Σαρ Μελιαρένα ι Ντεβλέσκο Ναβ ο Ψεύτικες Θρησκείες

Ο Ντεβέλ ισί μανγκιπέ, ή γιαβέρτουλους αγάπη. Όμως μερικές θρησκείες σο αμντίνενα ότι βακερένα ντα κερένα πράγματα ι Ντεβλέσκε, κερένα τζουνγκαλέ πράγματα. Σαρ αβέλα-πες ανταβά; Η απάντηση χάνικ λαφίντζαρ ισί ότι ανταλά θρησκείες νανέ αληθινές. Βον κερένα ι γιαβερέν τι νικαβέν λάθος συμπεράσματα ι Ντεβλέσκε. Σαρ κερένα-λες ανταβά; Σαρ νιωθίνελα βοβ; Ντα σο κα κερέλ ανταλέσκε;

1. Σαρ μελιαρένα ι Ντεβλέσκο ναβ ο ψεύτικες θρησκείες οντουλέντζαρ σο σικλιαρένα;

Ο ψεύτικες θρησκείες «τραμπιντέ τι πακιάν ο ψέμας ντα όχι ι αλήθεια ι Ντεβλέσκι». (Ρωμαίους 1:25) Για παράδειγμας, ο πο μπουτ θρησκείες να σικλιαρντέ ο ναβ ι Ντεβλέσκο κο τζενέ σο ακολουθίνενα-λεν. Όμως, η Αγία Γραφή σικαβέλα ότι πρέπει τι βακεράς ο ναβ ι Ντεβλέσκο. (Ρωμαίους 10:13, 14) Κάνα αβέλα-πες εκ μπέτι πράγμας, μερικά παπάζια βακερένα ότι ο Ντεβέλ μανγκλάς τι αβέλ-πες. Αλλά ανταβά ισί ψέμας. Ο Ντεβέλ να κερέλα αμένγκε ποτές ζιάνι. (Διαβάνεν Ιακώβου 1:13) Ισί μπουτ μπεζαβά σο κατά ψέματα σο βακερένα ο θρησκείες, μπουτ τζενέ νασλέ ντουρ κατά Ντεβέλ.

2. Σαρ μελιαρένα ι Ντεβλέσκο ναβ ο ψεύτικες θρησκείες οντουλέντζαρ σο κερένα;

Ο ψεύτικες θρησκείες να συμπεριφερίντιβενα κο τζενέ σαρ ο Ιεχωβά. Η Γραφή βακερέλα ότι ο αμαρτίες ι ψεύτικε θρησκειένγκε «ερεσλέ μέχρι κο ουρανός». (Αποκάλυψη 18:5) Κατά πουρανέ μπρεσά, ο θρησκείες ανακατούντιβενα κο πολιτικά, υποστηρίνενα ο τζένγκια ντα μανγκένα ή ανένα ο μεριπέ μπουτέ τζενένγκο. Ισί παπάζια σο τζουβντιόνα αντρέ κο χουλανιπέ ντα ζορισκιαρένα οντουλέν σο ακολουθίνενα-λεν τι ντεν-λεν λοβέ για τι μπορίνεν ο παπάζια τι τζουβντιόν αντικάς. Ανταλά σο κερένα σικαβένα ότι να τζανένα ιτς ι Ντεβλές ντα ότι να τθερένα ο δικαίωμας τι βακερέν ότι ισί λέσκε.​—Διαβάνεν 1 Ιωάννη 4:8.

3. Σαρ νιωθίνελα ο Ντεβέλ ι ψεύτικε θρησκειένγκε;

Άμα τούι πφαριόσα τι χολιάταρ οντουλένγκε σο κερένα ο ψεύτικες θρησκείες, σαρ πακιάσα ότι νιωθίνελα ο Ιεχωβά; Βοβ μανγκέλα ι τζενέν, αλλά χολιάνελα μπουτ ι παπαζίνγκε σο βακερένα ψέματα ντα συμπεριφερίντιβενα μπέτι τροπόσαρ οντουλένγκε σο ακολουθίνενα-λεν. Ντέλα πο λάφι ότι κάθε ψεύτικη θρησκεία κα καταστραφίντιβελ ντα «να κα ξανά υπαρχίντιβελ». (Αποκάλυψη 18:21) Ατζεχάνικ, ο Ντεβέλ κα ντελ τέλος σαρέ κο ψεύτικες θρησκείες.​—Αποκάλυψη 18:8.

ΧΑΝΤΖΟΥΒ ΠΟ ΑΧΟΡΤ

4. Ο Ντεβέλ να μανγκέλα σαρέ ο θρησκείες

Μπουτ τζενέ πακιάνα ότι ο θρησκείες ισί διαφορετικά ντρομά σο γκερένα σαρέ κο Ντεβέλ. Αλλά ισί μπαγιά ανταβά; Διαβάνεν Ματθαίος 7:13, 14 ντα σοράν συζητίνεν ι ερώτηση:

• Σο βακερέλα η Γραφή ι ντρομέσκε σο γκερέλα κι ζωή;

Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: Δεχτίνελα ο Ντεβέλ Σαρέ ο Τρόποι σο Ντένα-λες Λατρεία ο Θρησκείες;​—Χουρντό Βίντεος (3:22)

• Βακερέλα η Γραφή ότι ισί μπουτ ο θρησκείες σο κερένα ο γκι ι Ντεβλέσκο;

