Σκοπιά—ΒΙΒΛΙΟΘΗΚΗ ΚΟ ΙΝΤΕΡΝΕΤ
Σκοπιά
ΒΙΒΛΙΟΘΗΚΗ ΚΟ ΙΝΤΕΡΝΕΤ
Ρομανί (Νότια Ελλάδα)
  • ΑΓΙΑ ΓΡΑΦΗ
  • ΟΝΤΟΥΛΑ ΣΟ ΝΙΚΑΒΑΣΑ
  • ΣΥΝΑΘΡΟΙΣΕΙΣ
  • Σαρ Μουτθάντιβενα ο Λατσσέ Αμπέρια;
    Μπουτ Σουκάρ Ζωή για Πάντα!—Ελάν τι Χαντζουβάς Γιεκ Κατά Αγία Γραφή
    • Μάθημας 21. Εκ μουρς εκχέ τθεμέστε κερέλα λάφι ντουέ Μαρτυρέντζαρ σο ισί κο σταντ.

      ΜΑΘΗΜΑΣ 21

      Σαρ Μουτθάντιβενα ο Λατσσέ Αμπέρια;

      Ο Ιεχωβά ατζεχάνικ, αντράλ πι Βασιλειάταρ, κα νασκιαρέλ σαρέ αμαρέ προβλήματα. Ανταλά λατσσέ αμπέρια ναστί ατσσικιαράσα-λεν σάντε αμένγκε. Ο Ιησούς μανγκέλας λέσκε μαθητές τι βακερέν ανταλά λάφια σαριλέντε! (Ματθαίος 28:19, 20) Σαρ ντένα καν ο Μάρτυρες ι Ιεχωβάσκε κι Ιησούσκι εντολή;

      1. Σαρ νικιόλα μπαγιά ο εδάφιος Ματθαίος 24:14 αντιβές;

      Ο Ιησούς βακερντάας: «Ανταλά λατσσέ αμπέρια ι Βασιλειάκε κα βακέρντιβεν σαρί κι πφουβ». (Ματθαίος 24:14) Ο Μάρτυρες ι Ιεχωβάσκε κερένα χαράσαρ ανταβά σημαντικός έργος. Βακεράσα ο λατσσέ αμπέρια σαρί κι πφουβ 1.000 ντα πο μπουτ τσσιμπέντε! Για τι αβέλ-πες ανταβά μπουτ μπαρό έργος, πρέπει τι ντας μπουτ αμαρέ σαατίσταρ ντα ζοριάταρ ντα τι αβάς λατσσές οργανωμέ. Ναστί κα αβέλας-πες άμα να κα βοηθίνελας-αμέν ο Ιεχωβά.

      2. Σο προσπάθειες κεράσα για τι μουτθαβάς ο λατσσέ αμπέρια;

      Βακεράσα ο λατσσέ αμπέρια κάι-ντα τι αρακχάς τζενέν. Σαρ ο πρώτοι Χριστιανοί, κεράσα έργος «κχερ κχερέστε». (Πράξεις 5:42) Ανταβά τρόπος βοηθίνελα-αμέν τι κεράς λάφι εκατομμύρια τζενέντε κάθε μπρες. Μπάζιμ ο τζενέ νανέ πουμαρέ κχερέντε, οτθάρ κεράσα έργος τθανέντε-ντα σο νακχένα μπουτ τζενέ. Ρόντασα συνέχεια ευκαιρίες για τι κεράς λάφι ι τζενέντζαρ ι Ιεχωβάσκε ντα οντουλένγκε σο τθερέλα πι γκοντιάτε τι κερέλ.

