Ισινάν Έτοιμος τι Μπολντιός;

Σικλιλάν μπουτ πράγματα ι Ιεχωβάσκε καζόμ διαβάνεσα ι Αγία Γραφή. Μπέκιμ, τι αλλαντάν ήδη μερικά πράγματα τι ζωγιάτε για τι κερές οντουλά σο σικλιλάν. Όμως, μπορεί τι υπαρχίντιβελα κάτι σο τσσιναβέλα-τουτ τι ντες το λάφι τι τζουβντιός ι Ιεχωβάσκε ντα τι μπολντιός. Ανταβά μάθημας κα σικαβέλ κάποιες ασακέ δυσκολίες ντα σαρ μπορίνεσα τι νακχαβές-λεν.

1. Καζόμ πράγματα χρειαζίντιβελα τι τζανές πριν τι μπολντιός;

Για τι μπολντιός, πρέπει τι “σικλιός ντιπ ι αλήθεια”. (1 Τιμόθεο 2:4) Ανταβά να μανγκέλα τι βακερέλ ότι πρέπει τι τζανές σαρέ ο απαντήσεις κο ερωτήσεις κι Γραφιάκε πριν τι μπολντιός. Ατζέ-ντα Χριστιανοί σο ισί μπολντέ μπουτ μπρεσά συνεχίνενα τι σικλιόν. (Κολοσσαείς 1:9, 10) Χρειαζίντιβελα όμως τι τζανές κάποια βασικά πράγματα σο σικλιαρέλα η Γραφή. Ο πρεσβύτεροι κα βοηθίνεν-τουτ τι αγαβές άμα τζανέσα οντουλά σο χρειαζίντιβενα.

2. Καλά ισί μερικά πράγματα σο πρέπει τι κερές πριν τι μπολντιός;

Για τι μπολντιός, πρέπει πρώτα τι “μετανιώνες ντα τι αλλάνες”. (Διαβάνεν Πράξεις 3:​19) Ανταβά μανγκέλα τι βακερέλ ότι στεναχωρίντιβεσα μπουτ σο-ντα αμαρτιένγκε τθερέσα κερντό ντα μανγκέσα κατά Ιεχωβά τι συγχωρίνελ-τουτ. Επίσης, ότι ισινάν αποφασισμέ μα τι κερές σαρέ οντουλά σο βακερέλα ο Ντεβέλ ότι ισί λάθος ντα τι τζουβντιός αντικάς σαρ μανγκέλα βοβ. Επίσης, ότι τζάσα κο συναθροίσεις ντα κερέσα έργος σαρ μπίμπολντο ευαγγελιζόμενος.

3. Σόσκε δεν πρέπει τι μουκχές ι νταρ τι ατσσικιαρέλ-τουτ παλάλ;

Μερικά τζενέ νταρένα ότι να κα ατσσικιαρέν πουμαρό λάφι σο ντινέ κο Ιεχωβά. Ισί μπαγιά ότι μπάζιμα κα κερές λάθη, σαρ κερένας ο πιστά μουρσά ντα τζουβλιά σο βακέρντιβενα κι Γραφή. Αλλά ο Ιεχωβά να μπεκλεντίνελα οντουλένταρ σο ντένα-λες λατρεία τι αβέν τέλειοι. (Διαβάνεν Ψαλμός 103:​13, 14) Ισί ευχαριστιμέ κάνα κερέσα ο πο λατσσό σο μπορίνεσα! Κα βοηθίνελ-τουτ. Μάλιστα, ο Ιεχωβά ντέλα-αμέν πο λάφι ότι τίποτα “ναστί τσσιναβέλα-αμέν λέσκε μανγκιμάσταρ”.​—Διαβάνεν Ρωμαίους 8:​38, 39.

ΧΑΝΤΖΟΥΒ ΠΟ ΑΧΟΡΤ

4. Σίκλιουβ πο λατσσές ι Ιεχωβάς

Καζόμ λατσσές πρέπει τι σικλιός ι Ιεχωβάς πριν τι μπολντιός; Πρέπει τι σικλιός-λες καζόμ χρειαζίντιβελα για τι μανγκές-λες ντα αντικάς τι κερές οντουβά σο μανγκέλα βοβ. Ντικχέν ο ΒΙΝΤΕΟΣ σο σικαβέλα αμένγκε σαρ κερντέ-λες ανταβά μερικά τζενέ σο διαβαντέ ι Γραφή σαρό κο ντουνιάς. Σοράν συζητίνεν ι ερώτηση:

ΒΙΝΤΕΟΣ: Ο Ντρομ σο Γκερέλα κο Μπολντιπέ (3:56)

• Σαρ ντικχλάμ κο βίντεος, σο βοηθιντάς μερικέ τζενέν τι προετοιμάντιβεν ι μπολντιμάσκε;

Διαβάνεν Ρωμαίους 12:2 ντα σοράν συζητίνεν ο ερωτήσεις:

• Ισινάν σίγουρος οντουλένγκε σο σικλιαρέλα η Γραφή ή άμα οντουλά σο σικλιαρένα ο Μάρτυρες ι Ιεχωβάσκε ισί μπαγιά;

• Άμα να ισινάν σίγουρος, σο μπορίνεσα τι κερές ανταλέσκε;

