Τι Σικαβές Εκτίμηση Οντουλέσκε σο Κερντέ ο Ιεχωβά ντα ο Ιησούς Τούκε

Σαρ νιωθίνεσα κάνα εκ αμάλ κερέλα τούκε εκ μπουτ σουκάρ δώρος; Σίγουρα ισινάν μπουτ χαρούμενος ντα μανγκέσα τι σικαβές ότι εκτιμίνεσα ο δώρος σο κερντάς τούκε. Ο Ιεχωβά ντα ο Ιησούς κερντέ αμένγκε ο πο λατσσό δώρος σαρό κο ντουνιάς. Καβά ισί ανταβά; Ντα σαρ μπορίνασα τι σικαβάς αμαρί εκτίμηση;

1. Σαρ μπορίνασα τι σικαβάς ότι εκτιμίνασα οντουβά σο κερντέ ο Ντεβέλ ντα ο Χριστός αμένγκε;

Η Γραφή βακερέλα ότι «οντουβά σο σικαβέλα πίστη [κο Ιησούς]» κα μπορίνελ τι τζουβντιόλ για πάντα. (Ιωάννης 3:16) Σο μανγκέλα τι βακερέλ τι σικαβάς πίστη; Να μανγκέλα τι βακερέλ σάντε τι πακιάς κο Ιησούς. Χρειαζίντιβελα επίσης τι σικαβάς αμαρί πίστη οντουλέντζαρ σο τραμπίνασα ντα οντουλέντζαρ σο κεράσα. (Ιακώβου 2:17) Κάνα σικαβάσα αμαρί πίστη οντουλέντζαρ σο κεράσα ντα βακεράσα, ζουράνιβελα αμαρό αμαλιπέ ι Ιησούσαρ ντα λέσκε Νταντέσαρ, ι Ιεχωβάσαρ.—Διαβάνεν Ιωάννης 14:21.

2. Καγιά μπουτ σημαντική συνάθροιση βοηθίνελα-αμέν τι σικαβάς αμαρί εκτίμηση οντουλέσκε σο κερντέ ο Ιεχωβά ντα ο Ιησούς;

Ι ιράτ πριν τι μερέλ, ο Ιησούς βακερντάς πι μαθητένγκε τι κερέν κάτι ατζέ για τι σικαβέν πουμαρί εκτίμηση λέσκε θυσιάκε. Βακερντάς λένγκε τι γκιντίντιβεν εκχέ μπουτ σημαντικέ συναθροισιάκε σο κι Γραφή βακέρντιβελα «Δείπνος ι Κυριόσκο». Επίσης βακεράσα λάκε Ανάμνηση ι Χριστόσκε μεριμάσκι. (1 Κορινθίους 11:20) Ο Ιησούς μανγκέλας λέσκε απόστολοι—ντα σαρέ ο αληθινοί Χριστιανοί σοράν λένταρ—τι ντεν-πες γκοντί ότι μουλό αμένγκε. Οτθάρ ντινάς ι εντολή: «Συνεχίνεν τι κερέν-λες ανταβά για τι ντεν-τουμέν γκοντί μαν». (Λουκάς 22:19) Κάνα τζάσα κι Ανάμνηση, σικαβέσα ότι εκτιμίνεσα ο μπαρό μανγκιπέ, ή γιαβέρτουλους ι μπαρί αγάπη, σο τθερέλα ο Ιεχωβά ντα ο Ιησούς αμένγκε.

ΧΑΝΤΖΟΥΒ ΠΟ ΑΧΟΡΤ

3. Η εκτίμηση τσσίντελα-αμέν τι κεράς πράγματα

Βάκερ ότι τασάντιβεσα ντα αβέλα εκ τζενό ντα σώνελα τι ζωή. Κα μπιστρέας οντουβά σο κερντάς τούκε; Ή κα ντικχέας σαρ τι σικαβές λέσκε τι εκτίμηση;

Αμέν τζουβντιάσα χάρη κο Ιεχωβά. Διαβάνεν 1 Ιωάννη 4:8-10 ντα σοράν συζητίνεν ο ερωτήσεις:

• Σόσκε ισί η θυσία ι Ιησούσκι εκ μπουτ μπαρό δώρος;

• Σαρ νιωθίνεσα οντουλέσκε σο κερντέ ο Ιεχωβά ντα ο Ιησούς τούκε;

Σαρ μπορίνασα τι σικαβάς ότι εκτιμίνασα οντουβά σο κερντέ ο Ιεχωβά ντα ο Ιησούς αμένγκε; Διαβάνεν 2 Κορινθίους 5:15 ντα 1 Ιωάννη 4:11· 5:3. Αφού κα διαβάνεν ο κάθε εδάφιος, συζητίνεν ι ερώτηση:

• Σαρ ντικχλάμ ανταλέ εδαφιόστε, σο μπορίνασα τι κεράς για τι σικαβάς αμαρί εκτίμηση;

4. Τι μοιάζες κο Ιησούς

Κάτι γιαβέρ σο μπορίνασα τι κεράς για τι σικαβάς αμαρί εκτίμηση ισί τι μοιάζας κο Ιησούς. Διαβάνεν 1 Πέτρου 2:21 ντα σοράν συζητίνεν ι ερώτηση:

• Σαρ μπορίνεσα τι ακολουθίνες ο βήματα ι Ιησούσκε πιστά;

5. Τζα κι Ανάμνηση κι Χριστόσκε μεριμάσκι

Για τι ντικχές σο αβιλό-πες κο πρώτος Δείπνος κι Κυριόσκο, διαβάνεν Λουκάς 22:14, 19, 20. Σοράν συζητίνεν ο ερωτήσεις:

• Σο αβιλό-πες κο Δείπνος κι Κυριόσκο;

• Σο σικαβένα ο μαντρό ντα η μολ; —Ντικχέν ο εδάφια 19 ντα 20.

Ο Ιησούς μανγκέλας λέσκε μαθητές τι κερέν ο Δείπνος ι Κυριόσκο εκ φαρ κο μπρες για τι ντεν-πες γκοντί λέσκο μεριπέ. Οτθάρ, ο Μάρτυρες ι Ιεχωβάσκε γκιντίντιβενα εκ φαρ κο μπρες για τι ατσσικιαρέν πουμαρέ γκοντιάτε ο μεριπέ ι Χριστόσκο αντικάς σαρ σικαντάς βοβ. Σαρ κα σικλιός πο μπουτ ανταλέ σημαντικέ συναθροισιάκε; Ντικχέν ο ΒΙΝΤΕΟΣ. Σοράν συζητίνεν ι ερώτηση:

ΒΙΝΤΕΟΣ: Τι Ντεν-τουμέν Γκοντί ο Μεριπέ ι Ιησούσκο (1:41)

• Σο αβέλα-πες κι Ανάμνηση;

Ο μαντρό ντα η μολ μανγκένα τι σικαβέν κάτι. Ο μαντρό σικαβέλα ο τέλειος σώμας σο τθερέλας ο Ιησούς σαρ τζενό ντα ντινάς-λες αμένγκε. Η μολ σικαβέλα λέσκο ρατ

ΧΑΝΙΚ ΛΑΦΙΝΤΖΑΡ

Σικαβάσα ότι εκτιμίνασα οντουβά σο κερντάς αμένγκε ο Ιησούς άμα πακιάσα λέστε ντα άμα τζάσα κι Ανάμνηση λέσκε μεριμάσκι.

Σο Σικλιλάν;

• Σο μανγκέλα τι βακερέλ τι σικαβάς πίστη κο Ιησούς;

• Σαρ μανγκέσα τι σικαβές τι εκτίμηση οντουλέσκε σο κερντέ ο Ιεχωβά ντα ο Ιησούς τούκε;

• Σόσκε ισί αζόμ σημαντικός τι τζας κι Ανάμνηση κι Χριστόσκε μεριμάσκι;

ΡΟΝΤΕ

Καλά πράγματα τσσίντελα-αμέν τι κεράς ο μεριπέ ι Χριστόσκο;

Ντινάς πο Σώμας για τι Δοξάνελ ι Ιεχωβάς (9:28)

Σίκλιουβ πο μπουτ οντουλένγκε σο μανγκέλα τι βακερέλ η πίστη ντα σαρ μπορίνασα τι σικαβάς-λα.

«Σικαβέν ι Πίστη σο Τθερένα κι Ιεχωβάσκε Υποσχέσεις» (Η Σκοπιά, Οκτώβριος 2016)

Ντικχ κι ιστορία «Νιωθίναβα Πάκι, Τζουβντί ντα Πφερντί», σαρ αλλαξάλι η ζωή εκχέ τζουβλιάκι κάνα σικλιλί ι Χριστόσκε θυσιάκε.

«Η Αγία Γραφή Αλλάνελα Ζωές» (Η Σκοπιά 1 Αυγούστου 2011)

Διάβανε σόσκε λένα σάντε χάνικ τζενέ κατά μαντρό ντα κατά μολ κι Ανάμνηση.

«Σόσκε ο Μάρτυρες ι Ιεχωβάσκε Κερένα ο Δείπνος ι Κυριόσκο Γιαβέρτουλους Κατά Γιαβερά Θρησκείες;» (Θέμας κο ιστότοπος)