Σαρ κα Βοηθίνεν-τουτ ο Συναθροίσεις ι Ιεχωβάσκε Μαρτυρένγκε;

Βακερντάς τούκε καέκ τζενό τι αβές εκχέ συναθροισιάτε σο κερένα ο Μάρτυρες ι Ιεχωβάσκε; Άμα να τθερέσα γκιλό καέκ φαρ, μπέκιμ αγχώντιβεσα σόσκε να τζανέσα σαρ ισί οτθέ. Μπέκιμ πουτσέσα: “Σο αβέλα-πες κο συναθροίσεις; Σόσκε ισί σημαντικές; Σόσκε ισί λατσσό τι τζαβ οτθέ;” Ανταλέ μαθημάστε κα σικλιός σαρ μπορίνενα ο συναθροίσεις τι ανέν-τουτ πο πασέ κο Ντεβέλ ντα τι βοηθίνεν-τουτ.

1. Καβά ισί ο πο σημαντικός λόγος για τι τζας κο συναθροίσεις;

Εκ κατά τζενέ σο γραφιντέ ι Γραφή σικαντάς καβά ισί ο πο σημαντικός λόγος για τι τζας κο συναθροίσεις κάνα βακερντάς: «Κι μπαρί κχανγκιρί [«οτθέ σο γκιντίντιβενα τζενέ», υποσημείωση] κα νταβ δόξα κο Ιεχωβά». (Ψαλμός 26:12) Αντικάς ο Μάρτυρες ι Ιεχωβάσκε-ντα τθερένα μπαρί χαρά κάνα τζάνα κο συναθροίσεις. Σαρό κο ντουνιάς γκιντίντιβενα κάθε εβδομάδα για τι ντεν δόξα κο Ντεβέλ, τι γκιλιαβέν ύμνους ντα τι προσευχίντιβεν. Ντα ισί φαρ αντρέ κο μπρες σο γκιντίντιβενα πο μπουτ τζενέντζαρ για τι ντεν λατρεία.

2. Σο κα σικλιός αμαρέ συναθροισιέντε;

Κο συναθροίσεις, σικλιαράσα-αμέν κατά Λάφι ι Ντεβλέσκο, “εξηγίνασα-λες ντα αντικάς ντάσα-λες νόημας”. (Διαβάνεν Νεεμίας 8:8) Άμα κα τζας κο συναθροίσεις, κα σικλιός ι Ιεχωβάσκε ντα ι λατσσιματένγκε σο τθερέλα. Καζόμ κα αγαβές ατζέ πο μπουτ λέσκο μανγκιπέ τούκε, κα αβές πο πασέ λέστε. Ατζέ, κα σικλιός σαρ κα βοηθίνελ-τουτ βοβ τι τθερές εκ πφερντί ζωή.​—Ησαΐας 48:17, 18.

3. Σαρ κα βοηθίνελ-τουτ η παρέα τζενέντζαρ σο ισί αμαρέ συναθροισιέντε;

Ο Ιεχωβά βακερέλα αμένγκε «τι σκεφτίνας ο εκ ι γιαβερές για τι βοηθίντιβας τι σικαβάς μανγκιπέ ντα τι κεράς λατσσέ πράγματα, ντα μα τι τσσιναβάς τι τζας κο συναθροίσεις». (Εβραίους 10:24, 25) Αμαρέ συναθροισιέντε, κα ντικχές τζενέν σο πφαμπόνα μπαγιά ο εκ ι γιαβερέσκε ντα μανγκένα, σαρ μανγκέσα τούι-ντα, τι σικλιόν πο μπουτ ι Ντεβλέσκε. Κα ασουνές-λεν τι βακερέν λάφια κατά Γραφή σο ντένα ζορ. (Διαβάνεν Ρωμαίους 1:11, 12) Ατζέ, κα κερές λάφι παντριμέ ντα μπίπαντριμε τζενέντζαρ σο ατσσικιαρένα πουμαρί χαρά παρόλο σο τθερένα προβλήματα. Ανταλά ισί σάντε μερικοί λόγοι σο ο Ιεχωβά μανγκέλα μα τι τσσιναβάς τι τζας κο συναθροίσεις!