      3. Καλά τζενέ τθερένα ι ευθύνη τι μουτθαβέν ο λατσσέ αμπέρια;

      Σαρέ ο αληθινοί Χριστιανοί τθερένα ι ευθύνη τι βακερέν κο γιαβερά ο λατσσέ αμπέρια. Αγαβάσα καμπόρ μπαρί ευθύνη ισί ανταγιά. Κεράσα σο νακχέλα αμαρέ βαστέσταρ ανταλέ εργόστε, σόσκε τζανάσα ότι μπορίνελα τι σώνελ τζενέν. (Διαβάνεν 1 Τιμόθεο 4:16) Να ποκίντιβασα για τι κεράς ανταβά έργος, σόσκε η Γραφή βακερέλα: «Λιντέν χωρίς τι ποκινέν, ντεν χωρίς τι ποκίντιβεν». (Ματθαίος 10:7, 8) Ισί τζενέ σο να μανγκένα τι ασουνέν-αμέν. Αλλά αμέν να τσσιναβάσα τι κεράς έργος επειδή αντικάς ντάσα καν ι Ιεχωβάς ντα κεράσα-λες ευτυχισμέ.

      ΧΑΝΤΖΟΥΒ ΠΟ ΑΧΟΡΤ

      Σίκλιουβ πο μπουτ οντουλένγκε σο κερένα ο Μάρτυρες ι Ιεχωβάσκε για τι βακερέν ο λατσσέ αμπέρια σαρό κο ντουνιάς ντα ντικχ σαρ βοηθίνελα-αμέν ο Ιεχωβά.

      Α. Ντούι Μάρτυρες ι Ιεχωβάσκε βακερένα ο λατσσέ αμπέρια εκχέ μουρσέστε κο μεριάς κι Κόστα Ρίκα. Β. Ντούι ζευγάρια Μαρτυρένγκε βακερένα ο λατσσέ αμπέρια τζενέντε σο ασταρένα ματσσέν κο Ηνωμένες Πολιτείες. Γ. Ντούι Μάρτυρες ι Ιεχωβάσκε βακερένα ο λατσσέ αμπέρια εκχέ μουρσέστε κο Μπενίν. Δ. Εκ Μάρτυρας ι Ιεχωβάσκι βακερέλα ο λατσσέ αμπέρια εκχέ τζουβλιάτε σο μπικινέλα πράγματα εκχέ βαρκάτε κι Ταϊλάνδη. Ε. Ντούι Μάρτυρες ι Ιεχωβάσκε βακερένα ο λατσσέ αμπέρια εκχέ τζουβλιάτε πασέ κο μπαρέ μπαρά κο Γιαπ. Ζ. Ντούι Μάρτυρες ι Ιεχωβάσκε βακερένα ο λατσσέ αμπέρια εκχέ τζουβλιάτε σο ισί εκχέ ντρομέστε πφερντό βιβ πασέ εκχέ καναλίστε κι Σουηδία.

      Έργος σαρό κο ντουνιάς: (Α) Κόστα Ρίκα, (Β) Ηνωμένες Πολιτείες, (Γ) Μπενίν, (Δ) Ταϊλάνδη, (Ε) Γιαπ, (Ζ) Σουηδία

      4. Κεράσα ο πο λατσσό για τι μουτθαβάς ο λατσσέ αμπέρια σαριλέντε

      Ο Μάρτυρες ι Ιεχωβάσκε κερένα σο νακχέλα λένγκε βαστέσταρ για τι βακερέν ο λατσσέ αμπέρια σαρέ κο τζενέ. Ντικχέν ο ΒΙΝΤΕΟΣ ντα σοράν συζητίνεν ι ερώτηση:

      ΒΙΝΤΕΟΣ: Έργος «Ατζέ-ντα κο Τθαν σο Ισί πο Ντουρ Οπράλ κι Πφουβ» (7:33)

      • Σο κερέλα τούκε εντύπωση κο προσπάθειες σο κερένα ο Μάρτυρες ι Ιεχωβάσκε για τι βακερέν ο λατσσέ αμπέρια;

      Διαβάνεν Ματθαίος 22:39 ντα Ρωμαίους 10:13-15 ντα σοράν συζητίνεν ο ερωτήσεις:

      • Σαρ σικαβέλα αμαρό έργος ότι μανγκάσα ι τζενέν σο ισί πασέ αμέντε;

      • Σαρ νιωθίνελα ο Ιεχωβά οντουλένγκε σο βακερένα ο λατσσέ αμπέρια;—Ντικχέν ο εδάφιος 15.

