Κον Ισί ο Ιησούς Χριστός;

1, 2. (α) Μπορίνεσα μπαγιά τι τζανές εκχέ τζενές σο ισί διάσημος άμα τζανέσα σάντε λέσκο ναβ; Εξήγινε. (β) Σο πακιάνα μπουτ τζενέ ι Ιησούσκε;

ΥΠΑΡΧΙΝΤΙΒΕΝΑ μπουτ διάσημοι τζενέ κο ντουνιάς. Μπορεί τι τζανέσα ο ναβ εκχέ τζενέσκο σο ισί διάσημος. Αλλά απλώς επειδή τζανέσα λέσκο ναβ, ανταβά να μανγκέλα τι βακερέλ ότι τζανέσα-λες λατσσές. Να τζανέσα σαρέ ο πράγματα λέσκε ζωγιάκε ντα σο τζενό ισί μπαγιά.

² Μπορεί τι ασουντάν ι Ιησού Χριστόσκε, παρόλο σο τζουβντιλό κι πφουβ πριν από περίπου 2.000 μπρεσά. Αλλά ο πιο μπουτ τζενέ να τζανένα σο τζενό ισινέ ο Ιησούς. Μερικοί βακερένα ότι ισινέ προφήτης, γιαβερά βακερένα ότι ισινέ εκ λατσσό τζενό ντα κάποιοι πακιάνα ότι ισί ο Ντεβέλ. Τούι σο βακερέσα;​—Ντικχ ι Σημείωση 12 κο παλαϊνέ σελίδες.

3. Σόσκε ισί σημαντικός τι τζανές ι Ιεχωβάσκε ντα ι Ιησού Χριστόσκε;

³ Ισί σημαντικός τι σικλιός ι αλήθεια ι Ιησούσκε. Σόσκε; Η Αγία Γραφή βακερέλα αμένγκε: «Ανταβά μανγκέλα τι βακερέλ ζωή για πάντα, τι σικλιόν τούκε, σο ισινάν ο μόνος αληθινός Ντεβέλ, ντα οντουλέσκε σο μπουτσσαντάν, ι Ιησού Χριστόσκε». (Ιωάννης 17:3) Βα, άμα τζανέσα ι αλήθεια ι Ιεχωβάσκε ντα ι Ιησούσκε, μπορίνεσα τι τζουβντιός για πάντα κο παράδεισος κι πφουβ. (Ιωάννης 14:6) Επίσης, άμα κα σικλιός ι Ιησούσκε, κα βοηθίντιβες επειδή βοβ ντέλα-αμέν ο πιο λατσσό παράδειγμας για τι τζουβντιάς λατσσές ντα τι συμπεριφερίντιβας σωστά κο γιαβερά τζενέ. (Ιωάννης 13:​34, 35) Κο Κεφάλαιος 1, σικλιλάμ ι αλήθεια ι Ντεβλέσκε. Ακανά κα ντικχάς σο σικλιαρέλα-αμέν η Αγία Γραφή ι Ιησού Χριστόσκε.

ΑΡΑΚΧΛΑΜ ΤΟΝ ΜΕΣΣΙΑ!

4. Σο μανγκένα τι βακερέν ο λέξεις «Μεσσίας» ντα «Χριστός»;

⁴ Μπουτ μπρεσά πριν τι μπιάντιβελ ο Ιησούς, ο Ιεχωβά βακερντάας αντρέ κι Γραφή ότι κα μπουτσσαβέλας τον Μεσσία, ή γιαβέρτουλους ι Χριστός. Η λέξη «Μεσσίας» ισί κατά εβραϊκή τσσιπ ντα η λέξη «Χριστός» κατά μπαλαμανί. Ο ντούι-ντα λέξεις μανγκένα τι βακερέν ότι ο Ντεβέλ κα τραμπίνελας τον Μεσσία ντα κα ντέλας-λες εκ μπουτ σημαντικός ρόλος. Ο Μεσσίας κα κερέλ τι νικιόν μπαγιά σαρέ οντουλά σο βακερντάς ο Ντεβέλ. Επίσης, ο Ιησούς μπορίνελα τι βοηθίνελ-τουτ ακανά-ντα. Αλλά πριν τι μπιάντιβελ ο Ιησούς, μπουτ τζενέ σκεφτίνενας: “Κον κα αβέλ ο Μεσσίας;”

5. Πακιάνας ο μαθητές ι Ιησούσκε ότι βοβ ισινέ ο Μεσσίας;

