ΜΑΘΗΜΑΣ 59
Μπορίνεσα τι Ατσσός Πιστός Κάνα Τζάνα Τούσαρ Κόντρα
Κα αβέλ ο ντιβές σο σαρέ ι Χριστιανόντζαρ κα τζαν κόντρα. Πρέπει τι νταραβέλ-αμέν ανταβά;
1. Σόσκε μπεκλεντίνασα τι τζαν αμέντζαρ κόντρα;
Η Αγία Γραφή βακερέλα ξεκάθαρα: «Κα τζαν κόντρα σαρέ οντουλέ τζενέντζαρ-ντα σο μανγκένα τι αβέν αφοσιωμέ κο Ντεβέλ ντα τζουβντιόνα σαρ μανγκέλα ο Χριστός Ιησούς». (2 Τιμόθεο 3:12) Ο τζενέ γκιλέ κόντρα ι Ιησούσαρ επειδή να τθερέλας καέκ σχέση ι Μπενγκέσκε ντουνιάσαρ. Αμέν-ντα να τθεράσα καέκ σχέση ανταλέ ντουνιάσαρ, οτθάρ να σαστίνασα κάνα ο κυβερνήσεις ντα ο θρησκείες ανταλέ ντουνιάσκε τζάνα αμέντζαρ κόντρα.—Ιωάννης 15:18, 19.
2. Σο μπορίνασα τι κεράς για τι αβάς έτοιμοι κάνα κα τζαν αμέντζαρ κόντρα;
Πρέπει τι μπαριαράς αμαρί εμπιστοσύνη κο Ιεχωβά ακανά. Κάθε ντιβές τι ντες τι σαατίσταρ για τι προσευχίντιβες λέστε ντα τι διαβάνες ο Λάφι λέσκο. Μα τι χασαρές ο συναθροίσεις. Σαρέ ανταλά κα ντεν-τουτ ι ζορ σο χρειαζίντιβεσα για τι αντιμετωπίνες με θάρρος σαρέ οντουλέν σο τζάνα τούσαρ κόντρα, ατζέ-ντα άμα ισί τζενέ αντράλ τι φαμιλιάταρ. Ο απόστολος Παύλος, σο μπουτ φαρ ο τζενέ γκιλέ λέσαρ κόντρα, βακερντάς: «Ο Ιεχωβά ισί μο βοηθός· να κα νταράβ».—Εβραίους 13:6.
Μπορίνασα επίσης τι μπαριαράς αμαρό θάρρος κάνα κεράσα έργος μπουτ φαρ. Ο έργος σικλιαρέλα-αμέν τι ντας μπέσα κο Ιεχωβά ντα βοηθίνελα-αμέν μα τι νταράς κατά τζενέ. (Παροιμίες 29:25) Άμα λιντάν ο θάρρος τι κερές έργος ακανά, κα αβές έτοιμος τι συνεχίνες τι κερές-λες ατζέ-ντα άμα η κυβέρνηση κα προσπαθίνελ τι τσσιναβέλ αμαρό έργος.—1 Θεσσαλονικείς 2:2.
3. Σαρ ωφελίντιβασα άμα ατσσάσα πιστοί κάνα τζάνα αμέντζαρ κόντρα;
Ισί μπαγιά ότι να μπεϊντίνασα κάνα ο τζενέ τζάνα αμέντζαρ κόντρα αλλά κάνα ατσσάσα πιστοί κο Ιεχωβά, αμαρί πίστη αβέλα πο ζουρανί. Αβάσα πο πασέ κο Ιεχωβά επειδή ντικχάσα λέσκι βοήθεια κάνα νιωθίνασα ότι ναστί νταϊντίνασα γιαβέρ. (Διαβάνεν Ιακώβου 1:2-4) Πφανγκιόλα ι Ιεχωβάσκο γκι κάνα ντικχέλα-αμέν τι νακχάς δυσκολίες, αλλά χαιρίνελα μπουτ κάνα ντικχέλα-αμέν τι ατσσάς πιστοί. Η Γραφή βακερέλα: «Άμα . . . νταϊντίνενα δυσκολίες επειδή κερένα ο λατσσιπέ, ανταβά ισί λατσσό κο γιακχά κι Ντεβλέσκε». (1 Πέτρου 2:20) Ο δώρος σο κα ντελ ο Ιεχωβά σαρέ οντουλέντε σο ατσσόνα πιστοί ισί τι τζουβντιόν για πάντα εκχέ ντουνιάστε σο καέκ να κα τζαλ κόντρα κι αληθινή λατρεία.—Ματθαίος 24:13.