      5. Ισινάμ συνεργάτες ι Ντεβλέσκε

      Μπουτ εμπειρίες σικαβένα ότι ο Ιεχωβά ισί ανγκλάλ κο έργος σο κεράσα. Για παράδειγμας κι Νέα Ζηλανδία, εκ πφραλ, ο Πολ, αρακχλάς εκχέ τζουβλιά κο έργος κχερ κχερέστε εκ απόγευμας. Οντουβά ντιβές κο πρωί, η τζουβέλ τθερέλας κερντό προσευχή ντα βακερντάας ο ναβ ι Ντεβλέσκο, Ιεχωβά, ντα μανγκλάς λέσταρ τι αβέλ λάκε εκ τζενό. «Οπράλ κο τριν σαάτια», βακερέλα ο Πολ, «ισινόμας λάκε πορτάτε».

      Διαβάνεν 1 Κορινθίους 3:9 ντα σοράν συζητίνεν ι ερώτηση:

      • Σαρ σικαβένα ασακέ εμπειρίες, σαρ ανταγιά κατά Νέα Ζηλανδία, ότι ο Ιεχωβά ισί ανγκλάλ κο έργος σο κεράσα;

      Διαβάνεν Πράξεις 1:8 ντα σοράν συζητίνεν ι ερώτηση:

      • Σόσκε χρειαζίντιβασα ι Ιεχωβάσκι βοήθεια για τι κεράς αμαρό έργος;

      Τζανέας-λες;

      Κι συνάθροιση σο κεράσα αντρέ κι εβδομάδα, λάσα σικλιαριπέ για τι βακεράς ο λατσσέ αμπέρια. Άμα τθερέσα γκιλό εκχέ ασακέ συναθροισιάτε, σαρ ντικχλάν ο σικλιαριπέ σο λάσα;

      Ντούι Μάρτυρες ι Ιεχωβάσκε κερένα εκ επίδειξη ι εργόσκε κι συνάθροιση.

      6. Ντάσα καν κι εντολή κι Ντεβλέσκι τι βακεράς ο λατσσέ αμπέρια

      Κο πρώτος αιώνας, ισινέ τζενέ σο τζάνας κόντρα κο μαθητές κι Ιησούσκε για τι τσσιναβέν λένγκο έργος. Ο πρώτοι Χριστιανοί υπερασπιντέ ο λατσσέ αμπέρια “ντα προσπαθίνενας τι ντιντιόλ-λεν ο δικαίωμας κατά νόμος τι βακερέν-λεν”. (Φιλιππησίους 1:7) Ανταβά κερένα αμαρέ ντιβεσέντε ο Μάρτυρες ι Ιεχωβάσκε-ντα.a

      Ντικχέν ο ΒΙΝΤΕΟΣ.

      ΒΙΝΤΕΟΣ: Σαρ Υπερασπίνασα κο Δικαστήρια ο Λατσσέ Αμπέρια (2:28)

      Διαβάνεν Πράξεις 5:27-42 ντα σοράν συζητίνεν ι ερώτηση:

      • Σόσκε να κα τσσιναβάς τι βακεράς ο λατσσέ αμπέρια;—Ντικχέν ο εδάφια 29, 38 ντα 39.

