Σαρ κα Αγαβές Καλά Ισί ο Αληθινοί Χριστιανοί

Δισεκατομμύρια τζενέ βακερένα ότι ισί Χριστιανοί. Αλλά να πακιάνα σαρέ ο ίδια πράγματα ούτε ντένα καν κο ίδιοι κανόνες. Σαρ κα αγαβάς καλά ισί ο αληθινοί Χριστιανοί;

1. Σο μανγκέλα τι βακερέλ τι αβές Χριστιανός;

Ο Χριστιανοί ισί μαθητές, ή γιαβέρτουλους ακολουθίνενα ι Ιησού Χριστός. (Διαβάνεν Πράξεις 11:26) Σαρ σικαβένα ότι ισί λέσκε μαθητές; Ο Ιησούς βακερντάς: «Άμα κα ατσσόν μι λαφίστε, ισινέν μπαγιά μο μαθητές». (Ιωάννης 8:31) Ανταβά μανγκέλα τι βακερέλ ότι ο αληθινοί Χριστιανοί πρέπει τι ντεν καν κο σικλιαριπέ κι Ιησούσκο. Ντα σαρ ο Ιησούς βασίνελας κι Γραφή οντουλά σο σικλιαρέλας, αντικάς ο αληθινοί Χριστιανοί-ντα βασίνενα οντουλά σο πακιάνα κι Αγία Γραφή.—Διαβάνεν Λουκάς 24:27.

2. Σαρ σικαβένα μανγκιπέ, ή γιαβέρτουλους αγάπη, ο αληθινοί Χριστιανοί;

Ο Ιησούς βακερντάς οντουλένγκε σο ακολουθίνενας-λες: «Μανγκέν ο εκ ι γιαβερές αντικάς σαρ μανγκλόμ-τουμέν με». (Ιωάννης 15:12) Σαρ σικαβέλας ο Ιησούς ότι μανγκέλας πι μαθητέν; Ντέλας-λεν πι σαατίσταρ, πι ζοριάταρ ντα βοηθίνελας-λεν. Ντινάς ατζέ-ντα πι ζωή λένγκε. (1 Ιωάννη 3:16) Αντικάς, ο αληθινοί Χριστιανοί να κερένα σάντε λάφι ι μανγκιμάσκε. Σικαβένα ότι μανγκένα ο εκ ι γιαβερές πουμαρέ λαφίντζαρ ντα οντουλέντζαρ σο κερένα.

3. Καβά έργος κερένα ο αληθινοί Χριστιανοί;

Ο Ιησούς βακερντάς πι μαθητένγκε τι κερέν εκ μπουτί. «Μπουτσσαντάς-λεν τι κερέν λάφι ι Ντεβλέσκε Βασιλειάκε». (Λουκάς 9:2) Ο πρώτοι Χριστιανοί να κερένας λάφι ι Ντεβλέσκε σάντε κο τθανά σο ντένας λατρεία, αλλά εμ οτθέ σο γκιντίντιβενας μπουτ τζενέ εμ κο κχερά κι τζενένγκε. (Διαβάνεν Πράξεις 5:42· 17:17) Αντικάς, ο αληθινοί Χριστιανοί αντιβές μουτθαβένα ι αλήθεια ι Γραφιάκι κάι-ντα τι αρακχέν τζενέν. Επειδή μανγκένα ι τζενέν, χαιρίνενα τι ντεν πουμαρέ σαατίσταρ ντα πουμαρέ ζοριάταρ για τι μουτθαβέν ο λάφια ι Γραφιάκε σο ντένα ελπίδα ντα λοκχιαρένα ι τζενένγκο γκι.—Μάρκος 12:31.

ΧΑΝΤΖΟΥΒ ΠΟ ΑΧΟΡΤ

4. Ρόντενα τι αρακχέν ι αλήθεια ι Γραφιάκι

Να εκτιμίνενα ι αλήθεια ι Γραφιάκι σαρέ οντουλά σο βακερένα ότι ισί Χριστιανοί. Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: Σαρ Χαλάντιλι η Χριστιανοσύνη (5:11)

• Σαρ γκεραντέ μερικές θρησκείες, σο βακερένα ότι ισί Χριστιανικές, ο λάφια σο σικλιαρντάς ο Ιησούς;

Ο Ιησούς σικλιαρντάς ι αλήθεια κατά Λάφι ι Ντεβλέσκο. Διαβάνεν Ιωάννης 18:37 ντα σοράν συζητίνεν ι ερώτηση:

• Σαρ βακερντάς ο Ιησούς, σαρ μπορίνασα τι αγαβάς καλά Χριστιανοί “ακολουθίνενα ι αλήθεια”;

