Σόσκε Αβένα-πες Μπέτι Πράγματα ντα Τσσίντασα Μπουτ;

«Σόσκε;» Ισί λογικός τι πουτσέλ-λες ανταβά εκ τζενό κάνα αβέλα-πες κάτι σο πφαμπαρέλα λέσκο γκι. Σο σουκάρ σο η Αγία Γραφή απαντίνελα ανταλέ ερωτησιάτε!

1. Σο κερντάς ο Μπενγκ ντα αρχισάλε ο μπέτι πράγματα κο ντουνιάς;

Ο Μπενγκ γκιλό κόντρα κο Ντεβέλ. Ο Μπενγκ μανγκέλας τι κερέλ κουμάντος, οτθάρ επηρεαντάς ι πρώτε τζενέν, ι Αδαμίς ντα ι Ευά, για τι τζαν βον-ντα κόντρα κο Ντεβέλ. Κερντάς-λες ανταβά κάνα χουχαντάς ι Ευά. (Γένεση 3:1-5) Κερντάς-λα τι αμντίνελ ότι ο Ιεχωβά ατσσικιαρέλας λάταρ κάτι λατσσό. Πφιρνιμάσαρ βακερντάς ότι ο τζενέ κα αβένας πο ευτυχισμέ άμα να κα ντένας καν ι Ντεβλές. Ο Μπενγκ νικαντάς πι μόσταρ ο πρώτος ψέμας κάνα βακερντάς ι Ευάκε ότι να κα μερέλας. Οτθάρ, κι Γραφή, ο Μπενγκ βακέρντιβελα “ψεύτης ντα ντατ ι ψεμάσκο”.—Ιωάννης 8:44.

2. Σο τραμπιντέ τι κερέν ο Αδάμ ντα η Εύα;

Ο Ιεχωβά ντέλας αντράλ πι γκίσταρ κο Αδάμ ντα κι Εύα. Βακερντάας λένγκε ότι μπορίνενας τι χαν σαρέ κατά δέντρα κο κήπος της Εδέμ εκτός εκχέσταρ. (Γένεση 2:15-17) Βον όμως τραμπιντέ τι χαν κατά φρούτος οντουλέ δεντρόσκο. Η Εύα «λιντάς κατά φρούτος ντα χαλάς». Σοράν «χαλάς [ο Αδάμ-ντα]». (Γένεση 3:6) Καέκ κατά ντούι να ντινάς καν κο Ντεβέλ. Επειδή ο Αδάμ ντα η Εύα ισινέ τέλειοι, νικιόλας λένταρ τι κερέν ο σωστός. Αλλά αφού τραμπιντέ μα τι ντεν καν ι Ντεβλές, αμαρτιντέ ντα να μανγκλέ τι κερέλ-λεν κουμάντος. Επειδή τραμπιντέ-λες ανταβά, τσσιντιντέ μπουτ.—Γένεση 3:16-19.

3. Σαρ επηρεαντάς αμέν ανταβά σο τραμπιντέ ο Αδάμ ντα η Εύα;

Κάνα ο Αδάμ ντα η Εύα αμαρτιντέ, αβιλέ ατελείς, ντα αντικάς γκερντέ ι ατέλεια σαρέ πουμαρέ προσαγγονίντε. Η Γραφή βακερέλα: «Εκχέ τζενέσταρ [κατά Αδάμ] αβιλί η αμαρτία κο ντουνιάς ντα κατά αμαρτία ο μεριπέ, ντα αντικάς ο μεριπέ γκιλό σαρέ κο τζενέ».—Ρωμαίους 5:12.

Ισί μπουτ ο λόγοι σο τθεράσα βάσανα. Μπάζιμα τσσίντασα μπουτ σόσκε λιντάμ μπέτι αποφάσεις. Γιαβερά φαρ τσσίντασα μπουτ σόσκε ο γιαβερά λιντέ μπέτι αποφάσεις. Ντα μπάζιμα τσσίντασα μπουτ σόσκε ισινάμας λάθος τθανέστε κο λάθος σαάτι.—Διαβάνεν Εκκλησιαστής 9:11.

ΧΑΝΤΖΟΥΒ ΠΟ ΑΧΟΡΤ

4. Κον φταίνελα οντουλένγκε σο τσσίντασα

Μπουτ τζενέ πακιάνα ότι ο Ντεβέλ κερέλα κουμάντος ι ντουνιάς. Ισί μπαγιά ανταβά; Ντικχέν ο ΒΙΝΤΕΟΣ.