ΧΑΝΤΖΟΥΒ ΠΟ ΑΧΟΡΤ
Ντικχ σόσκε αβέλα-πες τι ατσσός πιστός κο Ιεχωβά ατζέ-ντα κάνα τζάνα τούσαρ κόντρα, ντα σαρ βοβ κα ευλογίνελ-τουτ.
4. Μπορίνεσα τι ατσσός πιστός κάνα τι φαμιλί τζάλα τούσαρ κόντρα
Ο Ιησούς τζανέλας μπουτ λατσσές ότι μερικά τζενέ αμαρέ φαμιλιάταρ μπέκιμ μα τι μανγκέν τι υπηρετίνας ι Ιεχωβάς. Διαβάνεν Ματθαίος 10:34-36 ντα σοράν συζητίνεν ι ερώτηση:
Σο μπορεί τι αβέλ-πες κάνα εκ τζενό εκχέ φαμιλιάταρ αποφασίνελα τι υπηρετίνελ ι Ιεχωβάς;
Για τι ντικχές εκ παράδειγμας σο σικαβέλα-λες ανταβά, ντικχέν ο ΒΙΝΤΕΟΣ ντα σοράν συζητίνεν ι ερώτηση:
Σο κα κερέας άμα εκ τζενό τιρό ή εκ αμάλ κα προσπαθίνελας τι κερέλ-τουτ τι τσσιναβές τι υπηρετίνες ι Ιεχωβάς;
Διαβάνεν Ψαλμός 27:10 ντα Μάρκος 10:29, 30. Αφού κα διαβάνεν ο κάθε εδάφιος, συζητίνεν ι ερώτηση:
Σαρ μπορίνελα τι βοηθίνελ-τουτ ανταγιά υπόσχεση άμα τζάνα τούσαρ κόντρα τι φαμιλί ή το αμαλά;
5. Μα τσσίναβ τι ντες λατρεία ι Ιεχωβάς ατζέ-ντα άμα τζάνα τούσαρ κόντρα
Πρέπει τι αβάς μπίνταρανε για τι υπηρετίνας ι Ιεχωβάς κάνα ο γιαβερά προσπαθίνενα τι τσσιναβέν-αμέν. Ντικχέν ο ΒΙΝΤΕΟΣ ντα σοράν συζητίνεν ι ερώτηση:
Σαρ ντικχλάμ κο βίντεος, σαρ ντινέ-τουτ ζορ ανταλά παραδείγματα;
Διαβάνεν Πράξεις 5:27-29 ντα Εβραίους 10:24, 25. Αφού κα διαβάνεν ο κάθε εδάφιος, συζητίνεν ι ερώτηση:
Σόσκε ισί αζόμ σημαντικός τι συνεχίνας τι ντας λατρεία ι Ιεχωβάς ατζέ-ντα άμα η κυβέρνηση κα βακερέλ αμένγκε τι τσσιναβάς ο έργος ή αμαρέ συναθροίσεις;
6. Ο Ιεχωβά κα βοηθίνελ-τουτ τι ατσσός πιστός
Μάρτυρες ι Ιεχωβάσκε πφουρέ ντα τερνέ σαρό κατά ντουνιάς, συνεχίνενα τι υπηρετίνεν πιστά ι Ιεχωβάς ατζέ-ντα κάνα τζάνα λέντζαρ κόντρα. Για τι σικλιός σο βοηθιντάς-λεν, ντικχέν ο ΒΙΝΤΕΟΣ. Σοράν συζητίνεν ι ερώτηση:
Σαρ ντικχλάμ κο βίντεος, σο βοηθιντάς ανταλέ Μαρτυρέν τι ατσσόν πιστοί;
Διαβάνεν Ρωμαίους 8:35, 37-39 ντα Φιλιππησίους 4:13. Αφού κα διαβάνεν ο κάθε εδάφιος, συζητίνεν ι ερώτηση:
Σαρ ντένα-τουτ σιγουριά ανταλά εδάφια ότι μπορίνεσα τι νταϊντίνες σο-ντα δοκιμασία τθερέσα;
Διαβάνεν Ματθαίος 5:10-12 ντα σοράν συζητίνεν ι ερώτηση:
Σόσκε μπορίνεσα τι αβές χαρούμενος ατζέ-ντα κάνα τζάνα τούσαρ κόντρα;
Εκατομμύρια υπηρέτες ι Ιεχωβάσκε ατσσιλέ πιστοί με επιτυχία παρόλο σο γκιλέ λέντζαρ κόντρα. Τούι-ντα μπορίνεσα!
ΜΕΡΙΚΑ ΤΖΕΝΕ ΒΑΚΕΡΕΝΑ: «Με να κα μπορίναβας τι νταϊντίναβ άμα κα τζάνας μάντζαρ κόντρα».
Καλά εδάφια κα μπορίνενας τι ντεν-λεν ι σιγουριά σο χρειαζίντιβενα;
ΧΑΝΙΚ ΛΑΦΙΝΤΖΑΡ
Ο Ιεχωβά εκτιμίνελα μπουτ ο προσπάθειες σο κεράσα για τι ντας-λες λατρεία ατζέ-ντα κάνα τζάνα αμέντζαρ κόντρα. Λέσκε βοηθειάσαρ, μπορίνασα τι ατσσάς πιστοί με επιτυχία!
Σο Σικλιλάν;
Σόσκε πρέπει τι μπεκλεντίνεν ο Χριστιανοί ότι κα τζαν λέντζαρ κόντρα;
Σο μπορίνεσα τι κερές ακανά για τι αβές έτοιμος κάνα κα τζαν τούσαρ κόντρα;
Σο μπορίνελα τι ντελ-τουτ ι σιγουριά ότι κα καταφερίνες τι υπηρετίνες ι Ιεχωβάς σο-ντα δοκιμασία κα αβέλ;
ΡΟΝΤΕ
Ντικχ εκχέ τερνέ πφραλές τι βακερέλ σαρ βοηθιντάς-λες ο Ιεχωβά τι ατσσόλ πιστός κάνα τσσουντέ-λες κι φυλακή επειδή ισινέ ουδέτερος.
Τσσουβ σημασία σο βοηθιντάς εκχέ αντρογυνός τι υπηρετίνελ πιστά ι Ιεχωβάς μπουτ μπρεσά παρόλο σο τζάνας λέντζαρ κόντρα.
Σίκλιουβ σαρ μπορίνεσα τι σικαβές θάρρος κάνα τζάνα τούσαρ κόντρα.
«Τι Προετοιμάνας-αμέν Ακανά ι Ντιβεσένγκε σο κα Τζαν Αμέντζαρ Κόντρα» (Η Σκοπιά, Ιούλιος 2019)
Σαρ πρέπει τι ντικχάς αμαρί φαμιλί άμα τζάλα αμέντζαρ κόντρα, ντα σαρ κα μπορίνας τι ντας-λεν πέρα κάνα αβέλα-πες ανταβά;
«Η Αλήθεια να Ανέλα Ειρήνη Αλλά Σπαθίς» (Η Σκοπιά, Οκτώβριος 2017)