5. Μουτθαβένα ι αλήθεια ι Γραφιάκι

Πριν τι τζαλ κο ουρανός, ο Ιησούς βακερντάς οντουλένγκε σο ακολουθίνενας-λες τι κερέν εκ έργος σο αβέλα-πες μέχρι αντιβές. Διαβάνεν Ματθαίος 28:19, 20 ντα Πράξεις 1:8 ντα σοράν συζητίνεν ι ερώτηση:

• Καζόμ κα ατσσικιαρέλας ανταβά έργος ντα καζόμ ντουρ κα ερεσέλας;

6. Κερένα πουμαρέ ζωγιάτε οντουλά σο σικλιαρένα

Σο κερντάς εκχέ τζενές τι αβέλ σίγουρος ότι αρακχλάς ι αληθινή Χριστιανοσύνη; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Μουκχλόμ ι Θρησκεία (5:20)

• Σαρ ντικχλάμ κο βίντεος, σόσκε μουκχλάς ο Τομ ι θρησκεία;

• Σόσκε ισί σίγουρος ότι αρακχλάς ι αλήθεια;

Οντουλά σο κεράσα τθερένα πο μπουτ ζορ οντουλένταρ σο βακεράσα. Διαβάνεν Ματθαίος 7:21 ντα σοράν συζητίνεν ι ερώτηση:

• Σο ισί πο σημαντικός ι Ιησούσκε—τι βακεράς ότι πακιάσα ή τι σικαβάς-λες οντουλέντζαρ σο κεράσα;

7. Μανγκένα ο εκ ι γιαβερές

Τσσουντέ μπαγιά σε κίνδυνος κάποιοι Χριστιανοί πουμαρί ζωή γιαβερέ Χριστιανόνγκε; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Μανγκλάς Αντράλ πι Γκίσταρ τι Ντελ πι Ζωή (2:55)

• Σαρ ντικχλάμ κο βίντεος, σο τσσιντιντάς ι Λοϊντίς τι τσσουβέλ σε κίνδυνος πι ζωή ι πφραλέσκε Γιόχανσον;

• Πακιάσα ότι συμπεριφερισάλο σαρ αληθινός Χριστιανός;

• Σαρ έπρεπε τι συμπεριφερίντιβεν ο μαθητές ι Ιησούσκε (ο αληθινοί Χριστιανοί) κο τζενέ σο τθερένα γιαβέρ φυλή ή ισί γιαβερέ τθεμέσταρ;

• Σαρ έπρεπε τι κερέν-λες ανταβά κάνα κα αβέλας-πες τζένγκι;

ΧΑΝΙΚ ΛΑΦΙΝΤΖΑΡ

Ο αληθινοί Χριστιανοί ντένα καν κο σικλιαριπέ κι Γραφιάκο, σικαβένα μπαρό μανγκιπέ ντα μουτθαβένα ι αλήθεια ι Γραφιάκι.

Σο Σικλιλάν;

• Κατέ βασίντιβενα οντουλά σο πακιάνα ο αληθινοί Χριστιανοί;

• Σο σικαβέλα κον ισί ο αληθινοί Χριστιανοί;

• Καβά έργος κερένα ο αληθινοί Χριστιανοί;

ΡΟΝΤΕ

Σίκλιουβ πο μπουτ μερικέ τζενένγκε σο προσπαθίνενα τι ακολουθίνεν ο παράδειγμας ντα ο σικλιαριπέ ι Ιησού Χριστόσκο.

Μάρτυρες του Ιεχωβά —Κον Ισινάμ; (1:13)

Ντικχ σο βοηθιντάς εκχέ τζουβλιά σο ισινέ καλόγρια τι αρακχέλ “εκ αληθινή πνευματική φαμιλί”.

«Απαντίνενας Σαρέ κο Ερωτήσεις Αντράλ Κατά Γραφή!» (Η Σκοπιά 1 Απριλίου 2014)

Σίκλιουβ σαρ σικαβένα μανγκιπέ ο αληθινοί Χριστιανοί πουμαρέ πφραλένγκε σο χρειαζίντιβενα βοήθεια.

Βοηθίνασα Αμαρέ Πφραλέν Κάνα Αβένα-πες Καταστροφές—Χουρντό Βίντεος (3:57)

Ντικχ σαρ ο αληθινοί Χριστιανοί αντιβές κερένα οντουλά σο βακερντάς ο Ιησούς, σαρ κερένας ο πρώτοι Χριστιανοί-ντα.

«Κατάρ Αγαντίντιβενα ο Αληθινοί Χριστιανοί;» (Η Σκοπιά 1 Μαρτίου 2012)