ΧΑΝΤΖΟΥΒ ΠΟ ΑΧΟΡΤ

4. Ο συναθροίσεις ι Ιεχωβάσκε Μαρτυρένγκε

Κο πρώτος αιώνας, ο Χριστιανοί να τσσιναβένας τι τζαν κο συναθροίσεις για τι ντεν λατρεία ι Ιεχωβάς. (Ρωμαίους 16:3-5) Διαβάνεν Κολοσσαείς 3:16 ντα σοράν συζητίνεν ι ερώτηση:

• Σαρ ντένας λατρεία ι Ιεχωβάς ο πρώτοι Χριστιανοί;

ΒΙΝΤΕΟΣ: Σο Αβέλα-πες κο Αίθουσες Βασιλείας; (2:12)

• Καλά πράγματα σο βακερέλα κο Κολοσσαείς 3:16 ντικχλάν τι αβέν-πες κο Αίθουσες Βασιλείας;

• Ντικχλάν κάτι γιαβέρ κο βίντεος ή κι φωτογραφία σο μπεϊντιντάν ι συναθροισιένγκε;

Διαβάνεν 2 Κορινθίους 9:7 ντα σοράν συζητίνεν ι ερώτηση:

• Σόσκε ο Μάρτυρες ι Ιεχωβάσκε κερένα πουμαρέ συναθροίσεις χωρίς τι λεν λοβέ;

Ντικχ ι τζενέσαρ σο κερέλα-τουτ μελέτη σο κα σικλιάς εκχέ συναθροισιάτε ανταγιά εβδομάδα.

• Καβά μέρος ι συναθροισιάκο μπεϊντίνεσα ή πακιάσα ότι κα βοηθίνελ-τουτ πο μπουτ;

Τζανέας-λες;

Κο jw.org, κα αρακχές κάι ντα κάνα αβένα-πες ο συναθροίσεις σαρό κο ντουνιάς.

1. (Α) Αμαρέ συναθροισιέντε ασουνάσα ομιλίες, ντικχάσα βίντεα ντα λάσα σικλιαριπέ για τι βακεράς ο λατσσέ αμπέρια ντα τι σικλιαράς. Πουτράσα ντα πφάντασα ι συνάθροιση με ύμνος ντα προσευχή

2. (Β) Ισί μέρη κι συνάθροιση σο μπορίνενα τι ντεν απαντήσεις ο τζενέ σο ασουνένα

3. (Γ) Σαρέ μπορίνενα τι αβέν​—φαμιλιά, μπίπαντριμε, πφουρέ ντα χουρντέ

4. (Δ) Κο συναθροίσεις κι Ιεχωβάσκε Μαρτυρένγκε μπορίνενα σαρέ τι αβέν χωρίς τι ποκινέν

5. Μανγκέλα προσπάθεια για τι τζας κο συναθροίσεις

Ντικχ ο παράδειγμας ι Ιησούσκε φαμιλιάκο. Κάθε μπρες για τι τζαν κατά Ναζαρέτ κι Ιερουσαλήμ ι μπαρέ ντιβεσέσκε, έπρεπε τι πφιρέν πασέ 100 χιλιόμετρα αντράλ κατά βεσά. Διαβάνεν Λουκάς 2:39-42 ντα σοράν συζητίνεν ο ερωτήσεις:

• Πακιάσα ότι μανγκέλας προσπάθεια για τι τζαν κι Ιερουσαλήμ;

• Τούι, σόσκε μπέκιμ χρειαζίντιβελα τι κερές προσπάθεια για τι τζας κο συναθροίσεις;

• Πακιάσα ότι αξίνελα τι τζας; Σόσκε πακιάσα-λες ανταβά;

• Σόσκε δεν πρέπει τι τσσιναβάς τι τζας κο συναθροίσεις;

ΧΑΝΙΚ ΛΑΦΙΝΤΖΑΡ

Κο συναθροίσεις κα σικλιός πο μπουτ ι Ιεχωβάσκε, κα αβές πο λατσσό αμάλ λέσαρ ντα κα ντες-λες λατρεία γιεκ γιαβερέ τζενέντζαρ.

