Τσσουβέν Στόχους ι Αναμνησιάκε

Κάθε μπρες, ο λαός ι Ιεχωβάσκο μπεκλεντίνελα τι αβέλ κι Ανάμνηση γιεκ. Ο εβδομάδες πριν ντα σοράν κατά Ανάμνηση, να χασαράσα ο ευκαιρίες σο ντιντιόνα-αμέν για τι δοξάνας ντα τι ευχαριστίνας ι Ιεχωβάς σο ντινάς-αμέν ο λύτρος σαρ δώρος. (Εφ 1:3, 7) Για παράδειγμας, καλίνασα ι γιαβερέν κι Ανάμνηση αντράλ αμαρέ γκίσταρ. Μερικοί αλλάνενα πουμαρό πρόγραμμας για τι μπορίνεν τι λεν ο βοηθητικός σκαπανικός ντα τι κερέν 30 ή 50 σαάτια ο μασεκά Απρίλιος ή Μάρτιος. Κα μανγκένας τι κερέν πο μπουτ έργος ανταλέ Αναμνησιάτε; Σο κα βοηθίνελ-τουμέν τι πετυχίνεν-λες ανταβά;

Μπουτ φαρ, μπορίνασα τι κεράς πο μπουτ κάνα ετοιμάνασα αμαρό πρόγραμμας πο τζανγκλέ. (Παρ 21:5) Επειδή η Ανάμνηση ισί μπουτ πασέ, ακανά ισί ο σαάτι τι αρχίνας τι κεράς αμαρό πρόγραμμας. Ντικχέν σαρ κα κερέν πο μπουτ κο έργος αζομάν σο κα αβέλ η Ανάμνηση ντα σκεφτίνεν σο χρειαζίντιβελα τι κερέν για τι πετυχίνεν τουμαρέ στόχοι. Σοράν, μανγκέν κατά Ιεχωβά τι ευλογίνελ τουμαρέ προσπάθειες.​—1Ιω 5:14, 15.

Μπορίνενα τι σκεφτίνεν χάνικ τρόπους για τι κερέν πο μπουτ κο έργος αζομάν σο κα αβέλ η Ανάμνηση;