Ο Ιησούς Μανγκέλας ι Τζενέν

Ο κεφάλαια 8 ντα 9 κο Ματθαίος βακερένα χάνικ λάφια για το έργος σο κερντάς ο Ιησούς κι Γαλιλαία. Όταν ο Ιησούς κερέλας λατσσές ι τζενέν, σικαβέλας πι ζορ, αλλά ο πιο σημαντικός ισί ότι σικαβέλας πι μπαρί αγάπη ντα ότι τζιτζίνελας ι γιαβερένγκε.

1. 

   Ο Ιησούς κερντάς λατσσές εκχέ λεπρός.​—Ματ 8:​1-3

2. Ο Ιησούς κερντάς λατσσές εκ τζενές σο ισινέ υπηρέτης εκχέ αξιωματικόσκο.​—Ματ 8:​5-13

   Κερντάς λατσσές ι Πετρόσκε σασά.​—Ματ 8:​14, 15

   Νικαντάς δαιμονέν ντα κερντάς λατσσές σαρέ ι νασφαλέν.​—Ματ 8:​16, 17

3. Ο Ιησούς νικαντάς μπουτ άγριε δαιμονέν, ντα μπουτσσαντάς-λεν σε εκ κοπάδι με γουρούνια.​—Ματ 8:​28-32

4. Ο Ιησούς κερντάς λατσσές εκχέ μπανγκές.​—Ματ 9:​1-8

   Κερντάς λατσσές εκχέ τζουβλιά σο ασταρντάας λέσκε σέα, ντα τζουβντιαρντάς ι Ιαειρόσκε τσσαγιά.​—Ματ 9:​18-26

   Κερντάς λατσσές ι κορορέν ντα ι λαλορέν.​—Ματ 9:​27-34

5. Ο Ιησούς τζάλας κο πόλεις ντα κο γκαβά ντα κερέλας λατσσές ι τζενέν, σο-ντα νασφαλιπέ τθερένας.​—Ματ 9:​35, 36

Σαρ μπορίναβα τι σικαβάβ πιο μπουτ αγάπη ντα τι τζιτζίναβ πιο μπουτ ι γιαβερένγκε;