3 Τι Σεβάνεν ο Εκ ι Γιαβερές

ΣΟ ΜΑΝΓΚΕΛΑ ΤΙ ΒΑΚΕΡΕΛ

Ο ρομ ντα η ρομνί σο σεβάνενα ο εκ ι γιαβερές, πφαμπόνα ο εκ ι γιαβερέσκε, ατζέ-ντα κάνα να συμφωνίνενα εκχέ πραγμάσκε. «Οντουλά αντρόγυνα να τθερένα σορό», βακερέλα ο βιβλίος Δέκα Μαθήματα για να Μεταμορφώσετε τον Γάμο Σας. «Οκιά μπάνταρ, κερένα λάφι πουμαρέ προβληματένγκε. Ο εκ ασουνέλα ι γνώμη ι γιαβερέσκι με σεβασμός, ντα κερένα ο γκι ο εκ ι γιαβερέσκο».

ΑΡΧΗ ΚΑΤΑ ΓΡΑΦΗ: «Η αγάπη . . . να ντικχέλα πο συμφέρον».—1 Κορινθίους 13:4, 5.

«Τι σεβάναβ μι ρομνιά μανγκέλα τι βακερέλ ότι αγαβάβα λάκι αξία ντα ότι να μανγκάβα τι κεράβ κάτι σο κα πφανγκέλ λάκο γκι ή κα κερέλ ζιάνι αμαρέ μπιαβέστε».​—Μάικα.

ΣΟΣΚΕ ΙΣΙ ΣΗΜΑΝΤΙΚΟΣ

Κάνα ο ρομ ντα η ρομνί να σεβάνενα ο εκ ι γιαβερές, μπορεί κο συζητήσεις σο κα κερέν τι κρίνεν ο εκ ι γιαβερές, τι πρασάν ο εκ ι γιαβερές ή ατζέ-ντα μα τι αγαβέν ι αξία ο εκ ι γιαβερέσκι​—σημάδια σο σικαβένα, σαρ βακερένα ο επιστήμονες, ότι ο μπιαβ κα χαλάντιβελ ντα ότι ο κάθε εκ κα λελ πο ντρομ.

«Άμα εκ τζενό κερέλα λάφια σο μοιάζενα σαρ καρφιά ντα βακερέλα υπονοούμενα ή σακάδες σο μειώνενα λέσκε ρομνιά, οντουβά σο κα πετυχίνελ ισί τι κερέλ πι ρομνιά μα τι σεβάνελ πο νεαυτός ντα βόι τι τσσιναβέλ τι ντελ λέσκε μπέσα ντα αντικάς οντουβά μουρς τι χαλαβέλ πο μπιαβ».​—Μπράιαν.

ΣΟ ΜΠΟΡΙΝΕΝΑ ΤΙ ΚΕΡΕΝ

ΠΟΥΤΣΕΝ ΤΟΥΜΑΡΟ ΝΕΑΥΤΟΣ

Για εκ εβδομάδα, τσσουβέν σημασία σαρ κερένα λάφι ντα σαρ συμπεριφερίντιβενα. Σοράν σκεφτίνεν:

• “Καζόμ φαρ πφανγκλόμ μι ρομέσκο ή μι ρομνιάκο γκι ντα καζόμ φαρ βακερντόμ εκ γκουλντό λάφι;”

• “Καλέ συγκεκριμέ τροπόντζαρ σικαντόμ σεβασμός μι ρομέσκε ή μι ρομνιάκε;”

ΚΕΡΕΝ ΛΑΦΙ ΤΟΥΜΑΡΕ ΡΟΜΕΣΑΡ Ή ΤΟΥΜΑΡΕ ΡΟΜΝΙΑΣΑΡ

• Καλά πράγματα ή λάφια κα κερένας-τουτ τι νιωθίνες ότι σεβάναβα-τουτ;

• Καλά πράγματα ή λάφια κερένα-τουτ τι νιωθίνες ότι να σεβάναβα-τουτ;

ΙΔΕΕΣ

• Γραφίνεν καλέ τρινέ τροπόντζαρ κα μανγκένας τι σικαβέν τουμένγκε σεβασμός. Βακερέν τουμαρέ ρομνιάκε-ντα ή τουμαρέ ρομέσκε τι γραφίνελ τριν τρόπους. Ντικχέν σο γραφιντάς ο εκ ντα ο γιαβέρ ντα σοράν προσπαθίνεν τι αβέν ατζέ πο λατσσέ οπράλ οντουλέ πραγματέντε.

• Γραφίνεν καλά ιδιότητες μπεϊντίνενα τουμαρέ ρομέστε ή τουμαρέ ρομνιάτε. Σοράν βακερέν λέσκε ή λάκε καζόμ εκτιμίνενα ανταλά ιδιότητες.

«Τι σεβάναβ μι ρομές μανγκέλα τι βακερέλ ότι σικαβάβα οντουλέντζαρ σο κεράβα ότι εκτιμίναβα-λες ντα ότι μανγκάβα τι αβέλ ευτυχισμέ. Να χρειαζίντιβελα τι κεράβ πάντα κάτι μπουτ μπαρό. Μπάζιμα χουρντέ-ντα πράγματα μπορίνενα τι σικαβέν ότι σεβάναβα-λες μπαγιά».​—Μέγκαν.

Χάνικ λαφίντζαρ, ο θέμας νανέ άμα τουμέν αμντίνενα ότι σικαβένα ή να σικαβένα σεβασμός, αλλά σαρ νιωθίνελα τουμαρό ρομ ή τουμαρί ρομνί.

ΑΡΧΗ ΚΑΤΑ ΓΡΑΦΗ: «Ιρίν ι συμπόνια ντα τουμαρέ σουκάρ αισθήματα, ο λατσσιπέ, ι ταπεινότητα, ο κοβλό γκι ντα ι υπομονή».​—Κολοσσαείς 3:12.