Σο Σικλιλάν;

• Σόσκε βακερέλα αμένγκε ο Ιεχωβά τι τζας κο συναθροίσεις;

• Σο κα σικλιός κο συναθροίσεις κι Ιεχωβάσκε Μαρτυρένγκε;

• Καλέ γιαβερέ τροπόντζαρ πακιάσα ότι κα βοηθίνεν-τουτ ο συναθροίσεις;

ΡΟΝΤΕ

Μήπως σακιντίνεσα τι τζας εκχέ συναθροισιάτε; Ντικχ σαρ εκ τζενό σο νιωθίνελας αντικάς αρχισάλο τι μπεϊντίνελ ο συναθροίσεις.

Να κα Μπιστράς Ποτές σαρ Πουταρντέ Αμένγκε Πουμαρί Ανγκάλι (4:16)

Ντικχ καζόμ μπουτ μπεϊντίνελας ο συναθροίσεις εκ τερνό ντα σο κερντάς για μα τι τσσιναβέλ τι τζαλ οτθέ.

Μπεϊντίναβας Μπουτ ο Συναθροίσεις! (4:33)

Σίκλιουβ σαρ νιωθίνενα ι συναθροισιένγκε μερικά τζενέ.

«Σόσκε τι Τζαβ κο Συναθροίσεις σο Αβένα-πες κι Αίθουσα Βασιλείας;» (Θέμας κο ιστότοπος)

Τσσουβ σημασία σαρ εκ μουρς σο ισινέ εκχέ ομαδάτε σο κερένας μπουτ μπέτι πράγματα, αλλαξάλο κάνα γκιλό εκχέ συναθροισιάτε σο κερένα ο Μάρτυρες ι Ιεχωβάσκε.

«Να Τζάβας Πουθενά Μπι μι Πιστολίσκο» (Η Σκοπιά 1 Ιουλίου 2014)

5. Ο ντουνιάς αλλαξάλο κατά 1914

Ντικχέν ο ΒΙΝΤΕΟΣ.

ΒΙΝΤΕΟΣ: Ο Ντουνιάς Αλλαξάλο Κατά 1914 (1:10)

Ο Ιησούς βακερντάας σαρ κα αβέλας ο ντουνιάς από αζομάν σο κα αβέλας Βασιλιάς. Διαβάνεν Λουκάς 21:9-11 ντα σοράν συζητίνεν ι ερώτηση:

• Τούι, καλά πράγματα τθερέσα ντικχλό ή ασουντό τι αβέν-πες κο ντουνιάς;

Ο απόστολος Παύλος βακερντάς σαρ κα αβένας ο τζενέ καζόμ κα ερεσέλας ο τέλος ι τζενένγκε κυβερνησιένγκο. Διαβάνεν 2 Τιμόθεο 3:1-5 ντα σοράν συζητίνεν ι ερώτηση:

• Καλά ανταλένταρ τθερέσα ντικχλό κο τζενέ αντιβές;

6. Σίκαβ ότι πακιάσα ότι η Βασιλεία ι Ντεβλέσκι κερέλα κουμάντος ακανά

Διαβάνεν Ματθαίος 24:3, 14 ντα σοράν συζητίνεν ο ερωτήσεις:

• Καβά σημαντικός έργος σικαβέλα ότι η Βασιλεία ι Ντεβλέσκι κερέλα κουμάντος ακανά;

• Σαρ μπορίνεσα τι κερές τούι-ντα ανταβά έργος;

Η Βασιλεία ι Ντεβλέσκι κερέλα κουμάντος ακανά ντα ερεσέλα ο ντιβές σο κα κερέλ κουμάντος σαρί ι πφουβ. Διαβάνεν Εβραίους 10:24, 25 ντα σοράν συζητίνεν ι ερώτηση:

• Σο πρέπει τι κερέλ ο κάθε εκ αμένταρ “καζόμ ντικχάσα τι ερεσέλ ο ντιβές”;