Η Αγία Γραφή Τθερέλα ο Λάφια σο Μανγκέλα ο Ντεβέλ τι Τζανάς

Ο Ιεχωβά ντινάς-αμέν ι Αγία Γραφή. Ανταβά ισί εκ μπουτ σουκάρ δώρος ντα τθερέλα αντρέ 66 πο χουρντέ βιβλία. Μπέκιμ όμως τι πουτσέσα: “Κατάρ αβιλί η Γραφή; Κον γραφιντάς-λα;” Για τι σικλιάς ο απαντήσεις ανταλέ ερωτησιέντε, κα ντικχάς σαρ ερεσλέ αμέντε ο λάφια ι Ντεβλέσκε σο ισί κι Γραφή.

1. Αφού τζενέ γραφιντέ ι Γραφή, σόσκε βακεράσα ότι ισί κατά Ντεβέλ;

Πασέ 40 μουρσά γραφιντέ ο βιβλία ι Γραφιάκε. Ο πρώτος βιβλίος γραφισάλο πριν από περίπου 3.500 ντα πο μπουτ μπρεσά ντα ο τελευταίος βιβλίος πριν από περίπου 1.900 μπρεσά. Παρόλο σο ισινέ μπουτ διαφορετικοί ο τζενέ σο γραφιντέ-λα, λένγκε λάφια συμφωνίνενας ο εκ ι γιαβερέσαρ. Σαρ αβέλα-πες ανταβά; Αβέλα-πες σόσκε ο Ντεβέλ ισί Οντουβά σο γραφιντάς ι Γραφή. (Διαβάνεν 1 Θεσσαλονικείς 2:13) Οντουλά τζενέ να γραφιντέ πουμαρέ σκέψεις. Οκιά μπάνταρ, “ο άγιος πνεύμας τσσίντελας-λεν τι βακερέν ι Ντεβλέσκε λάφια”.a (2 Πέτρου 1:21) Ο Ντεβέλ αντράλ πι άγιε πνευμάσταρ βοηθιντάς, ή γιαβέρτουλους τσσιντιντάς τζενέν τι γραφίνεν λέσκε σκέψεις.​—2 Τιμόθεο 3:16.

2. Καζόμ τζενέ τθερένα ι Γραφή;

Ο Ντεβέλ βακερντάς ότι τζενέ “σαρέ κατά τθεμά, κατά φυλές, κατά τσσιμπά ντα κατά λαοί” μπορίνενα τι βοηθίντιβεν κατά λατσσέ αμπέρια σο ισί κι Γραφή. (Διαβάνεν Αποκάλυψη 14:6) Ο Ντεβέλ κερντάς τι αβέλ η Γραφή πο μπουτ τσσιμπέντε σαρέ κατά γιαβερά βιβλία. Ο πο μπουτ τζενέ μπορίνενα τι τθερέν ι Γραφή, κατέ-ντα τι τζουβντιόν ή σο-ντα τσσιπ τι κερένα λάφι.

3. Σαρ αρακχαντάς ο Ιεχωβά ι Γραφή;

Η Γραφή γραφισάλι πραγματέντε σο χαλάντιβενα, σαρ ο δέρμας ντα ο πάπυρος. Αλλά τζενέ σο μανγκένας ι Γραφή κερένας βαστέσαρ ντα προσεκτικά μπουτ αντίγραφα ι Γραφιάκε. Παρόλο σο μερικά τζενέ, σο τθερένας εξουσία, κερένας σο νακχέλας λένγκε βαστένταρ για τι καταστραφίνεν ι Γραφή, γιαβερά τζενέ τσσουντέ σε κίνδυνος ατζέ-ντα πουμαρί ζωή για τι αρακχαβέν-λα. Ο Ιεχωβά να μουκχλάς καεκχές ντα τίποτα τι τσσιναβέλ-λες τι κερέλ λάφι αμέντζαρ. Η Γραφή βακερέλα: «Ο λάφι αμαρέ Ντεβλέσκο ατσσόλα για πάντα».​—Ησαΐας 40:8.