⁵ Ο μαθητές ι Ιησούσκε ισινέ σίγουροι ότι βοβ ισινέ ο Μεσσίας σο βακερντάας ο Ντεβέλ ότι κα αβέλας. (Ιωάννης 1:​41) Για παράδειγμας, ο Σίμων Πέτρος βακερντάς κο Ιησούς: «Τούι ισινάν ο Χριστός». (Ματθαίος 16:​16) Σαρ μπορίνασα τι αβάς σίγουροι ότι ο Ιησούς ισί ο Μεσσίας;

6. Σαρ βοηθιντάς ο Ιεχωβά ι τζενέν σο ισί ταπεινοί τι αγαβέν κον ισί ο Μεσσίας;

⁶ Μπουτ μπρεσά πριν τι μπιάντιβελ ο Ιησούς, ο προφήτες ι Ντεβλέσκε γραφιντέ μπουτ πράγματα σο κα βοηθίνενας ι τζενέν τι αγαβέν κον ισινέ ο Μεσσίας. Σαρ κα βοηθίνελας ανταβά ι τζενέν; Σκέφτινε ότι βακερένα τούκε τι τζας σε εκ μπαρό σταθμός με λεωφορεία για τι λες εκχέ τζενές σο να τθερέσα-λες ντικχλό ποτές πριν. Άμα κάποιος βακερντάας τούκε σαρ ισί περίπου οντουβά τζενό, κα μπορίνεας τι αρακχές-λες. Αντικάς ο Ιεχωβά-ντα χρησιμοποιηντάς πι προφητέν για τι βακερέλ σο κα κερέλας ο Μεσσίας ντα σο κα αβέλας-πες λέσκε ζωγιάτε. Σαρέ ανταλά προφητείες σο νικίστιλε μπαγιά βοηθίνενα ι τζενέν σο ισί ταπεινοί τι αγαβέν ότι ο Ιησούς ισί ο Μεσσίας.

7. Καλά ντούι προφητείες σικαβένα ότι ο Ιησούς ισί ο Μεσσίας;

⁷ Ατθέ κα ντικχάς ντούι ανταλέ προφητειένταρ. Η πρώτη προφητεία, σο γραφιντάς-λα ο Μιχαίας 700 μπρεσά πριν τι μπιάντιβελ ο Ιησούς, βακερέλας ότι ο Μεσσίας κα μπιάντιβελας κο γκαβ σο βακέρντιβελας Βηθλεέμ. (Μιχαίας 5:2) Ντα οτθέ ακριβώς μπιάντιλο ο Ιησούς! (Ματθαίος 2:1, 3-9) Η γιαβέρ προφητεία, σο γραφιντάς-λα ο Δανιήλ, βακερέλας ότι ο Μεσσίας κα αβέλας κο μπρες 29 Κ.Χ. (Δανιήλ 9:​25) Ανταλά ισί σάντε ντούι κατά μπουτ προφητείες σο σικαβένα ξεκάθαρα ότι ο Ιησούς ισί ο Μεσσίας σο βακερντάας ο Ντεβέλ ότι κα αβέλας.​—Ντικχ ι Σημείωση 13 κο παλαϊνέ σελίδες.

8, 9. Καβά πράγμας σο αβιλό-πες όταν μπολντιλό ο Ιησούς σικαβέλα ότι βοβ ισί ο Μεσσίας;

⁸ Ο Ιεχωβά σικαντάς ξεκάθαρα ότι ο Ιησούς ισί ο Μεσσίας. Ο Ντεβέλ ντινάς πο λάφι ότι κα ντέλας κο Ιωάννης κο Βαφτιστής εκ σημείος για τι μπορίνελ τι αγαβέλ κον ισινέ ο Μεσσίας. Κο μπρες 29 Κ.Χ., όταν ο Ιησούς γκιλό κο Ιωάννης για τι μπολντιόλ κο Ιορδάνης Ποταμός, ο Ιωάννης ντικχλάς οντουβά σημείος. Η Γραφή βακερέλα αμένγκε σο αβιλό-πες: «Αφού μπολντιλό, ο Ιησούς νικίστιλο αμέσως κατά πανί· ντα αζομάν πουτάρντιλο ο ουρανός, ντα ντικχλάς ο πνεύμας ι Ντεβλέσκο τι γουλίλ σαρ περιστέρι ντα τι αβέλ οπρά-λέστε. Επίσης, ασούντιλι φωνή κατά ουρανός σο βακερντάς: “Ακαβά ισί μο Τσσαβό σο μανγκάβα-λες μπουτ, ντα ισινόμ ευχαριστιμέ λέσαρ”». (Ματθαίος 3:​16, 17) Μόλις ο Ιωάννης ντικχλάς ντα ασουντάς οντουλά σο αβιλέ-πες, αγαντάς ότι ο Ιησούς ισινέ ο Μεσσίας. (Ιωάννης 1:​32-34) Οντουβά ντιβές, όταν ο Ιεχωβά μπουτσσαντάς λέσκε πο πνεύμας, ο Ιησούς αβιλό ο Μεσσίας. Λες τραμπιντάς ο Ντεβέλ για τι αβέλ Βασιλιάς.​—Ησαΐας 55:4.

