ΜΑΘΗΜΑΣ 22
Σαρ Μπορίνεσα τι Βακερές ο Λατσσέ Αμπέρια;
Καζόμ σικλιόσα ο αλήθειες ι Γραφιάκε μπορεί τι σκεφτίνες: “Πρέπει τι σικλιόν ανταλά αλήθειες σαρέ ο τζενέ!” Βα, σαρέ χρειαζίντιβελα τι σικλιόν-λεν! Μπέκιμ όμως τι αγχώντιβεσα κάνα σκεφτίνεσα τι βακερές-λεν κο γιαβερά. Έλα τι ντικχάς σαρ μπορίνεσα τι νακχαβές ανταβά άγχος ντα τι αρχίνες τι βακερές χαράσαρ ο λατσσέ αμπέρια ι Γραφιάκε.
1. Σαρ κα βακερές οντουλά σο σικλιόσα κο τζενέ σο τζανέσα;
Ι Ιησούσκε μαθητές βακερντέ: «Ναστί τσσιναβάσα τι κεράς λάφι οντουλένγκε σο ντικχλάμ ντα ασουντάμ». (Πράξεις 4:20) Αγαβένας καζόμ μπαρί αξία τθερένας ο λάφια σο σικλιλέ κατά Ιησούς, ντα οτθάρ μανγκένας τι βακερέν-λεν σαριλένγκε. Τούι νιωθίνεσα αντικάς; Άμα βα, τι ρόντες ευκαιρίες για τι βακερές με σεβασμός τι φαμιλιάκε ντα τι αμαλένγκε οντουλά σο σικλιόσα.—Διαβάνεν Κολοσσαείς 4:6.
Χάνικ τρόποι για τι αρχίνες
Κάνα κερέσα λάφι τι τζενέντζαρ, πούταρ εκχέ θεμάσκε κατά Γραφή ντα βάκερ: «Σικλιλόμ κάτι μπουτ σουκάρ ανταγιά εβδομάδα».
Βάκερ εκ εδάφιος σο ντέλα ζορ εκχέ αμαλέστε σο ισί νασφαλό ή πιεσμέ.
Άμα εκ τζενό σο κερέσα λέσαρ μπουτί πουτσλάς-τουτ σαρ νακχλάν ο σαββατοκύριακος, βάκερ λέσκε κάτι σο σικλιλάν κατά μαθήματα ι Γραφιάκε ή κατά συνάθροιση.
Σίκαβ τι αμαλέντε ο ιστότοπος jw.org.
Βάκερ γιαβερένγκε-ντα τι αβέν κο μαθήματα κι Γραφιάκε σο κερέσα ή σίκαβ λένγκε σαρ μπορίνενα τι μανγκέν μαθήματα ι Γραφιάκε κο jw.org.
2. Σόσκε ισί μπουτ λατσσό τι τσσουβές στόχος τι κερές έργος γιεκ ι κχανγκιριάσαρ;
Ο μαθητές ι Ιησούσκε να βακερένας ο λατσσέ αμπέρια σάντε κο τζενέ σο τζανένας. Ο Ιησούς «μπουτσσαντάς-λεν ντούι ντούι, πριν τι τζαλ βοβ, σαρέ κο πόλεις» για τι κερέν λάφι ι Ντεβλέσκε. (Λουκάς 10:1) Ανταλέ τροπόσαρ τθερένας πο μπουτ τζενέ ι ευκαιρία τι ασουνέν ο λατσσέ αμπέρια. Επίσης, τθερένας μπαρί χαρά ο μαθητές επειδή κερένας έργος γιεκ. (Λουκάς 10:17) Κα μπορίνεας τι τσσουβές-λες τούι-ντα στόχος τι κερές έργος γιεκ ι κχανγκιριάσαρ;
ΧΑΝΤΖΟΥΒ ΠΟ ΑΧΟΡΤ
Ντικχ σο μπορίνεσα τι κερές για τι νακχαβές ο άγχος ντα τι τθερές τούι-ντα ι χαρά σο αβέλα κάνα βακεράσα ο λατσσέ αμπέρια.
3. Ο Ιεχωβά κα αβέλ τούσαρ
Μερικά τζενέ μανγκένα τι κερέν λάφι ι Ντεβλέσκε αλλά αγχώντιβενα σαρ κα ντικχέν-λεν ο γιαβερά ή σαρ κα συμπεριφερίντιβεν λένγκε.
Τούι, αγχώντιβεσα κάνα σκεφτίνεσα τι πουτρές ι Ντεβλέσκε κο γιαβερά, ή νάα; Σόσκε βακερέσα-λες ανταβά;
Ντικχέν ο ΒΙΝΤΕΟΣ ντα σοράν συζητίνεν ι ερώτηση:
Σαρ νακχαντέ ανταλά τερνέ Μάρτυρες οντουλά σο νταραβένας-λεν;
Διαβάνεν Ησαΐας 41:10 ντα σοράν συζητίνεν ι ερώτηση:
Σαρ κα βοηθίνελ-τουτ η προσευχή κάνα νταρέσα τι βακερές ο λατσσέ αμπέρια;
Τζανέας-λες;
Μπουτ Μάρτυρες ι Ιεχωβάσκε ανγκλέ πακιάνας ότι να κα μπορίνενας ποτές τι βακερέν κο γιαβερά ο λατσσέ αμπέρια. Ο Σεργκέι, για παράδειγμας, ισινέ εκ τζενό σο νιωθίνελας ότι να τθερέλα αξία ντα ισινέ λέσκε δύσκολος τι πουτρέλ-πες. Σοράν όμως αρχισάλο τι διαβάνελ ι Γραφή. Ο Σεργκέι βακερέλα: «Παρόλο σο νταράβας, αρχισάλομ τι βακεράβ οντουλά σο σικλιάβας. Σαστισάλομ κάνα αγαντόμ ότι, επειδή κεράβας λάφι ι Γραφιάκε, ανταβά ντέλας-μαν θάρρος ντα μι πίστη ζουράνιβελας».