ΧΑΝΤΖΟΥΒ ΠΟ ΑΧΟΡΤ

4. Η Γραφή σικαβέλα κον ισί Οντουβά σο γραφιντάς-λα

Ντικχέν ο ΒΙΝΤΕΟΣ. Σοράν διαβάνεν 2 Τιμόθεο 3:16 ντα συζητίνεν ο ερωτήσεις:

ΒΙΝΤΕΟΣ: Κον Ισί Οντουβά σο Γραφιντάς ι Αγία Γραφή;​—Χουρντό Βίντεος (2:48)

• Αφού ι Γραφή γραφιντέ-λα τζενέ, σόσκε βακέρντιβελα ο Λάφι ι Ντεβλέσκο;

• Τούι, πακιάσα ότι ο Ντεβέλ κα μπορίνελας τι τσσουβέλ πο σκέψεις κι τζενένγκι γκοντί για τι γραφίνεν-λεν;

5. Η Γραφή ατσσιλί αρακχαντί ατζέ-ντα κάνα γκιλέ λάσαρ κόντρα

ΒΙΝΤΕΟΣ: Η Αγία Γραφή Ισινέ Μπουτ Σημαντική Λένγκε​—Χουρντό Βίντεος (Γουίλιαμ Τίντεϊλ) (6:17)

• Ακανά σο τζανέσα καμπόρ προσπάθειες αβιλέ-πες για τι ατσσόλ αρακχαντί η Γραφή, μανγκέσα τι διαβάνες-λα; Σόσκε μανγκέσα τι κερές-λες ανταβά;

Διαβάνεν Ψαλμός 119:97 ντα σοράν συζητίνεν ι ερώτηση:

• Σο τσσιντιντάς μπουτέ τζενέν τι τσσουβέν πουμαρί ζωή σε κίνδυνος για τι μεταφράντιβελ η Γραφή ντα τι ερεσέλ κι τζενένγκε βαστά;

6. Εκ βιβλίος σαρέ ι τζενένγκε

Η Γραφή μεταφρασάλι ντα πφιρντιλί πο μπουτ σαρέ κατά γιαβερά βιβλία. Διαβάνεν Πράξεις 10:34, 35 ντα σοράν συζητίνεν ο ερωτήσεις:

• Σόσκε μανγκέλα ο Ντεβέλ τι μεταφράντιβελ ντα τι πφιρντιόλ λέσκο Λάφι αζόμ μπουτέ τσσιμπέντε;

• Σο κερέλα τούκε εντύπωση ι Γραφιάσαρ;

ΧΑΝΙΚ ΛΑΦΙΝΤΖΑΡ

Η Αγία Γραφή ισί ι Ντεβλέσκο Λάφι, ντα βοβ κερντάς τι τθερέν-λα σαρέ ο τζενέ.

Σο Σικλιλάν;

• Σο μανγκέλα τι βακερέλ ότι ο Ντεβέλ τσσουντάς τζενέν για τι γραφίνεν ι Γραφή;

• Σο κερέλα τούκε εντύπωση ι Γραφιάκε, σαρ ντικχλάμ ανταλέ μαθημάστε;

• Τούι, σαρ νιωθίνεσα σο τζανέσα ότι ο Ντεβέλ κερντάς αζόμ προσπάθεια για τι κερέλ τούσαρ λάφι;

ΡΟΝΤΕ

Διάβανε ι ιστορία ι Γραφιάκι​—κατά πουρανέ λιλά μέχρι κο νεβέ μεταφράσεις.

«Σαρ Ερεσλί η Αγία Γραφή Αμέντε» (Ξύπνα!, Νοέμβριος 2007)

Σίκλιουβ σαρ αρακχάντιλι η Γραφή τρινέ μπαρέ ζιανίνταρ.

«Η Αγία Γραφή Ατσσιλί Αρακχαντί​—Σαρ;» (Η Σκοπιά, Αρ. 4 2016)

Ντικχ σαρ μερικά τζενέ τσσουντέ πουμαρί ζωή σε κίνδυνος για τι μεταφράνεν ι Γραφή.

Η Αγία Γραφή Ισινέ Μπουτ Σημαντική Λένγκε (14:26)

Νικίστιλε μπουτ αντίγραφα ντα μεταφράσεις ι Γραφιάκε. Τούι, σόσκε πακιάσα ότι λάκε λάφια να αλλαξάλε;

«Μήπως Αλλαξάλε ο Λάφια ι Γραφιάκε;» (Θέμας κο ιστότοπος)