Οντουβά σο μανγκέλα τι βακερέλ η Αγία Γραφή τθερέλα τι κερέλ ι Ντεβλέσκε Βασιλειάσαρ. Αντράλ ανταλέ Βασιλειάταρ ο Ιεχωβά κα κερέλ τι αβέλ-πες μπαγιά οντουβά σο τθερέλας πι γκοντιάτε κατά αρχή ι πφουβιάκε. Σο ισί η Βασιλεία; Σαρ τζανάσα ότι κερέλα κουμάντος ακανά; Σο κερντάς μέχρι αντιβές; Ντα σο κα κερέλ κο ντιβεσά σο κα αβέν ανγκλ’ αμέντε; Ανταβά μάθημας ντα ο ντούι γιαβερά κα απαντίνεν ανταλέ ερωτησιέντε.

1. Σο ισί η Βασιλεία ι Ντεβλέσκι, ντα κον ισί λάκο Βασιλιάς;

Η Βασιλεία ισί εκ κυβέρνηση σο τσσουντάς ο Ιεχωβά Ντεβέλ. Λάκο Βασιλιάς, ο Ιησούς Χριστός, κερέλα κουμάντος κατά ουρανός. (Ματθαίος 4:17· Ιωάννης 18:36) Η Γραφή βακερέλα ότι ο Ιησούς «κα αβέλ Βασιλιάς . . . για πάντα». (Λουκάς 1:32, 33) Σαρ Βασιλιάς κι Βασιλεία κι Ντεβλέσκι, ο Ιησούς κα κερέλ κουμάντος σαρέ ι τζενέν κι πφουβ.

2. Κον ισί οντουλά σο κερένα κουμάντος γιεκ ι Ιησούσαρ;

Ο Ιησούς να κερέλα κουμάντος κορκορό. Τζενέ «σαρέ κατά φυλές ντα κατά τσσιμπά ντα κατά λαοί ντα κατά τθεμά . . . κα αβέν βασιλιάδες ντα κα κυβερνίνεν ι πφουβ». (Αποκάλυψη 5:9, 10) Καζόμ ισί οντουλά σο κα κυβερνίνεν ι Χριστόσαρ; Από αζομάν σο αβιλό ο Ιησούς κι πφουβ, εκατομμύρια τζενέ αβιλέ λέσκε μαθητές. Αλλά σάντε 144.000 λένταρ τζάνα κο ουρανός για τι κερέν κουμάντος γιεκ ι Ιησούσαρ. (Διαβάνεν Αποκάλυψη 14:1-4) Σαρέ ο γιαβερά Χριστιανοί κι πφουβ κα αβέν τελάλ κατά Βασιλεία.​—Ψαλμός 37:29.

3. Σόσκε η Βασιλεία ι Ντεβλέσκι ισί πο λατσσί κατά τζενένγκε κυβερνήσεις;

Ατζέ-ντα κάνα ο τζενέ σο κυβερνίνενα προσπαθίνενα τι κερέν λατσσέ πράγματα, να τθερένα ι ζορ τι κερέν σο-ντα μανγκένα. Ντα οντουλά σο κυβερνίνενα σοράν λένταρ μπέκιμ τι ντικχένα σάντε πουμαρό νεαυτός ντα μα τι πφαμπόνα μπαγιά ι τζενένγκε. Αλλά Οντουβά σο κερέλα κουμάντος κι Βασιλεία κι Ντεβλέσκι, ο Ιησούς, κα κυβερνίνελ για πάντα. Ο Ντεβέλ “τσσουντάς εκ βασιλεία σο να κα καταστραφίντιβελ ποτές”. (Δανιήλ 2:44) Ο Ιησούς κα κερέλ κουμάντος σαρί ι πφουβ. Επίσης να κα ξεχωρίνελ ι τζενέν. Ο Ιησούς ισί λατσσό ντα δίκαιος, ντα κα σικλιαρέλ ι τζενέν τι σικαβέν βον-ντα κο γιαβερά μανγκιπέ, ή γιαβέρτουλους αγάπη, λατσσιπέ ντα δικαιοσύνη.​—Διαβάνεν Ησαΐας 11:9.