5. Νάκχαβ ο δυσκολίες σο μπέκιμ τι τσσιναβέν-τουτ τι μπολντιός

Σαρέ, κάνα αποφασίνασα τι ντας αμαρό λάφι τι τζουβντιάς ι Ιεχωβάσκε ντα τι μπολντιάς, αβένα αμένγκε δυσκολίες. Ντικχ εκ ασακί περίπτωση. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Άμα Μανγκάσα ι Ιεχωβάς Νακχαβάσα ο Δυσκολίες (5:22)

• Σαρ ντικχλάμ κο βίντεος, καλά δυσκολίες έπρεπε τι νακχαβέλ η Ναρανγκέρελ για τι υπηρετίνελ ι Ιεχωβάς;

• Σαρ βοηθιντάς-λα ο μανγκιπέ ι Ιεχωβάσκε τι νακχαβέλ ανταλά δυσκολίες;

Διαβάνεν Παροιμίες 29:​25 ντα 2 Τιμόθεο 1:7 ντα σοράν συζητίνεν ι ερώτηση:

• Σο ντέλα-αμέν ζορ για τι νακχαβάς ο δυσκολίες;

6. Τι ντες μπέσα κι βοήθεια σο ντέλα ο Ιεχωβά

Ο Ιεχωβά κα βοηθίνελ-τουτ τι κερές οντουλά σο μανγκέλα. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Ο Ιεχωβά Ντεβέλ κα Βοηθίνελ-τουτ (2:50

• Σαρ ντικχλάμ κο βίντεος, σόσκε σακιντίνελας τι μπολντιόλ ο τζενό σο κερέλας μελέτη;

• Καβά πράγμας σικλιλό σο βοηθιντάς-λες τι ντελ πο μπουτ μπέσα κο Ιεχωβά;

Διαβάνεν Ησαΐας 41:​10, 13 ντα σοράν συζητίνεν ι ερώτηση:

• Κάνα κα ντες το λάφι τι τζουβντιός ι Ιεχωβάσκε, σόσκε μπορίνεσα τι αβές σίγουρος ότι κα καταφερίνες-λεν;

7. Τι μπαριαρές τι εκτίμηση ι μανγκιμάσκε σο σικαβέλα ο Ιεχωβά

Κιτί πο μπουτ σκεφτίνεσα καζόμ μανγκέλα-τουτ ο Ιεχωβά, αζόμ πο μπουτ κα μπαριόλ τι εκτίμηση ντα κα μανγκές τι υπηρετίνες-λες για πάντα. Διαβάνεν Ψαλμός 40:5 ντα σοράν συζητίνεν ι ερώτηση:

• Καλά ευλογίες ι Ιεχωβάσκε εκτιμίνεσα πο μπουτ;

Ο προφήτης Ιερεμίας μανγκέλας ι Ιεχωβάς ντα Λέσκο λάφι ντα εκτιμίνελας μπουτ ο προνόμιος τι τθερέλ οπρά-πέστε ο ναβ ι Ιεχωβάσκο. Βακερντάς: «Το λάφι αβιλό μάνγκε η ευχαρίστηση ντα η χαρά μι γκίσκι, σόσκε τθεράβα οπρά-μάντε το ναβ, Ιεχωβά, Ντέβλα». (Ιερεμίας 15:​16) Απάντινε κο ερωτήσεις:

• Σόσκε ισί μπαρό προνόμιος τι αβέλ εκ τζενό Μάρτυρας ι Ιεχωβάσκο;

• Μανγκέσα τι μπολντιός σαρ Μάρτυρας ι Ιεχωβάσκο;

• Τσσιναβέλα-τουτ κάτι τι κερές-λες ανταβά;

• Σο πακιάσα ότι πρέπει τι κερές για τι μπολντιός;

ΧΑΝΙΚ ΛΑΦΙΝΤΖΑΡ

Ι Ιεχωβάσκε βοηθειάσαρ, μπορίνεσα τι νακχαβές σαρέ ο δυσκολίες σο τσσιναβένα-τουτ τι μπολντιός.

Σο Σικλιλάν;

• Καζόμ πράγματα πρέπει τι τζανές κατά Γραφή για τι μπολντιός;

• Καλά αλλαγές μπέκιμ χρειαζίντιβελα τι κερές για τι μπορίνες τι μπολντιός;

• Σόσκε δεν πρέπει τι μουκχές ι νταρ τι ατσσικιαρέλ-τουτ παλάλ;

ΡΟΝΤΕ

Ντικχ κατέ πρέπει τι βασίντιβελ τι απόφαση τι μπολντιός.

«Ισινέν Έτοιμοι τι Μπολντιόν;» (Η Σκοπιά, Μάρτιος 2020)

Σίκλιουβ σαρ κα νακχαβές συγκεκριμέ δυσκολίες σο μπέκιμ τι τσσιναβένα-τουτ τι μπολντιός.

«Σο Τσσιναβέλα-μαν τι Μπολντιάβ;» (Η Σκοπιά, Μάρτιος 2019)

Τσσουβ σημασία σαρ εκ μουρς νακχαντάς μπαρέ δυσκολίες για τι μπορίνελ τι μπολντιόλ.

“Σόσκε Αργίνενα τι Μπολντιόν;” (1:10)

Εκ μουρς σο βακερένα λέσκε Ατάα κι αρχή σακιντίνελας τι μπολντιόλ. Ντικχ σο κερντάς-λες τι μπολντιόλ.

Αξίναβα-λες Με Σαρό Ανταβά; (7:21)