⁹ Ο προφητείες ι Γραφιάκε, ο λάφια σο βακερντάς ο ίδιος ο Ιεχωβά ντα ο σημείος σο ντινάς όταν μπολντιλό ο Ιησούς σικαβένα ξεκάθαρα ότι ο Ιησούς ισί ο Μεσσίας. Αλλά κατάρ αβιλό ο Ιησούς ντα σο τζενό ισινέ; Έλα τι ντικχάς σο βακερέλα η Γραφή.

ΚΑΤΑΡ ΑΒΙΛΟ Ο ΙΗΣΟΥΣ;

10. Σο σικλιάσα κατά Γραφή για τη ζωή ι Ιησούσκι πριν τι αβέλ κι πφουβ;

¹⁰ Η Γραφή βακερέλα ότι ο Ιησούς τζουβντιόλας μπουτ μπρεσά κο ουρανός πριν τι αβέλ κι πφουβ. Ο Μιχαίας βακερντάς ότι ο Μεσσίας ισινέ «κατά πουρανέ μπρεσά». (Μιχαίας 5:2) Ο ίδιος ο Ιησούς βακερντάς μπουτ φαρ ότι τζουβντιόλας κο ουρανός πριν τι μπιάντιβελ σαρ τζενό. (Διάβανε Ιωάννης 3:​13· 6:​38, 62· 17:​4, 5) Ατζέ-ντα πριν τι αβέλ κι πφουβ, ο Ιησούς τθερέλας εκ μπουτ ζουρανί φιλία ι Ιεχωβάσαρ.

11. Σόσκε ο Ιεχωβά μανγκέλα αζόμ μπουτ ι Ιησούς;

¹¹ Ο Ιεχωβά Ντεβέλ μανγκέλα μπουτ ι Ιησούς. Σόσκε; Επειδή πρώτα κερντάς λες ντα σοράν σαρέ ο γιαβερά πράγματα. Οτθάρ, ο Ιησούς βακέρντιβελα «οντουβά σο κερντιλό πρώτος σαριλένταρ».a (Κολοσσαείς 1:​15) Επίσης, ο Ιεχωβά μανγκέλα μπουτ ι Ιησούς επειδή σάντε βοβ κερντιλό κατευθείαν Λέσταρ. Οτθάρ βακέρντιβελα ο “μοναδικός Τσσαβό” ι Ιεχωβάσκο. (Ιωάννης 3:​16) Επίσης, ο Ιεχωβά χρησιμοποιηντάς σάντε ι Ιησούς για τι κερέλ σαρέ ο γιαβερά πράγματα. (Κολοσσαείς 1:​16) Ντα σάντε ο Ιησούς βακέρντιβελα «ο Λάφι», επειδή ο Ιεχωβά χρησιμοποιηντάς-λες για τι βακερέλ λέσκε λάφια κο άγγελοι ντα κο τζενέ.​—Ιωάννης 1:14.