ΒΙΝΤΕΟΣ: Κον Κερέλα Κουμάντος ι Ντουνιάς; (1:24)

Διαβάνεν Ιακώβου 1:13 ντα 1 Ιωάννη 5:19 ντα σοράν συζητίνεν ι ερώτηση:

• Φταίνελα ο Ντεβέλ ι μπέτι πραγματένγκε ντα οντουλένγκε σο τσσίντασα;

5. Σκέφτινε σο αβιλό-πες οτθάρ μπερί σο κερέλα κουμάντος ο Μπενγκ

ΒΙΝΤΕΟΣ: Σόσκε Μουκχέλα ο Ντεβέλ ο Βάσανα; —Χουρντό Βίντεος (3:07)

Διαβάνεν Γένεση 3:1-6 ντα σοράν συζητίνεν ο ερωτήσεις:

• Καβά ψέμας βακερντάς ο Μπενγκ;—Ντικχέν ο εδάφια 4 ντα 5.

• Καλά πφιρνικανέ λάφια βακερντάς ο Μπενγκ κο τζενέ για τι αμντίνεν ότι ο Ιεχωβά ατσσικιαρέλας λένταρ κάτι λατσσό;

• Σαρ κερντάς ο Μπενγκ ι τζενέν τι πακιάν ότι να τθερένα ανάγκη τι κερέλ-λεν κουμάντος ο Ιεχωβά για τι αβέν ευτυχισμέ;

Διαβάνεν Εκκλησιαστής 8:9 ντα σοράν συζητίνεν ι ερώτηση:

• Σο αβιλό-πες κο ντουνιάς επειδή να κερέλα-λες κουμάντος ο Ιεχωβά;

1. (Α) Ο Αδάμ ντα η Εύα ισινέ τέλειοι ντα τζουβντιόνας κο Παράδεισος. Αλλά ασουντέ ι Μπενγκές ντα γκιλέ κόντρα κο Ιεχωβά

2. (Β) Σοράν κατά κόντρα, ο ντουνιάς πφερντιλό αμαρτία, ντουκχ ντα μεριπέ

3. (Γ) Ο Ιεχωβά κα νασκιαρέλ ι αμαρτία, ι ντουκχ ντα ο μεριπέ. Ο τζενέ κα αβέν πάλι τέλειοι ντα κα τζουβντιόν κο Παράδεισος

6. Ο Ιεχωβά πφαμπόλα αμένγκε σο τσσίντασα μπουτ

Πφάντελα πο γιακχά ο Ντεβέλ κάνα τσσίντασα μπουτ; Ντικχ σο γραφιντέ ο βασιλιάς Δαβίδ ντα ο απόστολος Πέτρος. Διαβάνεν Ψαλμός 31:7 ντα 1 Πέτρου 5:7 ντα σοράν συζητίνεν ι ερώτηση:

• Σαρ νιωθίνεσα σο σικλιλάν ότι ο Ιεχωβά ντικχέλα οντουλά σο τσσίντασα ντα πφαμπόλα αμένγκε;

ΧΑΝΙΚ ΛΑΦΙΝΤΖΑΡ

Ο Μπενγκ ντα ο ντούι πρώτα τζενέ φταίνενα πο μπουτ σαριλένταρ ι μπέτι πραγματένγκε σο αβένα-πες κο ντουνιάς. Ο Ιεχωβά πφαμπόλα αμένγκε σο τσσίντασα μπουτ ντα ατζεχάνικ κα νασκιαρέλ σο-ντα ανέλα αμένγκε ντουκχ.

Σο Σικλιλάν;

• Καβά ψέμας βακερντάς ο Μπενγκ κι Εύα;

• Σαρ επηρεασάλαμ σαρέ κατά Αδάμ ντα κατά Εύα κάνα γκιλέ κόντρα κο Ντεβέλ;

• Σαρ τζανάσα ότι ο Ιεχωβά πφαμπόλα αμένγκε σο τσσίντασα μπουτ;

ΡΟΝΤΕ

Σίκλιουβ σο ισί αμαρτία σαρ βακερέλα η Γραφή.

«Σο Ισί Αμαρτία;» (Θέμας κο ιστότοπος)

Διάβανε πο μπουτ οντουλέσκε σο βακερντάς ο Μπενγκ κο κήπος της Εδέμ.

«Σόσκε Μουκχέλα ο Ντεβέλ τι Τσσίντας Μπουτ;» (Η Σκοπιά 1 Ιανουαρίου 2014)

Ντικχ καζόμ λοκχιόλα αμαρό γκι κατά απαντήσεις ι Γραφιάκε εκχέ δύσκολε ερωτησιάτε.

«Σόσκε Μουκχλάς ο Ντεβέλ τι Μερέν Εκατομμύρια Εβραίοι;» (Θέμας κο ιστότοπος)

Ντικχ σο σικλιλό εκ τζενό ι προβληματένγκε σο ντικχέλας τι αβέν-πες.

