1. Σαρ κα επηρεάνεν-τουτ ο αμαλά σο τραμπίνεσα;

Νικιόλα αμένταρ τι αβάς σαρ ο τζενέ σο κεράσα λέντζαρ παρέα. Ανταβά μπέκιμ τι ισί εμ λατσσό εμ μπέτι ντα αβέλα-πες είτε κεράσα παρέα πασάλ εκχέ τζενέσαρ είτε αντράλ κατά Ίντερνετ. Η Γραφή βακερέλα: «Οντουβά σο πφιρέλα γκοντιαβέρ τζενέντζαρ κα αβέλ γκοντιαβέρ, αλλά οντουβά σο κερέλα παρέα τζενέντζαρ σο νανέ-λεν γκοντί [οντουλέντζαρ σο να μανγκένα ι Ιεχωβάς] κα τθερέλ μπέτι αποτέλεσμας». (Παροιμίες 13:​20) Άμα αμαρέ αμαλά μανγκένα ντα ντένα λατρεία ι Ιεχωβάς, μπορίνενα τι βοηθίνεν-αμέν τι ατσσάς πασέ κο Ιεχωβά ντα τι λας λατσσέ αποφάσεις. Αλλά άμα κεράσα μπουτ παρέα τζενέντζαρ σο να μανγκένα ι Ιεχωβάς, ανταβά μπορεί τι κερέλ-αμέν τι νασάς ντουρ λέσταρ. Άκ’ σόσκε η Γραφή βακερέλα αμένγκε τι τραμπίνας αμαρέ αμαλέν γκοντιάσαρ! Κάνα αμαρέ αμαλά ισί τζενέ σο μανγκένα ι Ντεβλές, βοηθίντιβασα εμ αμέν εμ βον. Μπορίνασα “τι ενθαρρύνας ο εκ ι γιαβερές ντα τι ντας ζορ ο εκ ι γιαβερές.”​—1 Θεσσαλονικείς 5:11.

Κάνα κερντάς-αμέν ο Ιεχωβά, ντινάς-αμέν εκ μπουτ σουκάρ δώρος​—ι ικανότητα τι κεράς λάφι. Ισί σημαντικός ι Ιεχωβάσκε ο τρόπος σο χρησιμοποιήνασα ανταβά δώρος; Βα, σίγουρα! (Διαβάνεν Ιακώβου 1:​26) Άρα, σαρ μπορίνασα τι χρησιμοποιήνας ι ικανότητα τι κεράς λάφι τροπόσαρ σο ντέλα χαρά ι Ιεχωβάς;

1. Σαρ πρέπει τι χρησιμοποιήνας ο δώρος σο τθεράσα τι κεράς λάφι;

Η Αγία Γραφή βακερέλα αμένγκε “τι ενθαρρύνας ο εκ ι γιαβερές ντα τι ντας ζορ ο εκ ι γιαβερές”. (1 Θεσσαλονικείς 5:​11) Αβένα τι γκοντιάτε τζενέ σο χρειαζίντιβενα ενθάρρυνση; Σο μπορίνεσα τι κερές για τι βοηθίνες-λεν τι νιωθίνεν πο λατσσές; Βάκερ λένγκε ότι μπαγιά πφαμπόσα λένγκε. Μπέκιμ ισί λατσσό τι βακερές λένγκε σο εκτιμίνεσα λέντε. Μπορίνεσα τι σκεφτίνες εκ εδάφιος σο κα ντέλας ζορ εκχέ τζενές σο τζανέσα; Υπαρχίντιβενα μπουτ εδάφια για τι τραμπίνες. Επίσης, μα μπίσταρ ότι ο τρόπος σο βακερέσα κάτι μπορίνελα τι ενθαρρύνελ μπουτ ι γιαβερέν. Οτθάρ, τι προσπαθίνες πάντα τι κερές κοβλό λάφι ντα λατσσιμάσαρ.​—Παροιμίες 15:1.

2. Καλέ τροπόντζαρ δεν πρέπει τι κεράς λάφι;

Η Γραφή βακερέλα: «Κερνό λάφι μα τι νικιόλ τουμαρέ μόσταρ». (Διαβάνεν Εφεσίους 4:​29) Ανταβά μανγκέλα τι βακερέλ ότι να κεράσα μπέτι λάφια σο προσβαλίνενα ι γιαβερέν για τι πληγώνας-λεν. Πρέπει επίσης τι νασάς ντουρ κατά κουτσομπολιός ντα κατά χουχαΐματα σο χαλαβένα ι γιαβερένγκο ναβ.​—Διαβάνεν Παροιμίες 16:28.

3. Σο κα βοηθίνελ-αμέν τι κεράς λάφι τροπόσαρ σο ντέλα ζορ;

Ο πο μπουτ φαρ οντουλά σο βακεράσα σικαβένα σο τθεράσα αμαρέ γκίστε ή σο σκεφτίνασα. (Λουκάς 6:​45) Οτθάρ, πρέπει τι σικλιαράς αμαρό νεαυτός τι ντικχέλ ο λατσσέ πράγματα​—ο πράγματα σο ισί δίκαια, πάκι, σο τσσίντενα ι τζενέν τι μανγκέν ι γιαβερέν ντα αξίνενα ισαριπέ. (Φιλιππησίους 4:8) Για τι ντικχάς ανταλά πράγματα, πρέπει τι τραμπίνας γκοντιάσαρ αμαρέ αμαλέν ντα ο τρόπος σο διασκεδάνασα. (Παροιμίες 13:​20) Ισί επίσης σημαντικός τι σκεφτίνας πριν τι κεράς λάφι. Τι σκεφτίνες σαρ κα επηρεάνεν το λάφια ι γιαβερέν. Η Γραφή βακερέλα: «Κάνα εκ τζενό κερέλα λάφι χωρίς τι σκεφτίνελ ισί σαρ τι ντέλα ι γιαβερέν τσσουριάσαρ, αλλά η τσσιπ ι γκοντιαβέρ τζενένγκι κερέλα λατσσιπέ».​—Παροιμίες 12:​18.