      ΕΚ ΤΖΕΝΟ ΜΠΟΡΕΙ ΤΙ ΠΟΥΤΣΕΛ-ΤΟΥΤ: «Σόσκε ο Μάρτυρες ι Ιεχωβάσκε τζάνα κχερ κχερέστε;»

      • Σο κα βακερέας;

      ΧΑΝΙΚ ΛΑΦΙΝΤΖΑΡ

      Ο Ιησούς βακερντάς πι μαθητένγκε τι μουτθαβέν ο λατσσέ αμπέρια σαρέ κο τθεμά. Ο Ιεχωβά βοηθίνελα πι λαός τι κερέλ ανταβά έργος.

      Σο Σικλιλάν;

      • Σαρ βακέρντιβενα ο λατσσέ αμπέρια σαρό κο ντουνιάς;

      • Σαρ σικαβέλα αμαρό έργος ότι μανγκάσα ι τζενέν σο ισί πασέ αμέντε;

      • Πακιάσα ότι κάνα μουτθαβάσα ο λατσσέ αμπέρια λάσα χαρά; Σόσκε βακερέσα-λες ανταβά;

      Σο Μανγκάβα τι Κεράβ

      ΡΟΝΤΕ

      Ντικχ σαρ ο Μάρτυρες ι Ιεχωβάσκε βακερένα ο λατσσέ αμπέρια μπαρέ τθεμέντε.

      Εκ Μπαρί Προσπάθεια για τι Ντιντιόλ Δημόσια Μαρτυρία κο Παρίσι (5:11)

      Σο κερένα ο Μάρτυρες ι Ιεχωβάσκε για τι βακερέν ο λατσσέ αμπέρια κο πρόσφυγες;

      Τσαλιαρένα ι Πνευματική Μποκχ ι Προσφυγόνγκι (5:59)

      Ασούν εκχέ τζουβλιά σο βακερέλα καζόμ ευτυχισμέ ισί σο ντινάς σαρί πι ζωή κο έργος.

      Χαιρίναβα Οντουλέσκε σο Τραμπιντόμ τι Κεράβ μι Ζωγιάτε (6:29)

      Ντικχ μερικές σημαντικές αποφάσεις σο νικαντέ ο δικαστήρια ντα κερντέ αμαρό έργος πο εύκολος.

      «Πφραλά σο Κερένα Λάφι ι Βασιλειάκε Τζάνα κο Δικαστήρια» (Η Βασιλεία του Θεού Κυβερνάει!, κεφάλαιος 13)

      a Οντουβά σο ντινάς-αμέν ι εντολή τι βακεράς ο λατσσέ αμπέρια, ισί ο Ντεβέλ. Οτθάρ, σαρ Μάρτυρες ι Ιεχωβάσκε να χρειαζίντιβασα άδεια κατά τζενένγκε κυβερνήσεις για τι βακεράς ο λατσσέ αμπέρια.

  • Μπολντιπέ—Εκ Μπουτ Λατσσό Στόχος!
    Μπουτ Σουκάρ Ζωή για Πάντα!—Ελάν τι Χαντζουβάς Γιεκ Κατά Αγία Γραφή
    • Μάθημας 23. Εκ τζουβέλ τσσουβέλα-πες σαστί κο πανί καζόμ μπολντιόλα σαρ Μάρτυρας ι Ιεχωβάσκι.

      ΜΑΘΗΜΑΣ 23

      Μπολντιπέ—Εκ Μπουτ Λατσσό Στόχος!

      Ο Ιησούς σικλιαρντάς ότι ο Χριστιανοί πρέπει τι μπολντιόν. (Διαβάνεν Ματθαίος 28:19, 20) Αλλά σο ισί ο μπολντιπέ; Ντα σο μπορίνελα τι κερέλ εκ τζενό για τι πετυχίνελ ανταβά στόχος;

      1. Σο ισί ο μπολντιπέ;

      Ο λάφι «μπολάβα» μανγκέλα τι βακερέλ τσσουβάβα σαστό κο πανί. Κάνα μπολντιλό ο Ιησούς, τσσουντάς-πες σαστό αντρέ κο πανί κι Λεν Ιορδάνης, ντα σοράν «νικίστιλο κατά πανί». (Μάρκος 1:9, 10) Αντικάς, ο αληθινοί Χριστιανοί-ντα κάνα μπολντιόνα, τσσουβένα-πες σαστέ αντρέ κο πανί.

