Σαρ τι Ντεν Λατσσέ Απαντήσεις

Ο λατσσέ απαντήσεις ντένα θάρρος ι πφραλέν κι συνάθροιση. (Ρω 14:​19) Επίσης, όταν ντάσα εκ απάντηση βοηθίντιβασα αμέν-ντα. (Παρ 15:​23, 28) Άρα, πρέπει τι προσπαθίνας τι βακεράς τουλάχιστον εκ απάντηση σε κάθε συνάθροιση. Βέβαια, να κα απαντίνας κάθε φαρ σο βάντασα αμαρό βας. Οτθάρ, ο πιο λατσσό ισί τι ετοιμάνας μπουτ απαντήσεις.

Εκ λατσσί απάντηση . . .

• ισί απλή, ξεκάθαρη ντα χάνικ λαφίντζαρ. Ο πιο μπουτ φαρ, κα μπορίνεν τι ντεν εκ λατσσί απάντηση σε πιο χάνικ από 30 δευτερόλεπτα

• αβέλα πιο λατσσί όταν βακερένα-λα τουμαρέ λαφίντζαρ

• να τθερέλα ο ίδιες σκέψεις σο βακερντάς κάποιος γιαβέρ πιο πριν

Άμα ντένα ι πρώτη απάντηση, . . .

• βακερέν-λα με απλός τρόπος ντα απαντίνεν ακριβώς κι ερώτηση

Άμα κάποιος απαντιντάς κι ερώτηση, κα μπορίνενας τι  . . .

• σικαβέν σαρ εκ εδάφιος σο ισί κι παράγραφος ταιριάνελα ι θεμάσαρ σο συζητίνασα

• βακερέν σαρ ο θέμας σο συζητίνασα επηρεάνελα αμαρί ζωή

• εξηγίνεν σαρ μπορίνασα τι χρησιμοποιήνας οντουβά σο σικλιλάμ

• βακερέν χάνικ λαφίντζαρ εκ εμπειρία σο σικαβέλα εκ σημαντικός σημείος