ΧΑΝΤΖΟΥΒ ΠΟ ΑΧΟΡΤ

4. Τι κερές κουμάντος το λάφια

Σαρέ βακεράσα μπάζιμ λάφια σο μετανιώνασα λένγκε σοράν. (Ιακώβου 3:2) Διαβάνεν Γαλάτες 5:​22, 23 ντα σοράν συζητίνεν ο ερωτήσεις:

• Σαρ βακερένα ο εδάφια, καλά ιδιότητες κα μπορίνεας τι μανγκές τι προσευχιάτε για τι κερές κουμάντος το λάφια; Σαρ μπορίνενα τι βοηθίνεν-τουτ ανταλά ιδιότητες;

Διαβάνεν 1 Κορινθίους 15:​33 ντα σοράν συζητίνεν ι ερώτηση:

• Σαρ μπορίνενα το αμαλά ντα η διασκέδαση σο τραμπίνεσα τι επηρεάνεν ο τρόπος σο κερέσα λάφι;

Διαβάνεν Εκκλησιαστής 3:​1, 7 ντα σοράν συζητίνεν ι ερώτηση:

• Κάνα κα αβέλας γκοντιαβέρ μα τι κερές ιτς λάφι ή τι μπεκλεντίνες ο σωστός σαάτι για τι βακερές κάτι;

5. Τι βακερές λατσσέ πράγματα ι γιαβερένγκε

ΒΙΝΤΕΟΣ: Τι Βακερέν «Σάντε Λατσσό Λάφι σο Ντέλα Ζορ ι Γιαβερέν» (4:07)

• Σαρ ντικχλάμ κο βίντεος, σόσκε μανγκλάς ανταβά πφραλ τι αλλάνελ ο τρόπος σο κερέλας λάφι ι γιαβερένγκε;

• Σο κερντάς για τι αλλάνελ;

Διαβάνεν Εκκλησιαστής 7:​16 ντα σοράν συζητίνεν ι ερώτηση:

• Σο πρέπει τι ντας-αμέν γκοντί κάνα μανγκάσα τι βακεράς μπέτι λάφια εκχέ τζενέσκε;

Διαβάνεν Εκκλησιαστής 7:​21, 22 ντα σοράν συζητίνεν ι ερώτηση:

• Σαρ βοηθίνενα-τουτ ανταλά εδάφια μα τι αντιδράνες μπέτι τροπόσαρ κάνα εκ τζενό βακερέλα μπέτι λάφια τούκε;

6. Τι κερές λάφι λατσσιμάσαρ τι φαμιλιάτε

ΒΙΝΤΕΟΣ: Η Αγάπη ντα ο Σεβασμός Ενώνελα ι Φαμιλί (3:08)

• Σο κα βοηθίνελ-τουτ τι κερές λάφι λατσσιμάσαρ τι φαμιλιάτε;

Διαβάνεν Εφεσίους 4:​31, 32 ντα σοράν συζητίνεν ι ερώτηση:

• Σαρ μπορίνεσα τι κερές λάφι τι φαμιλιάτε τροπόσαρ σο κα ντες ζορ;

Ο Ιεχωβά βακερντάς σαρ νιωθίνελας πι Τσσαβέσκε, ι Ιησούσκε. Διαβάνεν Ματθαίος 17:5 ντα σοράν συζητίνεν ι ερώτηση:

• Σαρ μπορίνεσα τι μοιάζες κο Ιεχωβά κο τρόπος σο κερέσα λάφι τι φαμιλιάσαρ;

ΧΑΝΙΚ ΛΑΦΙΝΤΖΑΡ

Ο λάφια τθερένα ζορ. Πρέπει τι σκεφτίνας μπουτ λατσσές σο βακεράσα, κάνα βακεράσα-λες ντα σαρ βακεράσα-λες.

Σο Σικλιλάν;

• Σαρ μπορίνεσα τι κερές λάφι για τι βοηθίνες ι γιαβερέν;

• Καλέ τροπόντζαρ δεν πρέπει τι κερές λάφι;

• Σο μπορίνελα τι βοηθίνελ-αμέν τι κεράς λάφι πάντα λατσσιμάσαρ ντα τροπόσαρ σο ντέλα ζορ;

ΡΟΝΤΕ

Σο μπορίνελα τι βοηθίνελ-αμέν τι κεράς λάφι τροπόσαρ σο ντέλα ζορ ι γιαβερέν;

Σικλιόν ι Τσσιπ ι Γκοντιαβέρ Τζενένγκι (8:04)

Σίκλιουβ σο μπορίνελα τι βοηθίνελ-τουτ μα τι βακερές μπέτι λάφια.

«Ισί Μπαγιά Αζόμ Κακός τι Κουσάς ντα τι Βακεράς Μπέτι Λάφια;» (Θέμας κο ιστότοπος)

Ντικχ σαρ κα νασές ντουρ κατά κουτσομπολιός.

Σαρ κα Τσσιναβάβ ο Κουτσομπολιός; (2:36)

Τσσουβ σημασία σαρ βοηθιντάς ο Ιεχωβά εκχέ μουρσές καζόμ προσπαθίνελας τι τσσιναβέλ τι κουσέλ.

«Αρχισάλομ τι Σκεφτίναβ Μπουτ Λατσσές σο κα Κεράβας μι Ζωγιάσαρ» (Η Σκοπιά 1 Αυγούστου 2013)