6. Μπορίνεσα τι νακχαβές ο προβλήματα τι μπιαβέστε

ΒΙΝΤΕΟΣ: Σαρ τι Κερέν Τουμαρό Μπιαβ πο Ζουρανό (5:44)

• Σαρ ντικχλάμ κο βίντεος, καλά πράγματα σικαβένας ότι ο αντρόγυνος νασέλας ντουρ ο εκ κατά γιαβέρ;

• Σο κερντέ για τι ζουράνιβελ λένγκο μπιαβ;

Διαβάνεν 1 Κορινθίους 10:​24 ντα Κολοσσαείς 3:​13. Αφού κα διαβάνεν ο κάθε εδάφιος, συζητίνεν ι ερώτηση:

• Σαρ κα αβέλ ο μπιαβ πο ζουρανό άμα κερντάμ ανταγιά συμβουλή;

Η Γραφή βακερέλα ότι πρέπει τι σεβάνας ο εκ ι γιαβερές. Κάνα σεβάνασα εκχέ τζενές, συμπεριφερίντιβασα λέσκε σουκάρ τροπόσαρ. Διαβάνεν Ρωμαίους 12:​10 ντα σοράν συζητίνεν ο ερωτήσεις:

• Πρέπει ο μουρς τι μπεκλεντίνελ τι σικαβέλ λέσκε πρώτα η ρομνί σεβασμός, ντα η ρομνί-ντα τι μπεκλεντίνελ ο ίδιος, ή όχι; Σόσκε βακερέσα-λες ανταβά;

Σαρέ μπεϊντίνασα τι τραμπίνας σο σέα κα ιριάς ντα σαρ κα αβέλ αμαρί εμφάνιση. Άμα κεράσα αμαρέ ζωγιάτε μερικές απλές αρχές κατά Γραφή, κα μπορίνας, όχι σάντε τι ιριαβάς-αμέν αντικάς σαρ μπεϊντίνασα, αλλά τι κεράς ο γκι ι Ιεχωβάσκο-ντα. Έλα τι ντικχάς μερικές αρχές.

1. Καλά αρχές βοηθίνενα-αμέν τι τραμπίνας σο κα ιριάς ντα σαρ κα αβέλ αμαρί εμφάνιση;

Πρέπει τι τραμπίνας τι ιριαβάς-αμέν «λατσσέ σεΐντζαρ σο να ανένα λατζ καεκχέστε ντα τραμπίντιβενα γκοντιάσαρ». Επίσης πρέπει τι αβάς πάντα πάκι για τι σικαβάς ότι “ισινάμ αφοσιωμέ κο Ντεβέλ”. (1 Τιμόθεο 2:9, 10) Ντικχ ακαλά σταρ αρχές: (1) Αμαρό ιριαϊπέ πρέπει τι αβέλ “λατσσό”. Σαρ τθερέσα ντικχλό κο συναθροίσεις, ο υπηρέτες ι Ιεχωβάσκε ιριαβένα-πες διαφορετικέ τροπόντζαρ ο εκ κατά γιαβέρ. Αλλά αμαρέ σέα ντα ο τρόπος σο κεράσα ή τσσινάσα αμαρέ μπαλά, σικαβένα σεβασμός αμαρέ Ντεβλέστε. (2) Ιριαβάσα-αμέν «σεΐντζαρ σο να ανένα λατζ καεκχέστε» κάνα αμαρί εμφάνιση να κερέλα ι γιαβερέν τι σκεφτίνεν λουμνικανέ πράγματα ντα κάνα να ταρτίνασα ι προσοχή οπρ’ αμέντε. (3) Σικαβάσα ότι ισινάμ “γκοντιαβέρ” κάνα να ακολουθίνασα σο-ντα νικιόλα κι μόδα. (4) Αμαρί εμφάνιση πρέπει πάντα τι σικαβέλ ότι ισινάμ «αφοσιωμέ» κο Ντεβέλ, τι σικαβέλ κο γιαβερά ότι ντάσα λατρεία ι αληθινέ Ντεβλές.​—1 Κορινθίους 10:31.

2. Σαρ μπορίνελα αμαρί εμφάνιση τι επηρεάνελ αμαρέ πφραλέν;

Ενώ τθεράσα ο δικαίωμας τι τραμπίνας σο κα ιριάς, πρέπει τι σκεφτίνας σαρ κα μπορίνελας τι επηρεάνελ αμαρί εμφάνιση ι γιαβερέν. Κεράσα ο πο λατσσό σο μπορίνασα για μα τι ανέλ αμαρί εμφάνιση καεκχέσκε πρόβλημας, αλλά “τι κεράς ο γκι ι τζενέσκο σο ισί πασ’ αμέντε λέσκε λατσσιμάσκε, για τι ντας-λες ζορ”.​—Διαβάνεν Ρωμαίους 15:​1, 2.

3. Σαρ μπορίνελα αμαρί εμφάνιση τι ανέλ ι γιαβερέν κι Ντεβλέσκο ντρομ;

Πάντα προσπαθίνασα τι ιριαβάς-αμέν με το σωστός τρόπος, αλλά προσοχίνασα ατζέ πο μπουτ κάνα τζάσα κο συναθροίσεις ντα κάνα νικιάσα κο έργος. Μανγκάσα ο τρόπος σο ιριαβάσα-αμέν μα τι ταρτίνελ ι τζενένγκι προσοχή κατά λατσσέ αμπέρια. Οκιά μπάνταρ, μανγκάσα τι τσσίντελ ι γιαβερέν κι αλήθεια ντα “τι κερέλ ατζέ πο σουκάρ ο λάφια ι Ντεβλέσκε, Οντουλέσκε σο σώνελα-αμέν”.​—Τίτο 2:​10.