4. Εκ ζουρανί κυβέρνηση κα κερέλ κουμάντος σαρί ι πφουβ

Ο Ιησούς Χριστός ισί πο ζουρανό σαρέ κατά γιαβερά σο κερντέ κουμάντος. Διαβάνεν Ματθαίος 28:18 ντα σοράν συζητίνεν ι ερώτηση:

• Σόσκε η ζορ σο τθερέλα ο Ιησούς τι κερέλ κουμάντος ισί πο οπρέ κατά τζενένγκι ζορ;

Ο κυβερνήσεις ι τζενένγκε αλλάνενα μπουτ φαρ ντα η κάθε εκ λένταρ κερέλα κουμάντος σάντε εκχέ τθεμέστε. Σο κα βακεράας ι Ντεβλέσκε Βασιλειάκε; Διαβάνεν Δανιήλ 7:14 ντα σοράν συζητίνεν ο ερωτήσεις:

• Σόσκε ισί λατσσό σο «να κα καταστραφίντιβελ» η Βασιλεία ι Ντεβλέσκι;

• Σόσκε ισί λατσσό σο κα κερέλ κουμάντος σαρί ι πφουβ;

5. Ο κυβερνήσεις ι τζενένγκε πρέπει τι νασέν

Σόσκε πρέπει τι νασκιαρέλ η Βασιλεία ι Ντεβλέσκι ο κυβερνήσεις ι τζενένγκε; Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: Σο Ισί η Βασιλεία ι Ντεβλέσκι;​—Χουρντό Βίντεος (1:41)

• Καλά ισί ο αποτελέσματα κατά τζενένγκε κυβερνήσεις;

Διαβάνεν Εκκλησιαστής 8:9 ντα σοράν συζητίνεν ο ερωτήσεις:

• Τούι, πακιάσα ότι η Βασιλεία ι Ντεβλέσκι πρέπει τι νασκιαρέλ ο κυβερνήσεις ι τζενένγκε; Σόσκε βακερέσα-λες ανταβά;

6. Οντουλά σο κερένα κουμάντος κι Βασιλεία κι Ντεβλέσκι αγαβένα-αμέν

Επειδή αμαρό Βασιλιάς, ο Ιησούς, τζουβντιλό σαρ τζενό, μπορίνελα τι “αγαβέλ αμαρέ αδυναμίες”. (Εβραίους 4:15) Ο 144.000 πιστά μουρσά ντα τζουβλιά σο κα κυβερνίνεν γιεκ ι Ιησούσαρ, τραμπίντιλε κατά Ιεχωβά «σαρέ κατά φυλές ντα κατά τσσιμπά ντα κατά λαοί ντα κατά τθεμά».​—Αποκάλυψη 5:9.

• Λέσα ζορ σο ο Ιησούς ντα σαρέ οντουλά σο κερένα λέσαρ κουμάντος αγαβένα σαρ ισί τι αβές τζενό; Σόσκε βακερέσα-λες ανταβά;

7. Ο νόμοι ι Ντεβλέσκε Βασιλειάκε ισί ο πο λατσσέ

Ο κυβερνήσεις νικαβένα νόμους σο αμντίνενα ότι κα κερέν λατσσιπέ ντα κα αρακχαβέν ι τζενέν. Η Βασιλεία ι Ντεβλέσκι-ντα τθερέλα νόμους σο πρέπει τι ντεν-λεν καν ο τζενέ σο ισί τελάλ λάταρ. Διαβάνεν 1 Κορινθίους 6:9-11 ντα σοράν συζητίνεν ο ερωτήσεις:

• Σαρ αμντίνεσα ότι κα αβέλ ο ντουνιάς κάνα σαρέ ο τζενέ κα ντεν καν κο κανόνες κι Ντεβλέσκε;a

• Ισί τούκε γκοντιαβέρ σο ο Ιεχωβά μανγκέλα κατά τζενέ σο ισί τελάλ λέσκε Βασιλειάταρ τι σεβάνεν ανταλά κανόνες; Σόσκε βακερέσα-λες ανταβά;

• Σο σικαβέλα ότι μπορίνενα τι αλλάνεν ο τζενέ σο να ντένα καν ανταλά κανόνες;​—Ντικχέν ο εδάφιος 11.