Ακανά να Ισινόμ Κορκορό (5:09)

Σαρέ αμαρτίνασα, τσσίντασα μπουτ ντα μεράσα σόσκε ο πρώτος ζευγάρι, ο Αδάμ ντα η Εύα, να ντινέ καν ι Ντεβλές.a Όμως τθεράσα ελπίδα. Ο Ιεχωβά ντινάς πι Τσσαβές, ι Ιησού Χριστός, για τι λελ οπρ’ αμένταρ ι αρμάν σο ανέλα η αμαρτία ντα ο μεριπέ. Η Αγία Γραφή σικλιαρέλα ότι πι μεριμάσαρ ο Ιησούς ντινάς-αμέν ο λύτρος. Λύτρος ισί οντουβά σο ποκινέλα κάποιος για τι ελευθερώνελ εκχέ τζενές. Οντουβά σο ποκιντάς ο Ιησούς ισινέ η αξία σο τθερέλας λέσκι τέλεια ζωή σαρ τζενό. (Διαβάνεν Ματθαίος 20:28) Κάνα ο Ιησούς μουκχλάς αντράλ πι γκίσταρ ι ευκαιρία σο τθερέλας τι τζουβντιόλ για πάντα κι πφουβ, πουταρντάς ο ντρομ για τι τθεράς πάλι σαρέ οντουλά σο χασαρντέ ο Αδάμ ντα η Εύα. Ατζέ, ο Ιησούς σικαντάς καζόμ μπουτ μανγκέλα-αμέν εμ βοβ εμ ο Ιεχωβά. Ανταβά μάθημας κα βοηθίνελ-τουτ τι εκτιμίνες ατζέ πο μπουτ ο μεριπέ ι Ιησούσκο.

1. Σο λατσσιπέ τθεράσα αντιβές κατά μεριπέ ι Ιησούσκο;

Επειδή ισινάμ αμαρτωλοί, κεράσα μπουτ πράγματα σο πφανγκένα ι Ιεχωβάσκο γκι. Άμα όμως στεναχωρίντιβασα μπαγιά αμαρέ αμαρτιένγκε ντα μανγκάσα κατά Ιεχωβά, αντράλ κατά Ιησούς Χριστός, τι συγχωρίνελ-αμέν ντα άμα μαράσα-αμέν για μα τι κεράς πάλι ο ίδια λάθη, μπορίνασα τι αβάς λατσσέ αμαλά ι Ντεβλέσαρ. (1 Ιωάννη 2:1) Η Γραφή βακερέλα: «Ο Χριστός μουλό εκ φαρ για πάντα ι αμαρτιένγκε, εκ δίκαιος οντουλένγκε σο νανέ δίκαιοι, για τι γκερέλ-τουμέν κο Ντεβέλ».—1 Πέτρου 3:18.

2. Σο λατσσιπέ κα τθεράς ανγκλ’ αμέντε κατά μεριπέ ι Ιησούσκο;

Ο Ιεχωβά μπουτσσαντάς ι Ιησούς για τι ντελ πι τέλεια ζωή σο τθερέλας σαρ τζενό «για μα τι καταστραφίντιβελ οντουβά σο σικαβέλα πίστη [κο Ιησούς], αλλά τι τθερέλ ζωή για πάντα». (Ιωάννης 3:16) Χάρη οντουλέσταρ σο κερντάς ο Ιησούς, ο Ιεχωβά ατζεχάνικ κα νασκιαρέλ σαρό ο γκεραλιπέ σο αντάς ο Αδάμ επειδή να ντινάς καν. Ανταβά μανγκέλα τι βακερέλ ότι άμα σικαβάσα πίστη κι θυσία κι Ιησούσκι, κα τθεράς ι ευκαιρία τι τζουβντιάς ευτυχισμέ για πάντα κο παράδεισος κι πφουβ!—Ησαΐας 65:21-23.

ΧΑΝΤΖΟΥΒ ΠΟ ΑΧΟΡΤ

3. Ο μεριπέ ι Ιησούσκο λέλα οπρ’ αμένταρ ι αμαρτία ντα ο μεριπέ

ΒΙΝΤΕΟΣ: Σόσκε Μουλό ο Ιησούς;—Μέρος 1 (2:01)

• Καγιά ευκαιρία χασαρντάς ο Αδάμ κάνα να ντινάς καν κο Ντεβέλ;

Διαβάνεν Ρωμαίους 5:12 ντα σοράν συζητίνεν ι ερώτηση:

• Σαρ επηρεαντάς τιρί ζωή η αμαρτία ι Αδαμίσκι;

Διαβάνεν Ιωάννης 3:16 ντα σοράν συζητίνεν ι ερώτηση:

• Σόσκε μπουτσσαντάς ο Ιεχωβά πι Τσσαβές κι πφουβ;

