Σκαπανικός

Χρησιμοποιήνασα γκοντιάσαρ αμαρί ζορ, κάνα τσσουβάσα στόχους για τι κεράς πο μπουτ ι Ιεχωβάσκε. (1Κο 9:​26) Ο στόχοι βοηθίνενα-αμέν τι χρησιμοποιήνας καζόμ πο λατσσές αβέλα-πες ο βακίτι σο ατσσιλό μέχρι κο τέλος ανταλέ ντουνιάσκο. (Εφ 5:​15, 16) Κι φαμιλιάκι λατρεία, σόσκε μα τι τσσουβέν στόχους ι νεβέ υπηρεσιακέ μπρεσέσκε; Ανταβά πρόγραμμας ι συναθροισιάκε, κα βοηθίνελ-τουμέν σόσκε τθερέλα θέματα σο σικαβένα στόχους σο κα μπορίνενας τι τσσουβέν. Κερέν προσευχή ντα σκεφτίνεν-λεν.​—Ιακ 1:5.

Μήπως κα μπορίνενας τι συνεργαζίντιβεν ι κάθε εκχέσαρ αντράλ τουμαρέ φαμιλιάταρ για τι κερέλ τακτικός σκαπανικός εκ τζενό τουμένταρ ή πο μπουτ τζενέ; Άμα αμντίνενα ότι ναστί κα νικαβέν ο σαάτια, κερέν λάφι σκαπανίντζαρ σο μπορίνενα τι αγαβέν-τουμέν ντα τθερένα σαρ τουμαρό πρόγραμμας. (Παρ 15:​22) Κα μπορίνενας κι φαμιλιάκι λατρεία τι κερέν μερικές ερωτήσεις εκχέ πφραλές ή εκχέ πφενιά σο κερέλα σκαπανικός. Σοράν, κερέν προγράμματα για τι ντικχέν καβά κα βοηθίνελ-τουμέν. Άμα ανγκλέ κερένας σκαπανικός, ντικχέν άμα ακανά μπορίνενα τι κερέν πάλι.

Κα μπορίνενας κάποιοι τουμαρέ φαμιλιάταρ τι κερέν βοηθητικός σκαπανικός εκ ή πο μπουτ μασεκά; Άμα να τθερένα μπουτ ζορ, σκεφτίνεν άμα κα μπορίνενας τι λεν ο βοηθητικός σκαπανικός ντα τι κερέν έργος χάνικ σαάτι κάθε ντιβές. Άμα κερένα μπουτί μπουτ σαάτια ή τζάνα σχολείος, μπορίνενα τι τραμπίνεν εκ μάσεκ σο τθερέλα αργίες ή παντς σαββατοκύριακα. Γραφίνεν κάνα μανγκένα τι κερέν βοηθητικός σκαπανικός ντα κερέν εκ πρόγραμμας.​—Παρ 21:5.

ΝΤΙΚΧΕΝ Ο ΒΙΝΤΕΟΣ ΤΙ ΤΘΕΡΕΝ ΘΑΡΡΟΣ . . . ΤΟΥΜΕΝ ΣΟ ΙΣΙΝΕΝ ΣΚΑΠΑΝΕΙΣ ΝΤΑ ΣΟΡΑΝ ΑΠΑΝΤΙΝΕΝ ΚΙ ΕΡΩΤΗΣΗ:

• Σαρ σικαβέλα αμένγκε η εμπειρία ι πφενιάκι Άαμαντ καζόμ μανγκέλα ντα αρακχαβέλα ο Ιεχωβά ι σκαπανίν σο κερένα θυσίες;