ΧΑΝΤΖΟΥΒ ΠΟ ΑΧΟΡΤ

4. Η λατσσί εμφάνιση σικαβέλα σεβασμός ι Ιεχωβάσκε

Καβά ισί ο πο σημαντικός λόγος σο πρέπει τι χαλ-αμέν ανάγκη αμαρί εμφάνιση; Διαβάνεν Ψαλμός 47:2 ντα σοράν συζητίνεν ο ερωτήσεις:

• Επειδή τθεράσα ο ναβ ι Ιεχωβάσκο οπρ’ αμέντε, σαρ πρέπει τι επηρεάνελ ανταβά ο τρόπος σο ιριαβάσα-αμέν;

• Πακιάσα τούι ότι ισί λογικός τι χαλ-αμέν ανάγκη αμαρί εμφάνιση κάνα τζάσα κο συναθροίσεις ντα νικιάσα κο έργος ή όχι; Σόσκε βακερέσα-λες ανταβά;

5. Σο κα βοηθίνελ-αμέν τι τραμπίνας σο κα ιριάς ντα σαρ κα αβέλ αμαρί εμφάνιση;

Ντικχέν ο ΒΙΝΤΕΟΣ.

ΒΙΝΤΕΟΣ: «Τι Κερέν τα Πάντα για τι Ντιντιόλ Δόξα κο Ντεβέλ» (10:18)

Είτε αμαρέ σέα ισί πααλίς είτε νανέ, πρέπει τι αβέν πάκι ντα τι ταιριάνεν κι κάθε περίπτωση. Διαβάνεν 1 Κορινθίους 10:​24 ντα 1 Τιμόθεο 2:9, 10. Σοράν, συζητίνεν σόσκε δεν πρέπει τι ιριάς σέα  . . .

• σο νανέ περιποιημέ ντα πάκι.

• σο ισί μπουτ στενά, σο ντικχίντιβασα ή σο κερένα ι γιαβερέν τι σκεφτίνεν λουμνικανέ πράγματα.

Παρόλο σο ο Χριστιανοί νανέ τελάλ κατά Μωσαϊκός Νόμος, ανταβά Νόμος σικαβέλα σαρ σκεφτίνελα ο Ιεχωβά. Διαβάνεν Δευτερονόμιο 22:5 ντα σοράν συζητίνεν ι ερώτηση:

• Σόσκε πρέπει τι νασάς ντουρ κατά ιριαϊπέ ντα κατά εμφάνιση σο κερένα ι μουρσέν τι μοιάζεν τζουβλιά ντα ι τζουβλίν τι μοιάζεν μουρσά;

Διαβάνεν 1 Κορινθίους 10:​32, 33 ντα 1 Ιωάννη 2:​15, 16 ντα σοράν συζητίνεν ο ερωτήσεις:

• Σόσκε πρέπει τι χαλ-αμέν ανάγκη άμα αμαρί εμφάνιση ανέλα πρόβλημας μερικέ τζενέντε οτθέ σο μπεσάσα ή κι κχανγκιρί;

• Σαρ ιριαβένα-πες ντα λατσσαρένα-πες ο πο μπουτ τζενέ οτθέ σο μπεσέσα;

• Πακιάσα τούι ότι μερικοί τρόποι σο ιριαβένα-πες ντα λατσσαρένα-πες ανταλά τζενέ μπέκιμ μα τι αβέν λατσσέ ι Χριστιανόνγκε; Σόσκε βακερέσα-λες ανταβά;

ΧΑΝΙΚ ΛΑΦΙΝΤΖΑΡ

Κάνα λάσα λατσσέ αποφάσεις σο τθερένα τι κερέν με την εμφάνιση αμαρί, σικαβάσα σεβασμός κο Ιεχωβά ντα κο γιαβερά.

Σο Σικλιλάν;

• Σόσκε τθερέλα σημασία ι Ιεχωβάσκε αμαρό ιριαϊπέ ντα αμαρί εμφάνιση;

• Καλά ισί μερικές αρχές σο πρέπει τι οδηγίνεν-αμέν κάνα τραμπίνασα σαρ κα αβέλ αμαρί εμφάνιση;

• Σαρ μπορίνελα τι επηρεάνελ αμαρί εμφάνιση ο τρόπος σο ντικχένα ο γιαβερά ι αληθινή λατρεία;

ΡΟΝΤΕ

Ντικχ σο μπορίνενα τι πακιάν τούκε ο γιαβερά κάνα ντικχένα το σέα.

«Σο Σικαβέλα Μάνγκε μο Ιριαϊπέ;» (Θέμας κο ιστότοπος)

Τσσουβ σημασία σόσκε ισί γκοντιαβέρ τι σκεφτίνες-λες μπουτ λατσσές άμα μανγκέσα τι κερές τατουάζ.

«Σο Βακερέλα η Αγία Γραφή για το Τατουάζ;» (Θέμας κο ιστότοπος)

Σίκλιουβ πο μπουτ αρχές σο μπορίνενα τι οδηγίνεν αμαρέ αποφάσεις.

«Δοξάνελα ι Ντεβλές ο Τρόπος σο Ιριαβένα-τουμέν;» (Η Σκοπιά, Σεπτέμβριος 2016)

Ντικχ σαρ εκ τζουβέλ, σο μανγκέλας τι κερέλ ο γκι ι Ντεβλέσκο, σικλιλί τι δεχτίνελ ο τρόπος σο ιριαβένας-πες ο γιαβερά.

«Ο Ιριαϊπέ ντα η Εμφάνιση Κερένας-μαν τι Περάβ» (Ξύπνα! 22 Δεκεμβρίου 2003)