Προετοιμάνεν-τουμέν Ακανά Εκχέ Πραγμάσκε σο Μπέκιμ τι Αβέλ-πες Ξαφνικά Τουμαρέ Υγειάτε

Σόσκε τι προετοιμάντιβεν; Μπορεί οτθέ σο να μπεκλεντίνενα-λες τι αβέλ-πες κάτι τουμαρέ υγειάτε ντα τι γκερέν-τουμέν κο νοσοκομείος. Οτθάρ, πριν τι αβέλ-πες κάτι ξαφνικός, κερέν σο νακχέλα τουμαρέ βαστένταρ για τι προετοιμάντιβεν ντα αντικάς τι ντιντιόλ-τουμέν η πο λατσσί θεραπεία σο υπαρχίντιβελα. Άμα κα κερέν-λες ανταβά, κα σικαβέν ότι σεβάνενα ι ζωή ντα ο νόμος ι Ιεχωβάσκο ι ρατέσκε.​—Πρ 15:​28, 29.

Σο μπορίνενα τι κερέν για τι προετοιμάντιβεν;

• Με προσοχή ντα προσευχή κερέν ι κάρτα ι ρατέσκε (DPA).a Ο μπολντέ ευαγγελιζόμενοι μπορίνενα τι λεν κατά πφραλ σο ισί κο έντυπα είτε εκ κάρτα DPA πουμένγκε είτε εκ κάρτα Βεβαίωση (ic) πουμαρέ χουρντέ τσσαβένγκε

• Άμα ισινέν κχαμνέ, μανγκέν τουμαρέ πρεσβυτερόνταρ εκ αντίγραφος κατά έντυπος Πληροφορίες για τις Μέλλουσες Μητέρες (S-401). Ανταβά έγγραφος κα βοηθίνελ-τουμέν τι λεν λατσσέ αποφάσεις άμα κα αβέλ-πες καέκ σέι καζόμ ισινέν κχαμνέ ή αζομάν σο κα μπιανέν

• Άμα κα χρειαζίντιβελ τι κερέν εκ χειρουργείος ή τι μπεσέν κο νοσοκομείος, κερέν λάφι ανταλέσκε πο τζανγκλέ τουμαρέ πρεσβυτερόντζαρ ντα βακερέν κο νοσοκομείος ότι κα μανγκένας τι αβέλ τουμένγκε εκ Μάρτυρας ι Ιεχωβάσκο

Σαρ μπορίνενα τι βοηθίνεν ο πρεσβύτεροι; Μπορίνενα τι βοηθίνεν-τουμέν τι κερέν ι κάρτα DPA. Όμως, ο πρεσβύτεροι να κα αποφασίνεν τουμαρέ υγειάκε ούτε κα βακερέν οντουβά σο πακιάνα βον πραγματένγκε σο πρέπει τι αποφασίνελ ο κάθε τζενό κορκορό. (Ρω 14:​12· Γα 6:5) Κάνα κα βακερέν τουμαρέ πρεσβυτερόνγκε ότι ισί-τουμέν εκ πρόβλημας υγείας σο μπέκιμ τθερέλα τι κερέλ ι ρατέσαρ, βον κα κερέν λάφι ι πφραλέντζαρ κατά Επιτροπή Προσέγγισης Νοσοκομείων (HLC) χωρίς τι χασαρέν σαάτι.

Σαρ μπορίνελα τι βοηθίνελ η Επιτροπή Προσέγγισης Νοσοκομείων; Ο πφραλά κι Επιτροπή Προσέγγισης Νοσοκομείων ισί εκπαιδευμέ τι βοηθίνεν ι γιατρόν ντα ι δικηγορόν τι αγαβέν σο πακιάσα σαρ θρησκεία ι ρατέσκε. Ανταλά πφραλά μπορίνενα τι κερέν λάφι τουμαρέ γιατρόσαρ γιαβερέ τροπόνγκε σο υπαρχίντιβενα για μα τι τσσουβντιόλ ρατ. Άμα κα χρειαζίντιβελ, κα βοηθίνεν-τουμέν τι αρακχέν εκχέ γιατρός σο να κα τσσουβέλ τουμένγκε ρατ.

ΝΤΙΚΧΕΝ Ο ΒΙΝΤΕΟΣ ΣΑΡ ΤΙ ΛΕΝ ΑΠΟΦΑΣΕΙΣ ΣΟ ΤΘΕΡΕΝΑ ΤΙ ΚΕΡΕΝ Ι ΡΑΤΕΣΑΡ ΝΤΑ ΣΟΡΑΝ ΑΠΑΝΤΙΝΕΝ ΚΙ ΕΡΩΤΗΣΗ:

• Σαρ βοηθιντάς-τουμέν ανταβά βίντεος τι προετοιμάντιβεν εκχέ πραγμάσκε σο μπέκιμ τι αβέλ-πες ξαφνικά τουμαρέ υγειάτε ντα τθερέλα τι κερέλ ι ρατέσαρ;

  Τι απάντηση