Εκ Προσευχή για τι Βακεράς «Ευχαριστώ»

1. Ντέβλα μπαρέα, κερντάν-λεν σαρέ.

Δόξα κα ντας σάντε τούτε αμέν,

Ντα κα μολίνας-τουτ κι προσευχή

Τ’ αρακχαβές-αμέν ιράτ πρωί.

Λάθη κεράσα μπουτ κάθε ντιβές.

Άμα μανγκέσα, συγχώριν’-αμέν.

Κατά Ιησούσκορο ρατ κιντιλάμ,

Τούταρ μανγκάσα αμέν τι σικλιάς.

2. Ευτυχισμέ μπουτ το Μάρτυρες ’σί,

Σο οδηγίνεσα-λεν κι ζωή.

Βα, η Γραφή ισί μπουτ ιερή,

Λάφια ι Ντεβλέσκε ισί βόι πφερντί.

Μπουτ ζουρανό, Ιεχωβά, ισινάν.

Θάρρος ντα ζορ τούι αμέντε ντινάν.

Τι Βασιλεία δοξάνασ’ αμέν,

Βόι κα νικίνελ, να κα χασαρέλ.

3. Τούι σαρ εκ ντατ προσοχίνεσ’-αμέν.

Βα, κα πακιάς σάντε τούτε σαρέ.

Τι Βασιλεία ισί μπουτ λατσσί·

Ντουκχ, μεριπέ να κ’ αβέν κι γκοντί.

Σο-ντα κακία ισί κα νασέλ,

Η πφουβ σαρί μπουτ χαρά κα τθερέλ.

Κα γκιλιαβάς: «Ο Ντεβέλ νικιντάς!»

Ντα τούτε αμέν πάντα δόξα κα ντας.