Αίθουσες Βασιλείας​—Σόσκε ντα Σαρ Κερντιόνα;

Σαρ σικαβέλα ο ναβ «Αίθουσα Βασιλείας», οντουλά σο βακέρντιβενα οτθέ ισί για τη Βασιλεία ι Ντεβλέσκι​—ο πιο σημαντικός θέμας σο κερέλας λάφι ο Ιησούς.​—Λουκάς 8:1.

Ισί τθανά σο γκιντίντιβενα ο τζενέ σε κάθε τθεμ για τι ντεν λατρεία κο Ντεβέλ. Οτθάρ λάσα οδηγίες σο βακερένα αμένγκε σαρ τι βακεράς ο λατσσέ αμπέρια ι Βασιλειάκε. (Ματθαίος 24:​14) Ο Αίθουσες Βασιλείας νανέ ίδιες, μερικές ισί χουρντέ ενώ γιαβερά ισί μπαρέ ντα ισί κερντέ διαφορετικά, αλλά σαρέ ισί απλές ντα τθερένα σάντε οντουλά σο χρειαζίντιβενα. Σε εκ αίθουσα μπορεί τι αβέν-πες πιο μπουτ από εκ συναθροίσεις. Κο τελευταία μπρεσά, επειδή ο εκκλησίες αβένα ατζέκ πιο μπουτ, τθεράσα κερντό δεκάδες χιλιάδες νεβέ αίθουσες (περίπου παντς αίθουσες κο ντιβές). Σαρ μπορίνελα τι αβέλ-πες ανταβά;​—Ματθαίος 19:26.

Κερντιόνα λοβέντζαρ σο ντένα-λεν τζενέ αντράλ πουμαρέ γκίσταρ. Ανταλά λοβέ μπουτσσάντιβενα κο γραφείος τμήματος για τι μπορίνεν τι ντεν-λεν κο εκκλησίες σο χρειαζίντιβενα τι κερέν εκ αίθουσα ή τι νικαβέν ο χαλαντέ ντα ο πουρανέ πράγματα για τι τσσουβέν νεβέ.

Κερένα-λεν τζενέ σο να ποκίντιβενα. Μπουτέ τθεμέντε κερντιλέ Ομάδες σο Κερένα Αίθουσες Βασιλείας. Ομάδες σο τζανένα τι κερέν κτίρια ντα γιαβερά πφραλά σο μανγκένα τι βοηθίνεν τζάνα από εκκλησία σε εκκλησία σε κάθε τθεμ, ατζέ-ντα σε τθανά σο ισί ντουρ, ντα βοηθίνενα ι πφραλέν τι κερέν πουμαρί Αίθουσα Βασιλείας. Σε γιαβερά τθεμά, ισί Μάρτυρες του Ιεχωβά σο τζανένα λατσσές ι μπουτί ντα ντικχένα σαρ τζάνα ο αλλαγές σο πρέπει τι αβέν-πες κο πουρανέ Αίθουσες Βασιλείας ντα αν χρειαζίντιβενα τι χτίνεν εκ νεβί. Πφραλά σο τζανένα λατσσές εκ συγκεκριμέ μπουτί αβένα γιαβερτθάρ για τι ντεν πουμαρί βοήθεια. Όμως, ο πιο μπουτ πφραλά σο βοηθίνενα ισί οντουλέ εκκλησιάταρ. Σαρέ ανταλά αβένα-πες επειδή ο Ιεχωβά ντέλα πο πνεύμας ντα επειδή ο Μάρτυρες του Ιεχωβά βοηθίνενα αντράλ πουμαρέ γκίσταρ.​—Ψαλμός 127:1· Κολοσσαείς 3:23.

• Σόσκε βακέρντιβενα Αίθουσες Βασιλείας ο τθανά σο γκιντίντιβασα για τι ντας λατρεία κο Ντεβέλ;

• Σαρ αβέλα-πες τι χτίνας Αίθουσες Βασιλείας σαρό κο ντουνιάς;