Τι Υποστηρίνες τι Κχανγκιρί

Σαρί κι πφουβ, εκατομμύρια τζενέ ντένα λατρεία ι Ιεχωβάς χαρούμενα χιλιάδες κχανγκιρίντε. Νιωθίνενα μπαρί εκτίμηση ι σικλιαριμάσκε ντα για το οδηγίες σο λένα, ντα υποστηρίνενα αντράλ πουμαρέ γκίσταρ ι κχανγκιρί μπουτέ τροπόντζαρ. Νιωθίνεσα τούι αντικάς τι κχανγκιριάκε;

1. Καλά ισί μερικοί τρόποι σο μπορίνεσα τι χρησιμοποιήνες το σαάτι ντα τι ζορ για τι υποστηρίνες ι κχανγκιρί;

Σαρέ μπορίνασα τι βοηθίνας αντρέ κι κχανγκιρί. Για παράδειγμας, μήπως υπαρχίντιβενα τι κχανγκιριάτε πφουρέ ντα τζενέ σο να μπορίνενα τι κερέν μπουτ πράγματα; Κα μπορίνεας τι ανές-λεν κο συναθροίσεις; Μήπως κα μπορίνεας τι βοηθίνες-λεν γιαβερέ-ντα πραγματέντε, για παράδειγμας κο ψώνια ή κο μπουτιά κι κχερέσκε; (Διαβάνεν Ιακώβου 1:​27) Μπορίνασα επίσης τι βοηθίνας τι ατσσόλ πάκι ντα σε λατσσί κατάσταση αμαρί Αίθουσα Βασιλείας. Καέκ να πιένελα-αμέν τι κεράς ανταλά πράγματα. Επειδή μανγκάσα ι Ντεβλές ντα αμαρέ πφραλέν, ανταβά τσσίντελα-αμέν “τι ντας αμαρέ νεαυτόσταρ αντράλ αμαρέ γκίσταρ”.​—Ψαλμός 110:3.

Ο μπολντέ Μάρτυρες μπορίνενα τι υποστηρίνεν ι κχανγκιρί γιαβερέ-ντα τροπόντζαρ. Ο πφραλά σο τθερένα ο ικανότητες ντα ο ιδιότητες σο βακερέλα η Γραφή, μπορίνενα τι υπηρετίνεν σαρ διακονικοί υπηρέτες ντα, πο σοράν, σαρ πρεσβύτεροι. Επίσης ο πφραλά ντα ο πφενιά μπορίνενα τι υποστηρίνεν σαρέ πουμαρέ γκίσαρ ο έργος κάνα υπηρετίνενα σαρ σκαπανείς. Μερικοί Μάρτυρες μπορίνενα τι βοηθίνεν τι κερντιόν τθανά σο ντάσα λατρεία ή τι τζαν εκχέ γιαβερέ τθανέστε σο η κχανγκιρί οτθέ χρειαζίντιβελα βοήθεια γιαβερέ τροπόντζαρ.

2. Σαρ μπορίνασα τι υποστηρίνας ι κχανγκιρί αμαρέ λοβέντζαρ ντα ι πραγματέντζαρ σο τθεράσα;

Μπορίνασα τι “ντας δόξα κο Ιεχωβά ι πο λατσσέ πραγματέντζαρ σο τθεράσα”. (Παροιμίες 3:9) Ισινάμ χαρούμενοι σο μπορίνασα τι ντας αμαρέ λοβένταρ ντα γιαβερέ πραγματένταρ σο τθεράσα, για τι υποστηρίνας αμαρί κχανγκιρί ντα ο έργος σο αβέλα-πες σαρί κι πφουβ. (Διαβάνεν 2 Κορινθίους 9:7) Αμαρέ λοβέντζαρ ντα αμαρέ πραγματέντζαρ υποστηρίνασα επίσης ο έργος σο αβέλα-πες για τι ντιντιόλ βοήθεια οτθέ σο αβέλα εκ καταστροφή. Μπουτ τζενέ τραμπίνενα “τι τσσουβέν κάτι κι νάκρη” για τι μπορίνεν τι ντεν. (Διαβάνεν 1 Κορινθίους 16:2) Μπορίνασα τι τσσουβάς λοβέ κο κουτιά σο ισί κο τθανά σο ντάσα λατρεία ή αντράλ κατά Ίντερνετ κο donate.jw.org. Ο Ιεχωβά ντέλα-αμέν ι ευκαιρία τι σικαβάς ότι μανγκάσα-Λες ι τροπόσαρ σο τραμπίνασα τι χρησιμοποιήνας οντουλά σο τθεράσα.

