Σαρ τι Σικλιαρέν-τουμέν

Καλέ Θεματένταρ κα Μπορίνενας τι Σικλιαρέν-τουμέν Πρώτα;

Σαρέ τθεράσα συγκεκριμέ σαάτι για τι σικλιαράς-αμέν. Σαρ μπορίνασα τι χρησιμοποιήνας-λες καζόμ πο λατσσές αβέλα-πες; Πρώτα, μα σιγκιαρέν. Κα βοηθίντιβεν πο μπουτ άμα κα διαβάνεν εκ χουρντό κομμάτι ντα προσεκτικά αντίς τι διαβάνεν εκ μπαρό κομμάτι σιγκιαριμάσαρ.

Σοράν, τραμπίνεν καλέ θεματένταρ κα μπορίνενας τι σικλιαρέν-τουμέν πρώτα. (Εφεσ. 5:​15, 16) Ντικχέν ακαλά ιδέες:

• Διαβάνεν ι Γραφή κάθε ντιβές. (Ψαλμ. 1:2) Κα μπορίνενας τι αρχίνεν κατά κεφάλαια ι Γραφιάκε σο τθεράσα κι συνάθροιση αντρέ κι εβδομάδα.

• Προετοιμάνεν-τουμέν ι Σκοπιάκε ντα ι συναθροισιάκε σο τθεράσα αντρέ κι εβδομάδα. Τι αβέν έτοιμοι τι απαντίνεν.​—Ψαλμ. 22:22.

• Προσπαθίνεν τι διαβάνεν ντα τι ντικχέν γιαβερά-ντα πράγματα σο νικαβέλα αμαρί οργάνωση, σαρ ισί ο περιοδικά σο ντάσα κο τζενέ, ο βίντεα ντα οντουλά σο νικιόνα κο ιστότοπος jw.org.

• Τραμπίνεν εκ θέμας για τι σικλιαρέν-τουμέν. Κα μπορίνενας τι ρόντεν εκ θέμας ι προβλημάσκε σο νακχένα, εκχέ ερωτησιάκε σο τθερένα ή για εκ θέμας ι Γραφιάκο σο κα μανγκένας τι αγαβέν πο λατσσές. Για τι λεν μερικές ιδέες, ντικχέν ι ενότητα «Δραστηριότητες για Μελέτη της Αγίας Γραφής» κο μπαλαμανό ιστότοπος jw.org.