12. Σαρ τζανάσα ότι ο Ιησούς νανέ ο Ντεβέλ;

¹² Μερικά τζενέ πακιάνα ότι ο Ιησούς ισί ο Ντεβέλ. Αλλά η Γραφή να βακερέλα-λες ανταβά. Η Γραφή βακερέλα ότι ι Ιησούς κερντάς-λες ο Ντεβέλ. Ανταβά μανγκέλα τι βακερέλ ότι ο Ντεβέλ ισί πιο μπαρό κατά Ιησούς. Αλλά ο Ιεχωβά, σο κερντάς σαρέ ο πράγματα, να τθερέλας αρχή. (Ψαλμός 90:2) Σαρ Τσσαβό ι Ντεβλέσκο, ο Ιησούς ποτές να σκεφτιντάς τι αβέλ Ντεβέλ. Η Γραφή σικλιαρέλα ξεκάθαρα ότι ο Ντατ ισί πιο μπαρό κατά Τσσαβό. (Διάβανε Ιωάννης 14:​28· 1 Κορινθίους 11:3) Σάντε ο Ιεχωβά ισί «ο Ντεβέλ ο πιο Ζουρανό». (Γένεση 17:1) Βοβ ισί ο πιο μπαρό ντα ο πιο ζουρανό κο σύμπαν.​—Ντικχ ι Σημείωση 14 κο παλαϊνέ σελίδες.

13. Σόσκε βακερέλα η Γραφή ότι ο Ιησούς «μοιάζελα κο Ντεβέλ σο ναστί ντικχάσα-λες»;

¹³ Ο Ιεχωβά ντα λέσκο Τσσαβό, ο Ιησούς, κερντέ μπουτί μαζί για δισεκατομμύρια μπρεσά πριν τι κερντιόν ο ουρανός ντα η πφουβ. Μανγκένας μπουτ ο εκ ι γιαβερές! (Ιωάννης 3:​35· 14:​31) Επειδή ο Ιησούς τθερέλας ο ίδιες ιδιότητες σο τθερέλας λέσκο ντατ, η Γραφή βακερέλα ότι «μοιάζελα κο Ντεβέλ σο ναστί ντικχάσα-λες».​—Κολοσσαείς 1:15.

14. Σαρ μπορίνελας ο αγαπημέ Τσσαβό ι Ιεχωβάσκο τι μπιάντιβελ σαρ τζενό κι πφουβ;

¹⁴ Ο αγαπημέ Τσσαβό ι Ιεχωβάσκο δεχτιντάς σαρέ πι γκίσαρ τι μουκχέλ ο ουρανός ντα τι μπιάντιβελ κι πφουβ σαρ τζενό. Σαρ κα μπορίνελας τι αβέλ-πες ανταβά; Ο Ιεχωβά κερντάς εκ θαύμας​—λιντάς πι Τσσαβέσκι ζωή κατά ουρανός ντα τσσουντάς-λα κο περ κι Μαριάκο σο ισινέ παρθένα. Οτθάρ, ο Ιησούς να τθερέλας νταντές ατθέ κι πφουβ, ντα αντικάς η Μαρία μπιαντάς εκχέ τέλειε τσσαβές ντα τσσουντάς λέσκε Ιησού.​—Λουκάς 1:​30-35.

ΣΟ ΤΖΕΝΟ ΙΣΙΝΕ Ο ΙΗΣΟΥΣ;

15. Σαρ μπορίνεσα τι σικλιός πιο λατσσές ι Ιεχωβάς;

¹⁵ Μπορίνεσα τι σικλιός μπουτ πράγματα ι Ιησούσκε, λέσκε ζωγιάκε ντα για το ιδιότητες σο τθερέλα, άμα διαβαντάν κατά Γραφή ο βιβλία Ματθαίος, Μάρκος, Λουκάς ντα Ιωάννης. Ανταλά βιβλία βακέρντιβενα Ευαγγέλια. Επειδή ο Ιησούς ισί ακριβώς σαρ πο Ντατ, οντουλά σο διαβάνεσα κα βοηθίνεν-τουτ επίσης τι σικλιός πιο λατσσές ι Ιεχωβάς. Ακ σόσκε ο Ιησούς μπορίνελας τι βακερέλ: «Οντουβά σο τθερέλα ντικχλό μαν τθερέλα ντικχλό ι Νταντές-ντα».​—Ιωάννης 14:9.

16. Σο σικλιαρέλας ο Ιησούς; Κάσκε λάφια ισινέ οντουλά σο βακερέλας;