ΧΑΝΙΚ ΛΑΦΙΝΤΖΑΡ

Η Βασιλεία ι Ντεβλέσκι ισί εκ πραγματική κυβέρνηση κο ουρανός σο κα κερέλ κουμάντος σαρί ι πφουβ.

Σο Σικλιλάν;

• Κον ισί οντουλά σο κερένα κουμάντος κι Βασιλεία κι Ντεβλέσκι;

• Σόσκε ι Ντεβλέσκι Βασιλεία ισί πο λατσσί σαρέ κατά τζενένγκε κυβερνήσεις;

• Σο μανγκέλα ο Ιεχωβά οντουλένταρ σο ισί τελάλ λέσκε Βασιλειάταρ;

ΡΟΝΤΕ

Ντικχ κατέ βακερντάς ο Ιησούς ότι ισί η Βασιλεία.

«Ισί η Βασιλεία ι Ντεβλέσκι Αντρέ Αμαρέ Γκίστε;» (Θέμας κο ιστότοπος)

Σόσκε ο Μάρτυρες ι Ιεχωβάσκε τσσουβένα ι αφοσίωση κι Βασιλεία κι Ντεβλέσκι πο οπρέ κατά αφοσίωση κο κυβερνήσεις κι τζενένγκε;

Αφοσιωμέ κι Βασιλεία κι Ντεβλέσκι (1:43)

Σίκλιουβ σο σικαβέλα η Γραφή για το 144.000 σο τραμπίνελα-λεν ο Ιεχωβά για τι κερέν κουμάντος γιεκ ι Ιησούσαρ.

«Κον Ισί Οντουλά σο Τζάνα κο Ουρανός;» (Θέμας κο ιστότοπος)

Σο κερντάς εκχέ τζουβλιά σο ισινέ κι φυλακή τι πακιάλ ότι σάντε ο Ντεβέλ μπορίνελα τι ανέλ δικαιοσύνη κο ντουνιάς;

«Αρακχλόμ ι Απάντηση κι Αδικία» (Ξύπνα!, Νοέμβριος 2011)

Ο Ιησούς σικλιαρντάς πι μαθητέν “μα τι τθερέν καέκ σχέση ανταλέ ντουνιάσαρ”. (Ιωάννης 15:​19) Αντρέ ανταλέστε ισί τι αβάς ουδέτεροι-ντα, δηλαδή μα τι τσσίντας καέκ μπαντάταρ κο πολιτικά ή κο τζένγκια. Ισί μπαγιά ότι νανέ πάντα εύκολος τι ατσσάς ουδέτεροι. Μπέκιμ τι πρασάν-αμέν ανταλέσκε. Σαρ μπορίνασα τι αβάς ουδέτεροι ντα τι ατσσάς αφοσιωμέ κο Ιεχωβά Ντεβέλ;

1. Σαρ ντικχένα ο αληθινοί Χριστιανοί ι τζενένγκε κυβερνήσεις;

Ο Χριστιανοί σεβάνενα ο κυβερνήσεις. Κεράσα οντουβά σο βακερντάς ο Ιησούς ντα “ντάσα οντουλά σο ισί ι Καισαράσκε κο Καίσαρας”​—δηλαδή ντάσα καν κο νομούς σο τθερέλα αμαρό τθεμ, για παράδειγμας ποκινάσα ο φόροι. (Μάρκος 12:​17) Η Γραφή σικλιαρέλα ότι ο τζενέ κυβερνίνενα σάντε επειδή μουκχέλα-λεν ο Ιεχωβά. (Ρωμαίους 13:1) Οτθάρ αγαβάσα ότι ι τζενένγκε κυβερνήσεις να τθερένα ι ζορ τι κερέν κουμάντος σαρ ο Ντεβέλ. Αμέν ντάσα μπέσα αμαρέ Ντεβλέστε ντα λέσκε Βασιλειάτε σο ισί κο ουρανός για τι νασκιαρέλ ο προβλήματα σαρέ ι ντουνιάσκε.

