Τι Αβέν Έτοιμοι κο Τέλος κι “Τελευταίε Ντιβεσένγκο”

Τζανάσα ότι ο προβλήματα σο τθεράσα κο τέλος κι “τελευταίε ντιβεσένγκο” κα αβέν πιο μπουτ. (2Τι 3:1· Ματ 24:8) Κάνα αβέλα-πες εκ καταστροφή, ο υπηρέτες ι Ιεχωβάσκε λένα οδηγίες οπράλ κο σαάτι σο μπορίνενα τι σώνεν λένγκι ζωή. Όμως, για τι σώντιβας αζομάν πρέπει τι ετοιμάνας-αμέν ντα τι ντας καν από ακανά. Ανταβά κα βοηθίνελ-αμέν τι ατσσάς πασέ κο Ιεχωβά ντα τι κεράς ο πράγματα σο πρέπει τι κεράς.​—Λου 16:10.

• Ατσσόν πασέ κο Ιεχωβά: Κερέν εκ λατσσό πνευματικός πρόγραμμας. Κερέν έργος σαβέ τι μανγκές τροπόντζαρ. Μα νταρέν άμα για χάνικ ναστί αβένα ι πφραλέντζαρ τουμαρέ κχανγκιριάταρ. (Ησ 30:​15) Ο Ιεχωβά ντα ο Ιησούς ποτές να κα μουκχέν-τουμέν κορκορέ.​—od σ. 176 ¶15-17

• Κερέν πράγματα τουμέν-ντα: Εκτός κατά βαλίτσες ι πραγματέντζαρ σο κα χρειαζίντιβας άμα ντινάμ-αμέν ή νασφάλιλαμ, η κάθε φαμιλί πρέπει τι γκεραβέλ χάνικ χαμπίματα, πανί, φάρμακα ντα γιαβερά ασακέ πράγματα άμα κα χρειαζίντιβελ τι τζαλ εκχέ τθανέστε για τι αρακχαβέλ-πες.​—Παρ 22:3· g17.5 4, 6

ΝΤΙΚΧΕΝ Ο ΒΙΝΤΕΟΣ ΙΣΙΝΕΝ ΕΤΟΙΜΟΙ ΑΜΑ ΚΑ ΑΒΕΛ-ΠΕΣ ΕΚ ΦΥΣΙΚΗ ΚΑΤΑΣΤΡΟΦΗ; ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ μπορίνασα τι ατσσάς πασέ κο Ιεχωβά για τι νακχαβάς εκ καταστροφή;

• 

  Σόσκε πρέπει . . .

  • τι τθεράς λατσσί επικοινωνία ι πρεσβυτερόντζαρ;

  • τι ετοιμάνας εκ βαλίτσα πραγματέντζαρ σο κα χρειαζίντιβας;

  • τι σκεφτίνας σο καταστροφές μπορεί τι αβέν-πες ντα σο κα κεράας κι κάθε περίπτωση;

• 

  Καλέ τρινέ τροπόντζαρ μπορίνασα τι βοηθίνας γιαβερέν κάνα νακχαβένα εκ καταστροφή;

ΠΟΥΤΣΕΝ ΤΟΥΜΑΡΟ ΝΕΑΥΤΟΣ: “Σαρ αγαβάβα κατά μπαρό νασφαλιπέ ι κορωνοϊόσκο καζόμ σημαντικός ισί τι ετοιμάντιβαβ;”