ΧΑΝΤΖΟΥΒ ΠΟ ΑΧΟΡΤ

3. Μπορίνασα τι χρησιμοποιήνας αμαρέ λοβέ ντα αμαρέ πράγματα

Ο Ιεχωβά ντα ο Ιησούς μανγκένα οντουλές σο ντέλα χαράσαρ. Για παράδειγμας, ο Ιησούς τσσουντάς σημασία εκχέ τσορορέ χηράτε ντα κι προσπάθεια σο κερντάς τι ντελ κάτι κο Ιεχωβά. Διαβάνεν Λουκάς 21:​1-4 ντα σοράν συζητίνεν ο ερωτήσεις:

• Χρειαζίντιβελα τι ντας μπουτ λοβέ για τι κεράς ι Ιεχωβάσκο γκι;

• Σαρ νιωθίνελα ο Ιεχωβά ντα ο Ιησούς κάνα κεράσα συνεισφορές σαρέ αμαρέ γκίσαρ;

Για τι σικλιός σαρ χρησιμοποιήντιβενα αμαρέ λοβέ ντα γιαβερά πράγματα, ντικχέν ο ΒΙΝΤΕΟΣ. Σοράν συζητίνεν ι ερώτηση:

ΒΙΝΤΕΟΣ: «Δώρος ι Ιεχωβάσκε» (4:47)

• Σαρ χρησιμοποιήντιβενα ο λοβέ ντα ο γιαβερά πράγματα σο ντάσα για τι βοηθίντιβεν ο κχανγκιριά σαρό κο ντουνιάς;

4. Σαρέ μπορίνασα τι βοηθίνας

Κο πουρανέ μπρεσά, ο υπηρέτες ι Ιεχωβάσκε βοηθίνενας αντράλ πουμαρέ γκίσταρ για τι ατσσικιαρέν πάκι ντα σε λατσσί κατάσταση ο τθανά σο ντένας λατρεία. Αλλά ανταβά να κερένας-λες σάντε πουμαρέ λοβέντζαρ. Διαβάνεν 2 Χρονικών 34:​9-11 ντα σοράν συζητίνεν ι ερώτηση:

• Σαρ βοηθιντάς κάθε Ισραηλίτης για τι ατσσόλ πάκι ντα σε λατσσί κατάσταση ο ναός ι Ιεχωβάσκο, δηλαδή ο τθαν σο ντένας-Λες λατρεία;

Για τι σικλιός σαρ ακολουθίνενα ο Μάρτυρές ι Ιεχωβάσκε-ντα ανταβά παράδειγμας κατά πουρανέ μπρεσά, ντικχέν ο ΒΙΝΤΕΟΣ. Σοράν συζητίνεν ο ερωτήσεις:

ΒΙΝΤΕΟΣ: Σαρ τι Φροντίνας ο Τθανά σο Ντάσα Λατρεία (3:31)

• Σόσκε ισί σημαντικός τι ατσσικιαράς αμαρί Αίθουσα Βασιλείας πάκι ντα σε λατσσί κατάσταση;

• Καλέ τροπόντζαρ μπορίνεσα τι βοηθίνες τούι;