      2. Σο σικαβέλα εκ τζενό κάνα μπολντιόλα;

      Κάνα εκ τζενό μπολντιόλα, σικαβέλα ότι ντινάς πο λάφι κο Ιεχωβά Ντεβέλ τι τζουβντιόλ λέσκε. Σαρ κερέλα-λες ανταβά; Πριν τι μπολντιόλ, ο τζενό κερέλα κορκορό εκ προσευχή κο Ιεχωβά ντα βακερέλα λέσκε ότι μανγκέλα τι υπηρετίνελ-λες για πάντα. Ντέλα πο λάφι κο Ιεχωβά ότι κα ντελ λατρεία σάντε Λες ντα ότι ο πο σημαντικός πράγμας λέσκε ζωγιάτε κα αβέλ ο θέλημας ι Ντεβλέσκο. Τραμπίνελα “τι τσσιναβέλ τι τζουβντιόλ πέσκε ντα τι πφιρέλ” παλάλ κατά Ιησούς ντα τι κερέλ οντουλά σο σικλιαρντάς. (Ματθαίος 16:24) Κάνα εκ τζενό ντέλα πο λάφι τι τζουβντιόλ ι Ιεχωβάσκε ντα μπολντιόλα, τθερέλα ι ευκαιρία τι κερέλ πι φιλία ι Ιεχωβάσαρ ντα πι πφραλέντζαρ πο ζουρανί.

      3. Σαρ μπορίνελα εκ τζενό τι ερεσέλ κο μπολντιπέ;

      Για τι μπολντιός, πρέπει πρώτα τι σικλιός ι Ιεχωβάσκε ντα τι κερές ζουρανί τι πίστη λέστε. (Διαβάνεν Εβραίους 11:6) Καζόμ σικλιόσα πο μπουτ ντα ζουράνιβελα τι πίστη, κα ζουράνιβελ το μανγκιπέ-ντα, ή γιαβέρτουλους τι αγάπη, ι Ιεχωβάσκε. Κα μανγκές τι μουτθαβές κο τζενέ ο λατσσέ αμπέρια λέσκε ντα τι τζουβντιός σαρ βακερένα λέσκε κανόνες. (2 Τιμόθεο 4:2· 1 Ιωάννη 5:3) Από αζομάν σο εκ τζενό τζουβντιόλα “τροπόσαρ σο ισί σωστός ι Ιεχωβάσκε για τι κερέλ-λες τι χαιρίνελ σαρέ κο πράγματα”, μπορίνελα τι λελ ι απόφαση τι ντελ πο λάφι τι τζουβντιόλ ι Ντεβλέσκε ντα τι μπολντιόλ.—Κολοσσαείς 1:9, 10.a

      ΧΑΝΤΖΟΥΒ ΠΟ ΑΧΟΡΤ

      Ντικχ σο μπορίνασα τι σικλιάς κατά μπολντιπέ ι Ιησούσκο ντα σο πρέπει τι κερέλ εκ τζενό για τι προετοιμάνελ-πες ανταλέ σημαντικέ πραγμάσκε.

