ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ

Κάτι Νεβό κι Συνάθροιση σο Κεράσα

Κάτα Ιανουάριος του 2018, κα χρησιμοποιήνας κι συνάθροιση σο κεράσα σημειώσεις μελέτης ντα πολυμέσα κατά έκδοση μελέτης της Μετάφρασης Νέου Κόσμου των Αγίων Γραφών (nwtsty) σο ισί κο Ίντερνετ, ατζέ-ντα άμα να τθερένα ι έκδοση μελέτης τουμαρέ τσσιμπάτε. Ισί σίγουρος ότι ανταλά πληροφορίες κα κερέν πιο λατσσί τουμαρί προετοιμασία ι συναθροισιένγκε. Ο πιο σημαντικός ισί ότι κα ανέν-τουμέν ατζέ πιο πασέ κο Ιεχωβά αμαρέ λατσσέ Νταντέστε!

ΣΗΜΕΙΩΣΕΙΣ ΜΕΛΕΤΗΣ

Ο σημειώσεις μελέτης βακερένα πράγματα για το πολιτισμούς, για τη γεωγραφία ντα ι τσσιμπένγκε σο βοηθίνενα-αμέν τι αγαβάς πιο λατσσές μπουτ εδάφια κατά Γραφή.

Ματθαίος 12:20

Φιτίλι σο πφαμπόλα μπουτ χάνικ: Ο λυχνάρι σο τθερένας ο πιο μπουτ τζενέ πουμαρέ κχερέντε ισινέ πήλινος ντα τθερέλας αντρέ μπερεκέτι ελαιόλαδος. Ο φιτίλι σο ισινέ κερντό από λινός, σουσλιόλας ντα γκερέλας ο λάδι οπρέ για τι συνεχίνελ τι πφαμπόλ η γιακ. Η μπαλαμανί φράση «φιτίλι σο πφαμπόλα μπουτ χάνικ» μπορεί τι σικαβέλα ότι εκ φιτίλι νικαβέλα κάδος επειδή ατζέ υπαρχίντιβελα εκ σπίθα αλλά η γιακ τζάλα τι μερέλ ή μουλί. Η προφητεία σο ισί κο εδάφιος Ησαΐας 42:3 βακερντάας ότι ο Ιησούς κα τζιτζίνελας οντουλέ τζενένγκε σο ισινέ ταπεινοί ντα ταλαιπωριμέ, ντα ότι ποτές να κα μουνταρέλας ι τελευταία ελπίδα σο τθερένας σο μοιάζελας με εκ χουρντί σπίθα.

Ματθαίος 26:13

Μπαγιά: Κο πουρανέ μπαλαμανέ Γραφές η λέξη ἀμὴν, σο αβέλα κατά εβραϊκή λέξη ’αμέν, μανγκέλα τι βακερέλ «αντικάς τι αβέλ-πες» ή «σίγουρα». Ο Ιησούς χρησιμοποιήνελα μπουτ φαρ ανταγιά λέξη όταν αρχίνελα τι βακερέλ εκ φράση, εκ υπόσχεση ή εκ προφητεία για τι σικαβέλ ανταλέσαρ ότι σίγουρα ισί αληθινή ντα μπορίνασα τι πακιάς-λα. Με το τρόπος σο χρησιμοποιήνελα ο Ιησούς ι λέξη «μπαγιά», ή γιαβέρτουλους αμήν, βακέρντιβελα ότι ισί ξεχωριστός αντρέ κι Αγία Γραφή. Όταν ισί ντούι φαρ η λέξη σο βακερντάς ο Ιησούς (ἀμὴν ἀμὴν), σαρ αβέλα-πες σαρό κο Ευαγγέλιος του Ιωάννη, μεταφράντιβελα σαρ «μπαγιά, μπαγιά».—Ιωα 1:51.