¹⁶ Μπουτ τζενέ βακερένας ι Ιησούσκε «Δάσκαλος». (Ιωάννης 1:​38· 13:​13) Εκ κατά πιο σημαντικά πράγματα σο σικλιαρέλας ισινέ «ο λατσσέ αμπέρια ι βασιλειάκε». Σο ισί ανταγιά Βασιλεία; Ισί η κυβέρνηση ι Ντεβλέσκι σο κα κυβερνίνελ σαρί ι πφουβ κατά ουρανός ντα κα ανέλ λατσσιπέ κο τζενέ σο ντένα καν ι Ντεβλές. (Ματθαίος 4:​23) Σαρέ οντουλά σο σικλιαρέλας ο Ιησούς ισινέ ι Ιεχωβάσκε. Ο Ιησούς βακερντάς: «Ανταλά σο σικλιαράβα με νανέ μιρέ, αλλά ισί οντουλέσκε σο μπουτσσαντάς-μαν». (Ιωάννης 7:​16) Ο Ιησούς τζανέλας ότι ο Ιεχωβά μανγκέλα τι ασουνέν ο τζενέ ο λατσσέ αμπέρια ότι η Βασιλεία ι Ντεβλέσκι κα κερέλ κουμάντος σαρί ι πφουβ.

17. Κατέ σικλιαρέλας ο Ιησούς ι τζενέν; Σόσκε κερέλας μπαρέ προσπάθειες για τι σικλιαρέλ ι γιαβερέν;

¹⁷ Κατέ σικλιαρέλας ο Ιησούς ι τζενέν; Κατέ-ντα τι αβένας. Σικλιαρέλας-λεν κι εξοχή, κο γκαβά, κο πόλεις, κο αγορές, οτθέ σο ντένας λατρεία ι Ντεβλές αλλά λένγκε κχερέντε-ντα. Να μπεσέλας τι αβέν ο τζενέ λέστε. Μπουτ φαρ βοβ τζάλας λέντε. (Μάρκος 6:​56· Λουκάς 19:​5, 6) Ο Ιησούς κερντάς μπαρέ προσπάθειες ντα ντινάς μπουτ πι σαατίσταρ ντα πι ζοριάταρ για τι σικλιαρέλ ι τζενέν. Σόσκε; Επειδή τζανέλας ότι ο Ντεβέλ μανγκέλας τι κερέλ-λες ανταβά ντα επειδή πάντα ασουνέλας πι Νταντές. (Ιωάννης 8:​28, 29) Ο Ιησούς επίσης σικλιαρέλας ι τζενέν επειδή πφαμπόλας λένγκε. (Διάβανε Ματθαίος 9:​35, 36) Ντικχέλας ότι ο παπάζια να βακερένας ι αλήθεια ι Ντεβλέσκε ντα λέσκε Βασιλειάκε. Οτθάρ, μανγκέλας τι βοηθίνελ καζόμ πιο μπουτ τζενέν αβέλας-πες τι ασουνέν ο λατσσέ αμπέρια.

18. Καλά ιδιότητες ι Ιησούσκε μπεϊντίνεσα πιο μπουτ;

¹⁸ Ο Ιησούς μανγκέλας ι τζενέν ντα ενδιαφερίντιβελας λένγκε. Σικαβέλας λατσσιπέ κο γιαβερά ντα ο τζενέ μπορίνενας εύκολα τι κερέν λέσαρ λάφι. Ατζέ-ντα ο χουρντέ μανγκένας τι αβέν λέσαρ. (Μάρκος 10:​13-16) Ο Ιησούς ισινέ πάντα δίκαιος. Να μανγκέλας ιτς ο χουχαϊπέ ντα ι αδικία. (Ματθαίος 21:​12, 13) Τζουβντιόλας μπρεσέντε σο να τθερένας μπουτ δικαιώματα ο τζουβλιά, ντα ο γιαβερά να σεβάνενας-λεν. Αλλά ο Ιησούς σεβάνελας-λεν πάντα ντα συμπεριφερίντιβελας λένγκε λατσσές. (Ιωάννης 4:9, 27) Επίσης, ο Ιησούς ισινέ ταπεινός. Για παράδειγμας, εκ ιράτ τθοντάς ο πιντρέ πι αποστολένγκε, εκ μπουτί σο κερένας-λα ο υπηρέτες.​—Ιωάννης 13:​2-5, 12-17.