1. (Α) Ο Αδάμ ισινέ εκ τέλειος τζενό σο να ντινάς καν ι Ντεβλές ντα τσσουντάς ι τζενέν κο ντρομ κι αμαρτιάκο ντα κι μεριμάσκο

2. (Β) Ο Ιησούς ισινέ εκ τέλειος τζενό σο ντινάς καν ι Ντεβλές ντα πουταρντάς ο ντρομ ι τζενένγκε για τι αβέν τέλειοι ντα τι τζουβντιόν για πάντα

4. Ο μεριπέ ι Ιησούσκο μπορίνελα τι κερέλ λατσσιπέ σαρέ κο τζενέ

ΒΙΝΤΕΟΣ: Σόσκε Μουλό ο Ιησούς;—Μέρος 2 (2:00)

• Σαρ αβέλα-πες ο μεριπέ εκχέ τζενέσκο τι κερέλ λατσσιπέ σαρέ κο τζενέ;

Διαβάνεν 1 Τιμόθεο 2:5, 6 ντα σοράν συζητίνεν ι ερώτηση:

• Ο Αδάμ ισινέ εκ τέλειος τζενό σο τσσουντάς ι τζενέν κο ντρομ κι αμαρτιάκο ντα κι μεριμάσκο. Ο Ιησούς-ντα ισινέ εκ τέλειος τζενό. Σαρ τθερέλα ο λύτρος σο ντινάς, «ι ίδια αξία οντουλέσαρ σο χασάρντιλο»;

5. Ο λύτρος ισί εκ δώρος κατά Ιεχωβά τούκε

Ο αμαλά ι Ιεχωβάσκε ντικχένα ο λύτρος σαρ εκ δώρος σο ντινάς ο Ντεβέλ κο κάθε εκ λένταρ. Για παράδειγμας, διαβάνεν Γαλάτες 2:20 ντα σοράν συζητίνεν ι ερώτηση:

• Καλά λάφια ι Παυλόσκε σικαβένα ότι ντικχέλας ο λύτρος σαρ εκ δώρος σο κερντάς λέσκε ο Ιεχωβά;

Κάνα ο Αδάμ αμαρτιντάς, εμ βοβ εμ σαρέ λέσκε προσάγγονα λιντέ οπρά-πουμέντε ο μεριπέ. Αλλά ο Ιεχωβά, μπουτσσαντάς πι Τσσαβές τι μερέλ για τι τθερές ι ευκαιρία τι τζουβντιός για πάντα.

Καζόμ κα διαβάνες ο εδάφια σο ισί πο τελέ, σκέφτινε σαρ μπέκιμ τι νιωθίνελας ο Ιεχωβά κάνα λέσκο Τσσαβό τσσίντελας μπουτ. Διαβάνεν Ιωάννης 19:1-7, 16-18 ντα σοράν συζητίνεν ι ερώτηση:

• Σαρ νιωθίνεσα οντουλέσκε σο κερντέ ο Ιεχωβά ντα ο Ιησούς τούκε;

ΧΑΝΙΚ ΛΑΦΙΝΤΖΑΡ

Αντράλ κατά μεριπέ ι Ιησούσκο, ο Ιεχωβά μπορίνελα τι συγχωρίνελ αμαρέ αμαρτίες ντα αμέν μπορίνασα τι τθεράς μπουτ σουκάρ ζωή για πάντα.

Σο Σικλιλάν;

• Σόσκε μουλό ο Ιησούς;

• Σόσκε βακεράσα ότι η τέλεια ζωή ι Ιησούσκι σαρ τζενό, τθερέλα ι ίδια αξία οντουλάσαρ σο χασάρντιλι;

• Σο λατσσιπέ μπορίνελα τι ανέλ τούκε ο μεριπέ ι Ιησούσκο;

ΡΟΝΤΕ

Σίκλιουβ σόσκε βακέρντιβελα λύτρος η τέλεια ζωή σο τθερέλας ο Ιησούς σαρ τζενό.

«Σαρ Ισί η Θυσία ι Ιησούσκι “Λύτρος Μπουτέ Τζενένγκε”;» (Θέμας κο ιστότοπος)

Ντικχ σο χρειαζίντιβελα τι κεράς για τι σώντιβας.

«Ο Ιησούς Σώνελα—Σαρ;» (Θέμας κο ιστότοπος)

Συγχωρίνελα ο Ιεχωβά ατζέ-ντα μπαρέ αμαρτίες;

«Η Γραφή Απαντίνελα Αμαρέ Ερωτησιέντε» (Η Σκοπιά 1 Μαΐου 2013)

Τσσουβ σημασία σαρ βοηθιντάς εκχέ τζενές η θυσία ι Ιησούσκι τι αλλάνελ ντιπ πο χαρακτήρας.

«Ακανά να Κερέλα-μαν Κουμάντος η Βία» (Θέμας κο ιστότοπος)