2. Σαρ μπορίνασα τι σικαβάς ότι ισινάμ ουδέτεροι;

Σαρ ο Ιησούς, αντικάς αμέν-ντα να ανακατούντιβασα κο πολιτικά. Κάνα ο τζενέ ντικχλέ εκ κατά θαύματα ι Ιησούσκε ντα μανγκλέ τι αβέλ λένγκο βασιλιάς κι πφουβ, βοβ να μουκχλάς-λεν. (Ιωάννης 6:​15) Σόσκε; Επειδή, σαρ βακερντάς βοβ πο σοράν, «[λέσκι] Βασιλεία να τθερέλα καέκ σχέση ανταλέ ντουνιάσαρ». (Ιωάννης 18:​36) Σαρ μαθητές ι Ιησούσκε, σικαβάσα ότι ισινάμ ουδέτεροι μπουτέ τροπόντζαρ. Για παράδειγμας, να τζάσα κο τζένγκι. (Διαβάνεν Μιχαίας 4:3) Σεβάνασα ο σύμβολα ι τθεμέσκε, σαρ ισί ο σημαίες, αλλά να ντάσα-λεν λατρεία. (1 Ιωάννη 5:​21) Ντα να τζάσα κόντρα ούτε τσσίντασα εκχέ τζενέσταρ σο μανγκέλα τι ψηφίνεν-λες. Ανταλέντζαρ ντα γιαβερέ τροπόντζαρ, σικαβάσα ότι ισινάμ ντιπ αφοσιωμέ κι Ντεβλέσκι κυβέρνηση—​λέσκε Βασιλειάτε.

ΧΑΝΤΖΟΥΒ ΠΟ ΑΧΟΡΤ

3. Ο αληθινοί Χριστιανοί ισί ουδέτεροι

Ο Ιησούς ντα λέσκε μαθητές σικαντέ αμένγκε σο τι κεράς. Διαβάνεν Ρωμαίους 13:1, 5-7 ντα 1 Πέτρου 2:​13, 14. Σοράν, ντικχέν ο ΒΙΝΤΕΟΣ ντα συζητίνεν ο ερωτήσεις:

ΒΙΝΤΕΟΣ: Ο Αληθινοί Χριστιανοί Ισί Ουδέτεροι​—Μέρος 1 (4:28)

• Σόσκε πρέπει τι σεβάνας ι τζενένγκε κυβερνήσεις;

• Καλέ τροπόντζαρ σικαβάσα ότι ντάσα-λεν καν;

Κάνα αβέλα-πες εκ τζένγκι, μερικά τθεμά βακερένα ότι να τσσίντενα καεκχέσταρ, αλλά βοηθίνενα εμ ακατάρ εμ οκουτάρ. Σο μανγκέλα τι βακερέλ τι αβάς μπαγιά ουδέτεροι; Διαβάνεν Ιωάννης 17:​16. Σοράν, ντικχέν ο ΒΙΝΤΕΟΣ ντα συζητίνεν ι ερώτηση:

ΒΙΝΤΕΟΣ: Ο Αληθινοί Χριστιανοί Ισί Ουδέτεροι​—Μέρος 2 (3:11)

• Σο μανγκέλα τι βακερέλ τι αβάς ουδέτεροι;

Σο κεράσα κάνα ι τζενένγκε κυβερνήσεις μανγκένα τι κεράς κάτι σο τζάλα κόντρα με το νόμος ι Ντεβλέσκο; Διαβάνεν Πράξεις 5:​28, 29. Σοράν, ντικχέν ο ΒΙΝΤΕΟΣ ντα συζητίνεν ο ερωτήσεις:

ΒΙΝΤΕΟΣ: Ο Αληθινοί Χριστιανοί Ισί Ουδέτεροι​—Μέρος 3 (1:18)