19. Καβά παράδειγμας σικαβέλα ότι ο Ιησούς τζανέλας σο χρειαζίντιβενας μπαγιά ο τζενέ ντα ότι μανγκέλας τι βοηθίνελ-λεν;

¹⁹ Ο Ιησούς τζανέλας σο χρειαζίντιβενας μπαγιά ο τζενέ ντα μανγκέλας τι βοηθίνελ-λεν. Ανταβά ντικχίντιβελας όταν κερέλας θαύματα ι Ντεβλέσκε ζοριάσαρ για τι κερέλ λατσσές ι τζενέν. (Ματθαίος 14:​14) Για παράδειγμας, εκ μουρς σο τθερέλας λέπρα γκιλό κο Ιησούς ντα βακερντάς: «Άμα τούι μανγκέσα, μπορίνεσα τι καθαρίνες-μαν». Ο Ιησούς αγαντάς ι ντουκχ ντα ι δυστυχία οντουλέ τζενέσκι. Τζιτζισάλο λέσκε ντα μανγκέλας τι βοηθίνελ-λες. Οτθάρ, ο Ιησούς ασταρντάς-λες πι βαστέσαρ ντα βακερντάς λέσκε: «Μανγκάβα. Τι καθαρίντιβες». Ο νασφαλό τζενό αβιλό λατσσές! (Μάρκος 1:​40-42) Μπορίνεσα τι σκεφτίνες σαρ νιωσάλο οντουβά τζενό;

ΠΑΝΤΑ ΠΙΣΤΟΣ ΠΙ ΝΤΑΝΤΕΣΤΕ

20, 21. Σαρ σικαντάς ο Ιησούς ότι πάντα ντέλας καν ι Ντεβλές;

²⁰ Ο Ιησούς πάντα ντέλας καν ι Ντεβλές, ντα ισί ο πιο λατσσό παράδειγμας ανταλέσκε. Ατσσιλό πιστός πι Νταντέστε σο-ντα τι αβέλας-πες ή σο-ντα τι κερένας λέσκε ο ντουσμάνια. Για παράδειγμας, ο Ιησούς να αμαρτιντάς όταν ο Μπενγκ προσπαθιντάς τι τσσουβέλ-λες κο πειρασμός. (Ματθαίος 4:​1-11) Μερικοί τζενέ ι Ιησούσκε να πακιάνας ότι βοβ ισινέ ο Μεσσίας ντα βακερένας ότι “ντιλίντιλοας”, αλλά ο Ιησούς συνεχίνελας τι κερέλ ι Ντεβλέσκο έργος. (Μάρκος 3:​21) Όταν λέσκε ντουσμάνια ταλαιπωρίνενας-λες, ο Ιησούς ατσσόλας πιστός κο Ντεβέλ ντα ποτές να προσπαθιντάς τι κερέλ λένγκε κακός.​—1 Πέτρου 2:​21-23.

²¹ Ατζέ-ντα όταν βασανίνενας-λες ντα μουνταρντέ-λες, ο Ιησούς ατσσιλό πιστός κο Ιεχωβά. (Διάβανε Φιλιππησίους 2:8) Σκέφτινε καζόμ μπουτ έπρεπε τι τσσίντελ οντουβά ντιβές σο μουλό. Ασταρντέ-λες, βακερντέ ψέματα ότι πι λαφίντζαρ προσβαλιντάς ι Ντεβλές, δικαντέ-λες γκεραλέ δικαστές, μπουτ τζενέ πρασάνας-λες ντα ο στρατιώτες βασανιντέ-λες ντα καρφωντέ-λες κο κας. Όταν μερέλας, ντινάς βίκος ζουρανές: «Αβιλό-πες!» (Ιωάννης 19:​30) Τριν ντιβεσά αφού μουλό ο Ιησούς, ο Ιεχωβά τζουβντιαρντάς-λες ντα ντινάς-λες πνευματικός σώμας. (1 Πέτρου 3:​18) Χάνικ εβδομάδες πιο σοράν, ο Ιησούς γκιλό πάλι κο ουρανός, «μπεσλό κο δεξιά κι Ντεβλέσκε» ντα μπεκλεντίνελας μέχρι τι κερέλ-λες ο Ντεβέλ Βασιλιάς.​—Εβραίους 10:​12, 13.

22. Σο ευκαιρία τθεράσα αμέν ακανά επειδή ο Ιησούς ατσσιλό πιστός πι Νταντέστε;

²² Επειδή ο Ιησούς ατσσιλό πιστός πι Νταντέστε, αμέν ακανά τθεράσα ι ευκαιρία τι τζουβντιάς για πάντα κο παράδεισος κι πφουβ, σαρ ισινέ κι αρχή ο σκοπός ι Ιεχωβάσκο. Κο γιαβέρ κεφάλαιος, κα ντικχάς σαρ ο μεριπέ ι Ιησούσκο ντέλα-αμέν ι ευκαιρία τι τζουβντιάς για πάντα.