5. Ο ψεύτικες θρησκείες να σικαβένα μανγκιπέ σαρ ο Ντεβέλ

Ο θρησκείες μελιαρένα ι Ντεβλέσκο ναβ μπουτέ τροπόντζαρ. Εκ κατά πο μπέτι πράγματα σο κερένα ισί σο ανακατούντιβενα κο τζένγκια. Για τι σικλιός εκ παράδειγμας, ντικχέν ο ΒΙΝΤΕΟΣ. Σοράν συζητίνεν ο ερωτήσεις:

ΒΙΝΤΕΟΣ: Σο Κερντέ ο Θρησκείες κο Δεύτερος Παγκόσμιος Πόλεμος (2:22)

• Σο κερντέ μπουτ θρησκείες κο Δεύτερος Παγκόσμιος Πόλεμος;

• Τούι, σαρ νιωθίνεσα οντουλένγκε σο κερντέ;

Διαβάνεν Ιωάννης 13:34, 35 ντα 17:16. Σοράν συζητίνεν ο ερωτήσεις:

• Σαρ πακιάσα τούι ότι νιωθίνελα ο Ιεχωβά κάνα ο θρησκείες ανακατούντιβενα κο τζένγκια;

• Ο ψεύτικες θρησκείες φταίνενα μπουτέ μπέτι πραγματένγκε. Καλά πράγματα σο κερένα ο θρησκείες σικαβένα ότι να τθερένα μανγκιπέ σαρ ι Ντεβλέσκο;

6. Ο Ντεβέλ μανγκέλα τι ελευθερώνελ ι τζενέν κατά ψεύτικες θρησκείες

Διαβάνεν Αποκάλυψη 18:4a ντα σοράν συζητίνεν ι ερώτηση:

• Σαρ νιωθίνεσα σο σικλιλάν ότι ο Ντεβέλ μανγκέλα τι σώνελ οντουλέν σο χουχάντιλε κατά ψεύτικες θρησκείες;

7. Μα τσσίναβ τι σικλιός ι αληθινέ Ντεβλέσκε

Πρέπει τι επηρεάνεν ο ψεύτικες θρησκείες ι άποψη σο τθερέσα ι Ντεβλέσκε; Βάκερ χάι ότι εκ τσσαβό να μανγκέλα τι ασουνέλ ο γκοντιαβέρ λάφια πι νταντέσκε, νασέλα κατά κχερ ντα κερέλα μπέτι ζωή. Ο ντατ να μπεϊντίνελα οντουλά σο κερέλα λέσκο τσσαβό. Σόσκε νανέ σωστός τι τσσουβάς ο βάρετα κο ντατ ι μπέτι πραγματένγκε σο κερέλα λέσκο τσσαβό;

• Κα αβέλας σωστός τι τσσουβές ο βάρετα κο Ιεχωβά οντουλένγκε σο κερένα ο ψεύτικες θρησκείες ντα τι τσσιναβές τι σικλιός λέσκε;

ΧΑΝΙΚ ΛΑΦΙΝΤΖΑΡ

Ο ψεύτικες θρησκείες κερένα ι τζενέν τι πακιάν ψέματα ι Ντεβλέσκε οντουλέντζαρ σο σικλιαρένα ντα ι τζουνγκαλέ πραγματέντζαρ σο κερένα. Ο Ντεβέλ κα καταστραφίνελ ο ψεύτικες θρησκείες.

Σο Σικλιλάν;

• Σαρ νιωθίνεσα οντουλένγκε σο σικλιαρένα ντα κερένα ο ψεύτικες θρησκείες;

• Σαρ νιωθίνελα ο Ιεχωβά ι ψεύτικε θρησκειένγκε;

• Σο κα κερέλ ο Ντεβέλ κο ψεύτικες θρησκείες;

ΡΟΝΤΕ

Σίκλιουβ ντούι πράγματα σο κερένα ο πο μπουτ θρησκείες σο πφανγκένα ο γκι ι Ντεβλέσκο.

«Ισί Σαρέ ο Θρησκείες Ίδιες; Γκερένα Σαρέ κο Ντεβέλ;» (Θέμας κο ιστότοπος)

Σόσκε ο Ιεχωβά μανγκέλα τι ντας-λες λατρεία γιεκ γιαβερέντζαρ;

«Πρέπει εκ Τζενό τι Αβέλ Αντρέ Εκχέ Οργανωμέ Θρησκειάτε;» (Θέμας κο ιστότοπος)

Εκ παπάζι να ισινέ σίγουρος πι θρησκειάκε. Αλλά ανταβά να τσσιναντάς-λες τι σικλιόλ ι αλήθεια ι Ντεβλέσκε.

«Σόσκε εκ Παπάζι Μουκχλάς πι Κχανγκιρί» (Ξύπνα!, Φεβρουάριος 2015)

Κατά πουρανέ μπρεσά, ο θρησκείες βακερένα ψέματα ι Ντεβλέσκε σο κερένα-λες τι ντικχίντιβελ ότι ισί σουρντό ντα ότι να τζιτζίνελα αμένγκε. Σίκλιουβ ι αλήθεια τρινέ ψεματένγκε σο βακερένα.

«Ψέματα σο Κερένα ι Τζενέν Μα τι Μανγκέν ι Ντεβλές» (Η Σκοπιά 1 Νοεμβρίου 2013)