• Άμα ο νόμος ι τζενένγκο τζάλα κόντρα με το νόμος ι Ντεβλέσκο, κάστε πρέπει τι ντας καν;

• Μπορίνεσα τι σκεφτίνες μερικές περιπτώσεις σο ο Χριστιανοί να κα ντένας καν κι τζενένγκε κυβερνήσεις;

4. Τι αβές ουδέτερος οντουλέντε σο σκεφτίνεσα ντα κερέσα

Διαβάνεν 1 Ιωάννη 5:​21. Σοράν, ντικχέν ο ΒΙΝΤΕΟΣ ντα συζητίνεν ο ερωτήσεις:

ΒΙΝΤΕΟΣ: Σόσκε Χρειαζίντιβενα Θάρρος ο Αληθινοί Χριστιανοί​—Για μα τι Ανακατούντιβεν κο Πολιτικά (2:49)

• Σαρ ντικχλάμ κο βίντεος, σόσκε τραμπιντάς ο Αγιένγκε μα τι τσσουβέλ-πες κο κόμμας ντα μα τι συμμετεχίνελ πραγματέντε σο τθερένα τι κερέν ι τθεμέσαρ σαρ ισί τι χαιρετίνελ ι σημαία;

• Πακιάσα ότι ισινέ γκοντιαβέρ οντουβά σο τραμπιντάς;

Καλά γιαβερά περιπτώσεις μπορίνενα τι κερέν-αμέν μα τι ατσσάς ουδέτεροι; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Μαθήματα Κατά Σκοπιά​—Ατσσάσα Ουδέτεροι Εκχέ Τρουγιμέ Ντουνιάστε (5:16)

• Σαρ μπορίνασα τι ατσσάς ουδέτεροι κάνα αβένα-πες αθλήματα σο συμμετεχίνενα μπουτ τθεμά;

• Σαρ μπορίνασα τι ατσσάς ουδέτεροι ατζέ-ντα άμα επηρεάντιβασα αμέν οντουλένταρ σο τραμπίνενα ο πολιτικοί;

• Σαρ κα μπορίνενας οντουλά σο ασουνάσα κο ειδήσεις ή αμαρέ παρέες τι κερέν-αμέν μα τι ατσσάς ουδέτεροι;

ΧΑΝΙΚ ΛΑΦΙΝΤΖΑΡ

Ο Χριστιανοί μαρένα-πες τι ατσσόν ουδέτεροι κο πολιτικά οντουλέντζαρ σο σκεφτίνενα, βακερένα ντα κερένα.

Σο Σικλιλάν;

• Σο πρέπει τι ντας κο κυβερνήσεις κι τζενένγκε;

• Σόσκε ατσσάσα ουδέτεροι κο πολιτικά;

• Καλά περιπτώσεις κα μπορίνενας τι κερέν-αμέν μα τι ατσσάς ουδέτεροι;

ΡΟΝΤΕ

Καλά θυσίες μπέκιμ τι χρειαζίντιβελ τι κεράς για τι ατσσάς ουδέτεροι;

Ο Ιεχωβά να Μουκχλάς-αμέν Ποτές (3:14)

Σο μπορίνενα τι κερέν ο φαμιλιά για τι προετοιμάντιβεν ι δυσκολιένγκε σο τθερένα τι κερέν με την ουδετερότητα;

Τι Ατσσόν Ουδέτεροι κο Γιορτές ντα Γιαβερέ Ασακέ Πραγματέντε (4:25)

Σόσκε ο πο σημαντικός πράγμας εκχέ τζενέσκε νανέ τι τσσίντελ πι τθεμέσταρ;

«Σαρέ Μπορίνελα τι Κερέλ-λεν ο Ντεβέλ» (5:19)

Ντικχ σαρ μπορίνεσα μα τι τθερές καέκ σχέση ι ντουνιάσαρ κάνα κερέσα ή τραμπίνεσα εκ μπουτί.

«Ο Κάθε Εκ κα Βάντελ πο Φορτίος» (Η Σκοπιά 15 Μαρτίου 2006)