5. Ο πφραλά μπορίνενα τι προσπαθίνεν τι λεν πο μπουτ ευθύνες

Η Γραφή βακερέλα ι μουρσένγκε σο ισί Χριστιανοί τι προσπαθίνεν τι λεν ευθύνες για τι βοηθίνεν κι κχανγκιρί καζόμ πο μπουτ μπορίνενα. Για τι σικλιός σαρ μπορίνελα τι αβέλ-πες ανταβά, ντικχέν ο ΒΙΝΤΕΟΣ. Σοράν απάντινε κι ερώτηση:

ΒΙΝΤΕΟΣ: Πφραλάλεν​—Τι Μανγκέν Κάτι Λατσσό (5:19)

• Σαρ ντικχλάμ κο βίντεος, σο προσπάθειες κερντάς ο Ράιαν για τι βοηθίνελ πο μπουτ κι κχανγκιρί;

Η Αγία Γραφή βακερέλα σο ικανότητες ντα ιδιότητες πρέπει τι τθερέν ο πφραλά σο υπηρετίνενα σαρ διακονικοί υπηρέτες ντα πρεσβύτεροι. Διαβάνεν 1 Τιμόθεο 3:​1-13 ντα σοράν συζητίνεν ο ερωτήσεις:

• Σο πρέπει τι κερέν ο πφραλά σο μανγκένα τι υπηρετίνεν σαρ διακονικοί υπηρέτες ντα πρεσβύτεροι;

• Σο πρέπει τι κερέν λένγκε φαμιλιά;​—Ντικχέν ο εδάφια 4 ντα 11.

• Κάνα ο πφραλά μαρένα-πες για τι τθερέν ανταλά ικανότητες ντα ιδιότητες, σαρ βοηθίντιβενα σαρέ αντρέ κι κχανγκιρί;

ΧΑΝΙΚ ΛΑΦΙΝΤΖΑΡ

Ο Ιεχωβά εκτιμίνελα μπουτ ο προσπάθειες σο κεράσα για τι υποστηρίνας ι κχανγκιρί αμαρέ σαατίσαρ, αμαρέ ζοριάσαρ, αμαρέ λοβέντζαρ ντα ι πραγματέντζαρ σο τθεράσα.

Σο Σικλιλάν;

• Σαρ μπορίνασα τι χρησιμοποιήνας αμαρό σαάτι ντα αμαρί ζορ για τι υποστηρίνας ι κχανγκιρί;

• Σαρ μπορίνασα τι υποστηρίνας ι κχανγκιρί αμαρέ λοβέντζαρ ντα ι πραγματέντζαρ σο τθεράσα;

• Καλέ τροπόντζαρ κα μανγκέας τούι τι υποστηρίνες ι κχανγκιρί;

ΡΟΝΤΕ

Σίκλιουβ σόσκε να μανγκέλα ο Ντεβέλ ακανά πι υπηρετόνταρ τι ντεν δέκατα.

«Σο Βακερέλα η Αγία Γραφή για το Δέκατα;» (Θέμας κο ιστότοπος)

Η Αγία Γραφή ντέλα μερικές ευθύνες κο μπολντέ μουρσά. Σο αβέλα-πες όμως άμα εκ μπολντί τζουβέλ πρέπει τι λελ ανταλά ευθύνες;

«Η Εξουσία σο Τθερένα ο Πρεσβύτεροι κι Κχανγκιρί» (Η Σκοπιά, Φεβρουάριος 2021)

Ντικχ μερικέ μπίνταρανε Μαρτυρέν σο κερένα μπαρέ θυσίες για τι γκερέν έντυπα πουμαρέ πφραλέντε.

Γκερένα Έντυπα ι Γραφιάκε κο Κονγκό (4:25)

Σίκλιουβ καζόμ μπαρί διαφορά τθερέλα ο τρόπος σο γκιντίντιβενα ο λοβέ για τι αβέλ-πες αμαρό έργος κατά τρόπος ι γιαβερέ θρησκειένγκο.

«Κάι Αρακχένα ο Λοβέ ο Μάρτυρες ι Ιεχωβάσκε για τι Κερέν Πουμαρό Έργος;» (Θέμας κο ιστότοπος)