4. Τι σικαβές σεβασμός
Κάνα μανγκέσα τι βακερές ο λατσσέ αμπέρια, μα σκέφτινε σάντε σο κα βακερές, αλλά επίσης σαρ κα βακερές-λες. Διαβάνεν 2 Τιμόθεο 2:24 ντα 1 Πέτρου 3:15 ντα σοράν συζητίνεν ο ερωτήσεις:
Σαρ κα μπορίνεας τι κερές ανταλά σο βακερένα ο εδάφια κάνα πουτρέσα κο γιαβερά ι Γραφιάκε;
Μερικοί τι τζενένταρ ή τι αμαλένταρ μπέκιμ μα τι συμφωνίνεν τούσαρ. Σο κα μπορίνεας τι κερές; Σο δεν πρέπει τι κερές;
Σόσκε ισί λατσσό τι κερές ερωτήσεις σουκάρ τροπόσαρ ντα μα τι ανές ι γιαβερέν σε δύσκολη θέση;
5. Κάνα βακεράσα ο λατσσέ αμπέρια, τθεράσα χαρά
Ο Ιεχωβά ντινάς κο Ιησούς εκ μπουτί—τι βακερέλ ο λατσσέ αμπέρια. Σαρ ντικχέλας ο Ιησούς ανταγιά μπουτί; Διαβάνεν Ιωάννης 4:34 ντα σοράν συζητίνεν ο ερωτήσεις:
Ο λατσσό χαμπέ ατσσικιαρέλα-αμέν τζουβντέ ντα ντέλα-αμέν χαρά. Σόσκε βακερντάς ο Ιησούς ότι οντουβά σο μανγκέλα ο Ντεβέλ τι κεράς, για παράδειγμας ο έργος, ισί σαρ χαμπέ;
Σο λατσσέ πράγματα πακιάσα ότι κα αβέν άμα βακερέσα ο λατσσέ αμπέρια κο γιαβερά;
Δοκίμανε-λες
Λε ιδέες κατά συνάθροιση σο κεράσα αντρέ κι εβδομάδα για τι σικλιός σαρ τι αρχίνες συζητήσεις.
Πουτς ι τζενές σο κερέλα-τουτ μελέτη σαρ μπορίνεσα τι κερές ομιλίες κι συνάθροιση σο αβέλα-πες αντρέ κι εβδομάδα. Ανταλά ομιλίες κα βοηθίνεν-τουτ τι αβές πο έτοιμος τι βακερές κο γιαβερά οντουλά σο σικλιόσα.
Κερ πρόβες κατά «Μερικά Τζενέ Βακερένα» ή κατά «Εκ Τζενό Μπορεί τι Πουτσέλ-τουτ», σο ισί ανταλέ βιβλιόστε, για τι απαντίνες ερωτησιέντε σο κερένα μπουτ φαρ ο τζενέ ντα ερωτησιέντε σο κερένα για τι τζαν κόντρα.
ΕΚ ΤΖΕΝΟ ΜΠΟΡΕΙ ΤΙ ΠΟΥΤΣΕΛ-ΤΟΥΤ: «Σο αβέλα; Σο κερέσα;»
Σαρ κα καπτίνεας ι ευκαιρία για τι βακερές λέσκε κάτι σο σικλιλάν κατά Γραφιάκε μαθήματα;
ΧΑΝΙΚ ΛΑΦΙΝΤΖΑΡ
Κάνα βακεράσα ο λατσσέ αμπέρια κο γιαβερά νιωθίνασα χαρά, ντα άμα κα κερές ι αρχή μπέκιμ τι ντικχές ότι νανέ αζόμ δύσκολος σαρ αμντίνεας.
Σο Σικλιλάν;
Σόσκε βακεράσα ο λατσσέ αμπέρια κο γιαβερά;
Σαρ μπορίνεσα τι κερές-λες ανταβά με σεβασμός;
Σαρ κα νακχαβές σο-ντα άγχος μπέκιμ τι τθερέσα ι εργόσκε;
ΡΟΝΤΕ
Ντικχ καλέ σταρέ απλέ τροπόντζαρ κα μπορίνεας τι βακερές ο λατσσέ αμπέρια αντράλ κατά κάρτα jw.org.
Σίκλιουβ καλά σταρ πράγματα κα βοηθίνεν-τουτ τι βακερές ο λατσσέ αμπέρια.
«Ισινέν Έτοιμοι τι Αβέν Ψαράδες Τζενένγκε;» (Η Σκοπιά, Σεπτέμβριος 2020)
Τσσουβ σημασία σαρ μπορίνελα εκ ιστορία κατά Γραφή τι κερέλ-αμέν μπίνταρανε για τι βακεράς ο λατσσέ αμπέρια ατζέ-ντα άμα ισινάμ χουρντέ.
Ντικχ σαρ μπορίνεσα τι κερές λάφι ι Γραφιάκε τι τζενέντε σο να τζανένα ιτς ι Ιεχωβάσκε.
«Σαρ τι Ερεσέν κο Γκι Τουμαρέ Τζενένγκο σο να Πακιάνα κο Ιεχωβά» (Η Σκοπιά 15 Μαρτίου 2014)