι ντελ καν κατά πράγματα σο τσσιντιντάς. Αμέν-ντα ο Ιεχωβά κα ντικχέλ-αμέν ατζέ πο πολύτιμους ντα κα μπορίνελ τι χρησιμοποιήνελ-αμέν καλέ-ντα διορισμόσκε μανγκέλα κάνα συνεχίνασα τι ντας καν κο δυσκολίες.​—Ιακ. 1:4.