      4. Σο σικλιάσα κατά μπολντιπέ ι Ιησούσκο

      Για τι σικλιός πο μπουτ ι Ιησούσκε μπολντιμάσκε, διαβάνεν Ματθαίος 3:13-17. Σοράν, συζητίνεν ο ερωτήσεις:

      • Ισινέ μαξίμι ο Ιησούς κάνα μπολντιλό;

      • Σαρ μπολντιλό; Τσσουντέ οπρά-λέστε σάντε χάνικ πανί;

      Κάνα ο Ιησούς μπολντιλό, αρχισάλο τι κερέλ κι πφουβ ο σημαντικός έργος σο βακερντάας λέσκε ο Ντεβέλ. Διαβάνεν Λουκάς 3:21-23 ντα Ιωάννης 6:38 ντα σοράν συζητίνεν ι ερώτηση:

      • Καβά έργος τσσουβέλας ο Ιησούς πρώτα πι ζωγιάτε σοράν πι μπολντιμάσταρ;

      5. Ο μπολντιπέ ισί εκ στόχος σο αβέλα-πες τι κερές-λες

      Κι αρχή, σάντε σο σκεφτίνεσα ότι κα ντες το λάφι κο Ιεχωβά για τι τζουβντιός λέσκε ντα ότι κα μπολντιός, μπέκιμ τι λέλα-τουτ νταρ. Άμα αβέλα-πες ανταβά, κερ πο ζουρανί τι φιλία ι Ντεβλέσαρ μέχρι τι αβές ντιπ σίγουρος ι μπολντιμάσκε. Σαρ κερντέ-λες ανταβά μερικά τζενέ; Ντικχέν ο ΒΙΝΤΕΟΣ.

      ΒΙΝΤΕΟΣ: Κερντέ πο Ζουρανί Πουμαρί Φιλία ι Ιεχωβάσαρ (1:11)

      Διαβάνεν Ιωάννης 17:3 ντα Ιακώβου 1:5 ντα σοράν συζητίνεν ι ερώτηση:

      • Σο μπορίνελα τι βοηθίνελ εκχέ τζενές τι προετοιμάντιβελ ι μπολντιμάσκε;

      (Α) Εκ τζουβέλ αντράλ κατά προσευχή ντέλα πο λάφι κο Ντεβέλ τι τζουβντιόλ λέσκε. (Β) Η ίδια τζουβέλ τσσουβέλα-πες σαστί κο πανί καζόμ μπολντιόλα σαρ Μάρτυρας ι Ιεχωβάσκι.
      1. (Α) Κάνα ντάσα αμαρό λάφι κο Ιεχωβά τι τζουβντιάς λέσκε, βακεράσα ότι μανγκάσα τι υπηρετίνας-λες για πάντα

      2. (Β) Αμαρέ μπολντιμάσαρ, σικαβάσα οντουλένγκε σο ντικχένα-αμέν ότι ντινάμ αμαρό λάφι κο Ντεβέλ τι τζουβντιάς λέσκε

      6. Κάνα μπολντιάσα, νταλντίνασα αντρέ κι φαμιλί κι Ιεχωβάσκι

      Κάνα μπολντιάσα, νταλντίνασα εκχέ ενωμέ φαμιλιάτε σο ισί σαρό κο ντουνιάς. Παρόλο σο να ισινάμ κατά ίδιος τθεμ ντα μπαριλάμ γιαβέρτουλους, πακιάσα σαρέ ο ίδια πράγματα ντα ντάσα καν κο ίδιοι κανόνες. Διαβάνεν Ψαλμός 25:14 ντα 1 Πέτρου 2:17 ντα σοράν συζητίνεν ι ερώτηση:

      • Σαρ επηρεάνελα ο μπολντιπέ ι φιλία εκχέ τζενέσκι ι Ιεχωβάσαρ ντα ι τζενέντζαρ σο ντένα-Λες λατρεία;

      Φωτογραφίες: Εκ μπολντί πφεν ισί χαρούμενη καζόμ ντέλα-πες γκοντί ο σουκάρ φιλίες σο κερντάς αντρέ κι κχανγκιρί. 1. Πουτρέλα πο γκι εκχέ πφενιάτε. 2. Βοηθίνελα εκχέ πφενιά σο ισί πφουρί τι πφιρέλ. 3. Χάλα γιεκ ι πφραλέντζαρ σο τθερένα διαφορετικές ηλικίες. 4. Εκχέ γιαβερέ πφενιάσαρ βακερέλα ο λατσσέ αμπέρια εκχέ τζενέστε. 5. Νικαβέλα σέλφι ντουέ πφενίντζαρ σο ισί γιαβερέ τθεμένταρ εκχέ συνελευσιάτε.