ΠΟΛΥΜΕΣΑ

Φωτογραφίες, ζωγραφιές, ντα βίντεα χωρίς λάφια, σο σικαβένα διάφορες λεπτομέρειες σο ισί κι Γραφή.

Βηθφαγή, Όρος Ελαιών ντα Ιερουσαλήμ

Ανταβά χουρντό βίντεος ακολουθίνελα εκ ντρομ σο τζάλα πασέ κι Ιερουσαλήμ κατά ανατολικά. Αρχίνελα κατά γκαβ σο αντιβές βακέρντιβελα ετ-Τουρ—μάλλον ισί η Βηθφαγή σο βακέρντιβελα κι Γραφή—ντα ερεσέλα σε εκ κατά πιο βουτσσέ σημεία κο Όρος των Ελαιών. Η Βηθανία ισί κο ανατολικά της Βηθφαγή κι ανατολική μεριά κο Όρος των Ελαιών. Όταν ισινέ κι Ιερουσαλήμ, ο Ιησούς ντα λέσκε μαθητές μπουτ φαρ σοβένας κι Βηθανία, σο αντιβές ισί η πόλη ελ-Αζαρίγιε (Ελ Εϊζαρίγια), εκ αραβικός ναβ σο μανγκέλα τι βακερέλ «Ο Τθαν ι Λαζαρόσκο». Ο Ιησούς σίγουρα μπεσέλας κο κχερ κι Μαρθάκο, κι Μαριάκο ντα κι Λαζαρόσκο. (Ματ 21:17· Μαρ 11:11· Λου 21:37· Ιωα 11:1) Όταν ο Ιησούς νασέλας λένγκε κχερέσταρ για τι τζαλ κι Ιερουσαλήμ, μπορεί τι τζάλας οντουλέ ντρομέσταρ σο σικάντιβελα κο βίντεος. Στις 9 Νισάν κο 33 Κ.Χ., όταν ο Ιησούς νακχέλας κατά Όρος των Ελαιών οπράλ εκχέ τερνέ χχερέστε ντα ερεσλό κι Ιερουσαλήμ, μπορεί, σαρ τζάλας οτθέ, τι νακχλάας κατά Βηθφαγή.

Ο ντρομ κατά Βηθανία κι Βηθφαγή
Βηθφαγή
Όρος των Ελαιών
Κοιλάδα Κιδρόν
Όρος του Ναού

Καρφίς κο Κόκαλος κι Πατουμάκο

Ανταλέ φωτογραφιάτε σικάντιβελα εκ αντίγραφος κατά πατουμάκο κόκαλος εκχέ τζενέσκο σο καρφωντέ-λες με εκ σιδερένιος καρφίς σο ισινέ 11,5 εκατοστά. Ο κανονικός κόκαλος αρακχλέ-λες κο 1968, όταν χαντζουντέ κι βόρεια Ιερουσαλήμ, ντα υπαρχίντιβελα από αζομάν σο κερένας κουμάντος οτθέ ο Ρωμαίοι. Ανταβά κόκαλος ισί εκ απόδειξη ότι κο πουρανέ μπρεσά μάλλον χρησιμοποιήντιβενας ο καρφιά για τι ατσσόλ σταθερός εκ τζενό οπράλ κο κας. Ανταβά καρφίς μπορεί τι αβέλ σαρ οντουλά καρφιά σο χρησιμοποιηντέ ο Ρωμαίοι στρατιώτες για τι καρφώνεν ι Ιησού Χριστός κο κας. Ανταβά κόκαλος σο αρακχλέ ισινέ σε εκ κουτίς μπαρέσταρ, σο βακέρντιβελα οστεοθήκη, ντα αντρέ οτθέ ισινέ ο σουκέ κόκαλα εκχέ μουλέσκε αφού λιωσάλο λέσκο σώμας. Ανταβά σικαβέλα ότι κάποιος σο μερέλας κο κας μπορίνελας τι πραχούντιβελ.—Ματ 27:35.