Ο Τζενε Σο Διαβανενα Πουτσενα

Άμα εκ μουρς ντα εκ τζουβέλ σο νανέ παντριμέ ισινέ σαστί ιράτ μαζί ενώ κα μπορίνενας μα τι αβέν, ισί ανταβά εκ απόδειξη σο σικαβέλα ότι αμαρτιντέ ντα ότι πρέπει τι νακχέν δικαστική επιτροπή;

Βα, άμα ισινέ εκ σαστί ιράτ μαζί ενώ κα μπορίνενας μα τι αβέν, ισί εκ μπαρί απόδειξη ότι κερντέ σεξουαλική ανηθικότητα. Οτθάρ πρέπει τι αβέλ-πες δικαστική επιτροπή, εκτός άμα υπαρχίντιβενα γιαβερά στοιχεία σο σικαβένα ξεκάθαρα ο αντίθετος.​—1 Κορινθίους 6:18.

Ο πρεσβυτέριος ντικχέλα λατσσές σαρέ ο πράγματα για τι αγαβέλ άμα πρέπει τι αβέλ-πες δικαστική επιτροπή. Για παράδειγμας: Μήπως νικιόνα ραντεβού; Ντινέας-λεν πριν συμβουλή για τη συμπεριφορά σο τθερένας ο εκ κο γιαβέρ; Σόσκε νακχλέ οντιά ιράτ μαζί; Κανονιντέας-λες πιο τζανγκλέ; Κα μπορίνενας τι κερέν κάτι γιαβέρ, ή μήπως αβιλό κάτι σο ναστί αλλάνενας-λες, σαρ για παράδειγμας κάτι έκτακτος ή εκ ανάγκη σο να μουκχέλας-λεν μπαγιά τι κερέν κάτι διαφορετικός ντα οτθάρ νακχλέ οντιά ιράτ μαζί; (Εκκλησιαστής 9:​11) Κατέ σοτέ; Αφού η κάθε περίπτωση ισί διαφορετική, μπορεί τι υπαρχίντιβεν γιαβερά-ντα πράγματα σο κα επηρεάνεν ι απόφαση ι πρεσβυτερόνγκι.

Αφού ο πρεσβύτεροι κα ντικχέν σαρέ ο πράγματα σο αβιλέ-πες, κα αποφασίνεν άμα πρέπει τι αβέλ δικαστική επιτροπή.