      ΜΕΡΙΚΑ ΤΖΕΝΕ ΒΑΚΕΡΕΝΑ: «Να ισινόμ έτοιμος τι μπολντιάβ».

      • Ατζέ-ντα άμα αισθάντιβεσα αντικάς, πακιάσα ότι ο μπολντιπέ ισί εκ μπουτ λατσσό στόχος;

      ΧΑΝΙΚ ΛΑΦΙΝΤΖΑΡ

      Ο Ιησούς σικλιαρντάς ότι ο Χριστιανοί πρέπει τι μπολντιόν. Για τι πετυχίνελ εκ τζενό ανταβά στόχος, χρειαζίντιβελα τι τθερέλ ζουρανί πίστη κο Ιεχωβά, τι κερέλ οντουλά σο βακερέλα Βοβ ντα τι ντελ πο λάφι τι τζουβντιόλ Λέσκε.

      Σο Σικλιλάν;

      • Σο ισί ο μπολντιπέ, ντα σόσκε ισί σημαντικός;

      • Σόσκε πρέπει εκ τζενό εμ τι ντελ πο λάφι κο Ιεχωβά τι τζουβντιόλ Λέσκε εμ τι μπολντιόλ;

      • Σαρ μπορίνελα εκ τζενό τι κερέλ ανταλά ντούι πράγματα;

      Σο Μανγκάβα τι Κεράβ

      ΡΟΝΤΕ

      Σίκλιουβ σο ισί ντα σο νανέ ο μπολντιπέ.

      «Σο Ισί ο Μπολντιπέ;» (Θέμας κο ιστότοπος)

      Ντικχ σο μπορίνελα τι κερέλ εκ τζενό για τι ερεσέλ κο μπολντιπέ.

      «Η Αγάπη ντα η Εκτίμηση ι Ιεχωβάσκε Γκερένα κο Μπολντιπέ» (Η Σκοπιά, Μάρτιος 2020)

      Διάβανε σο τσσιντιντάς εκχέ τζενές τι μπολντιόλ.

      «Μανγκένας τι Ντικχάβ Κορκορό Καγιά Ισί η Αλήθεια» (Η Σκοπιά 1 Φεβρουαρίου 2013)

      Ντικχ σόσκε ισί ο μπολντιπέ εκ μπουτ λατσσό στόχος ντα σαρ μπορίνεσα τι προετοιμάντιβες ανταλέσκε.

      «Μήπως Πρέπει τι Μπολντιάβ;» (Οι Νεαροί Ρωτούν—Αποτελεσματικές Απαντήσεις, Τόμος 2, κεφάλαιος 37)

      a Άμα εκ τζενό μπολντιλόας εκχέ γιαβερέ θρησκειάτε, πρέπει τι μπολντιόλ πάλι. Σόσκε; Επειδή οντιά θρησκεία να σικλιαρέλας ι αλήθεια ι Γραφιάκι.—Ντικχέν Πράξεις 19:1-5 ντα Μάθημας 13.

Οντουλά σο Νικαβάσα κο Ρομανές (2012-2025)
Αποσύνδεση
Σύνδεση
  • Ρομανί (Νότια Ελλάδα)
  • Μπουτσσαβέν
  • Τραμπίνεν
  • Copyright © 2025 Watch Tower Bible and Tract Society of Pennsylvania
  • Όροι Χρήσης
  • Πολιτική Απορρήτου
  • Ρυθμίσεις Απορρήτου
  • JW.ORG
  • Σύνδεση
Μπουτσσαβέν