Ο Γιαβερά Σιοβ Πληγές

Ο Μωυσής ντα ο Ααρών γκιλέ τι βακερέν κο Φαραώ ακαβά σο βακερντάς λένγκε ο Ντεβέλ: “Άμα να κα μουκχές μι λαός τι νασέλ, κα μπουτσσαβάβ μπαρέ μακχιά τι τθεμέστε”. Μπουτ μπαρέ μακχιά γκιλέ κο κχερά κι Αιγυπτιόνγκε, εμ κι χουλανένγκε εμ κι τσορορένγκε. Σαρό ο τθεμ πφερντιλό μπαρέ μακχιά. Αλλά κι Γεσέν, οτθέ σο μπεσένας ο Ισραηλίτες, να ισινέ μπαρέ μακχιά. Κατά τέταρτη πληγή ντα σοράν, ο πληγές σο αβένας κερένας ζιάνι σάντε κο Αιγύπτιοι. Ο Φαραώ βακερντάς: “Μόλινε ι Ιεχωβάς τι νασκιαρέλ ακαλέ μακχίν. Το λαός μπορίνελα τι νασέλ”. Αλλά κάνα ο Ιεχωβά νασκιαρντάς ι μπαρέ μακχίν, ο Φαραώ να ατσσικιαρντάς πο λάφι. Κα τσσουβέλας γκοντί ποτές ο Φαραώ;

Ο Ιεχωβά βακερντάς: “Άμα ο Φαραώ να κα μουκχέλ μι λαός τι νασέλ, ο ζώα ι Αιγυπτιόνγκε κα νασφάλιβεν ντα κα μερέν”. Ο γιαβέρ ντιβές, ο ζώα μερένας. Αλλά ο ζώα ι Ισραηλιτένγκε να μερένας. Ο Φαραώ όμως τθερέλας σουκό γκι ντα να κερντάς παλάλ.

Σοράν ο Ιεχωβά βακερντάς κο Μωυσής τι τζαλ πάλι κο Φαραώ ντα τι φουρτίνελ χόβολη κι μπαρμπάλ. Η χόβολη αβιλί σκόνη σο πφερντάς ι μπαρμπάλ ντα πελί οπράλ σαρέ κο Αιγύπτιοι. Ιτιρί κατά σκόνη, σαρέ ο Αιγύπτιοι ντα λένγκε ζώα πφερντιλέ πληγές κο σώμας σο ντουκχάνας-λεν μπουτ. Αλλά ατζέ-ντα αζομάν, ο Φαραώ να μουκχλάς ι Ισραηλιτέν τι νασέν.

Ο Ιεχωβά μπουτσσαντάς πάλι ι Μωυσής κο Φαραώ τι βακερέλ λέσκε: “Ατζέ να μουκχέσα μι λαός τι νασέλ; Γιαβίν κα ντελ χαλάζι ανταλέ τθεμέστε”. Ο γιαβέρ ντιβές, ο Ιεχωβά μπουτσσαντάς χαλάζι, μπουμπουνητά ντα γιακ. Ισινέ η χειρότερη μπαρμπάλ σο τθερένας ντικχλό ο Αιγύπτιοι. Σαρέ ο δέντρα ντα ο χωράφια σο ισινέ γκιντιμάσκε αβιλέ καταστροφή, αλλά όχι οντουλά σο ισινέ κι Γεσέν. Ο Φαραώ βακερντάς: “Μόλινε ι Ιεχωβάς τι σταματίνελ-λες ανταβά! Σοράν μπορίνενα τι νασέν”. Αλλά κάνα σταματισάλο ο μπρισίμ ντα ο χαλάζι, ο Φαραώ να ατσσικιαρντάς πο λάφι.

Σοράν ο Ιεχωβά βακερντάς: “Ακανά ακρίδες κα χαν σαρέ οντουλά φυτά σο ατσσιλέ κατά χαλάζι”. Εκατομμύρια ακρίδες χαλέ σο-ντα ατσσιλέας κο χωράφια ντα κο δέντρα. Ο Φαραώ βακερντάς: “Μόλινε ι Ιεχωβάς τι νασκιαρέλ ο ακρίδες”. Αλλά ατζέ-ντα κάνα ο Ιεχωβά νασκιαρντάς ο ακρίδες, ο Φαραώ συνεχίνελας τι τθερέλ εκ σορό.

Ο Ιεχωβά βακερντάς κο Μωυσής: “Βάντε το βας οπρέ κο ουρανός”. Αμέσως, αβιλό ντιπ καρανίκι κο ουρανός. Για τριν ντιβεσά, ο Αιγύπτιοι να μπορίνενας τι ντικχέν τίποτα ντα καεκχές. Σάντε ο Ισραηλίτες τθερένας φως πουμαρέ κχερέντε.

Ο Φαραώ βακερντάς κο Μωυσής: “Τούι ντα το λαός μπορίνενα τι νασέν. Αλλά τουμαρέ ζώα κα μουκχέν-λεν ακατέ”. Ο Μωυσής βακερντάς: “Πρέπει τι λας αμαρέ ζώα για τι ντας-λεν θυσία αμαρέ Ντεβλέστε”. Ο Φαραώ χολιασάλο μπουτ. Ντινάς βίκος: “Νας ανγκλά-μάνταρ! Άμα κα ντικχάβ-τουτ πάλι, κα μουνταράβ-τουτ”.