Χρησιμοποιήνεν Τουμαρό «Πνευματικός Δώρος»

Σαρέ λάσα ζορ κάνα νακχάσα χρόνος γιεκ αμαρέ πφραλέντζαρ ντα πφενίντζαρ. Αλλά για τι λας μπαγιά ζορ, να ερεσέλα σάντε τι αβάς γιεκ λέντζαρ. Χρειαζίντιβελα τι κεράς γιαβερά-ντα πράγματα. Η Γραφή βακερέλα ότι κάνα βοηθίνασα ο εκ ι γιαβερές τι κερέλ πο ζουρανί πι πίστη ντάσα εκ «πνευματικός δώρος». (Ρωμ. 1:11, 12) Καλά ισί μερικοί τρόποι σο μπορίνασα τι κεράς-λες ανταβά;

Ντεν ζορ κο γιαβερά τουμαρέ λαφίντζαρ. Για παράδειγμας, μπορίνασα τι ντας απαντήσεις αμαρέ συναθροισιέντε σο ταρτίνενα ι προσοχή, όχι αμαρέ νεαυτόστε, αλλά κο Ιεχωβά, λέσκε Λαφίστε ντα λέσκε λαόστε. Κάνα ισινέν τουμαρέ πφραλέντζαρ ντα πφενίντζαρ, κερέν λάφι πραγματένγκε σο κα μπορίνενας τι κερέν λένγκι πίστη πο ζουρανί.

Ντεν ζορ κο γιαβερά με το αποφάσεις σο λένα ντα οντουλέντζαρ σο κερένα. Για παράδειγμας, κάποιοι μπορεί τι ντικχέν ότι αποφασιντέν τι ατσσόν κι ολοχρόνια υπηρεσία παρόλο σο να ισινέ εύκολος τουμένγκε. Ή τζανένα ότι τουμέν να χασαρένα ι συνάθροιση σο τθεράσα αντρέ κι εβδομάδα παρόλο σο τθερένα προβλήματα υγείας ή ισινέν μπουτ κχινέ κατά μπουτί.

Ντένα ζορ τουμαρέ πφραλέν ντα πφενίν οντουλέντζαρ σο βακερένα ντα κερένα; Ντα τσσουβένα σημασία οντουλέντε σο βακερένα ντα κερένα τουμαρέ πφραλά ντα πφενιά για τι ντεν-τουμέν ζορ;