Ι Ντεβλέσκι Αγάπη Ατσσόλα για Πάντα

1, 2. Σόσκε μανγκένα ι Ιεχωβά Ντεβλές;

ΜΑΝΓΚΕΝΑ ι Ντεβλές; Μπορεί τι μανγκένα-λες αζόμ μπουτ σο αφιερωντέν-τουμέν λέστε. Μπορεί τι αισθάντιβενα ότι ισί τουμαρό πιο λατσσό Αμάλ. Όμως, ο Ιεχωβά μανγκέλας-τουμέν πριν τι μανγκέν-λες τουμέν. Η Αγία Γραφή βακερέλα: «Αμέν μανγκάσα επειδή πρώτα βοβ μανγκλάς-αμέν».​—1 Ιωάννη 4:19.

² Σκεφτίνεν καζομέ τροπόντζαρ σικαντάς αμένγκε ο Ιεχωβά πι αγάπη. Ντινάς-αμέν εκ μπουτ σουκάρ κχερ​—αμαρί πφουβ—​ντα σο-ντα γιαβέρ χρειαζίντιβασα για τι χαιρίνας ι ζωή. (Ματθαίος 5:​43-48· Αποκάλυψη 4:​11) Μανγκέλα τι τθεράς λατσσί σχέση λέσαρ ντα ντινάς-αμέν ι ευκαιρία τι σικλιάς λέσκε. Κάνα διαβάνασα ι Γραφή, ασουνάσα ι Ιεχωβάς, ενώ κάνα προσευχίντιβασα, ασουνέλα-αμέν βοβ. (Ψαλμός 65:2) Ο Ιεχωβά οδηγίνελα-αμέν ντα ντέλα-αμέν ζορ αντράλ πι ζουρανέ άγιε πνευμάσταρ. (Λουκάς 11:​13) Μπουτσσαντάς ατζέ-ντα πι αγαπημέ Τσσαβές κι πφουβ, για τι ελευθερώνελ-αμέν κατά αμαρτία ντα κατά μεριπέ.​—Διάβανε Ιωάννης 3:​16· Ρωμαίους 5:8.

3. Σαρ ατσσικιαράσα λατσσί σχέση ι Ιεχωβάσαρ;

³ Σκεφτίνεν χάνικ εκχέ λατσσέ αμαλές, εκχές σο ισί πάντα πασέ τουμέντε εμ κο χαρές εμ κο στεναχώριες. Για τι ατσσικιαρέν ζουρανί οντιά φιλία, χρειαζίντιβελα προσπάθεια. Ο ίδιος χρειαζίντιβελα η φιλία σο τθεράσα ι Ιεχωβάσαρ, σο ισί ο πιο λατσσό Αμάλ σο κα μπορίναας τι τθεράς. Αμαρί φιλία λέσαρ μπορίνελα τι ατσσικιαρέλ για πάντα. Η Γραφή βακερέλα αμένγκε: «Ατσσικιαρέν τουμαρό νεαυτός κι Ντεβλέσκι αγάπη». (Ιούδα 21) Σαρ κα κεράς-λες ανταβά; Η Γραφή ντέλα ι απάντηση: «Αντικάς σικαβάσα αμαρί αγάπη κο Ντεβέλ: τι κεράς λέσκε εντολές· ντα λέσκε εντολές νανέ πφαρέ».​—1 Ιωάννη 5:3.

«ΣΙΚΑΒΑΣΑ ΑΜΑΡΙ ΑΓΑΠΗ ΚΟ ΝΤΕΒΕΛ»

4, 5. Σαρ αρχισάλεν τι μανγκέν ι Ιεχωβά Ντεβλές;

⁴ Σαρ «σικαβάσα αμαρί αγάπη κο Ντεβέλ»; Πριν τι ντικχάς σο απάντηση ντέλα η Γραφή ανταλέ ερωτησιάτε, προσπαθίνεν τι ντεν-τουμέν γκοντί κάνα αρχισάλεν τι μανγκέν ι Ιεχωβάς.

⁵ Ντεν-τουμέν γκοντί σαρ νιωσάλεν κάνα σικλιλέν ότι ο Ιεχωβά μανγκέλα τι τζουβντιόν για πάντα λέσκε νεβέ ντουνιάστε. Σικλιλέν σαρέ οντουλά σο κερντάς ο Ιεχωβά για τι αβέλ-πες ανταβά ντα αγαντέν σο μπαρό δώρος ντινάς-αμέν κάνα μπουτσσαντάς πι Τσσαβές κι πφουβ. (Ματθαίος 20:​28· Ιωάννης 8:​29· Ρωμαίους 5:​12, 18) Καζόμ σικλιόνας για τι μπαρί αγάπη σο τθερέλα τουμένγκε ο Ιεχωβά, συγκινισάλεν ντα αρχισάλεν τι μανγκέν-λες τουμέν-ντα.​—Διάβανε 1 Ιωάννη 4:9, 10.

6. Σο κεράσα κάνα μανγκάσα εκχέ τζενές; Σο βοηθιντάς-τουμέν τι κερέν η αγάπη σο τθερένα ι Ντεβλέσκε;

⁶ Όμως, οντιά αγάπη σο νιωθίνενας ι Ντεβλέσκε ισινέ σάντε η αρχή. Για παράδειγμας, όταν μανγκάσα εκχέ τζενές, να βακεράσα λέσκε απλά «Μανγκάβα-τουτ». Επειδή μανγκάσα-λες, νικιόλα αμένταρ τι κεράς πράγματα σο κα ντεν-λες χαρά. Αντικάς-ντα, τουμαρί αγάπη ι Ιεχωβάσκε κερντάς-τουμέν τι τζουβντιόν με τρόπος σο κερέλα-λες χαρούμενος. Καζόμ μπαριόλας ανταγιά αγάπη, αφιερωντέν-τουμέν κο Ιεχωβά ντα μπολντιλέν. Επειδή κερντέν-λες ανταβά, ντινέν τουμαρό λάφι κο Ιεχωβά τι υπηρετίνεν-λες για πάντα. (Διάβανε Ρωμαίους 14:7, 8) Σαρ κα μπορίνεν τι ατσσικιαρέν τουμαρό λάφι;

«ΤΙ ΚΕΡΑΣ ΛΕΣΚΕ ΕΝΤΟΛΕΣ»

7. Σο κα κεράς άμα μανγκάσα ι Ιεχωβάς; Καλά ισί μερικές εντολές λέσκε;

⁷ Επειδή μανγκάσα ι Ιεχωβάς, “κεράσα λέσκε εντολές”. Σαρ; Ντάσα-λες καν. Κατά Γραφή σικλιάσα σαρ μανγκέλα ο Ιεχωβά τι τζουβντιάς. Για παράδειγμας, βοβ βακερέλα αμένγκε ότι ισί κακός τι ματιάς, τι τσοράς, τι βακεράς ψέματα, τι τζας εκχέ τζενέσαρ σο να ισινάμ λέσαρ παντριμέ ντα τι ντας λατρεία σε κάτι ή σε κάποιον εκτός λέσταρ.​—1 Κορινθίους 5:​11· 6:​18· 10:​14· Εφεσίους 4:​28· Κολοσσαείς 3:9.

8, 9. Σαρ τζανάσα σο μανγκέλα τι κεράς ο Ιεχωβά ι πραγματένγκε σο να υπαρχίντιβελα συγκεκριμέ νόμος κι Γραφή; Βακερέν παράδειγμας.

⁸ Όμως, για τι κεράς χαρούμενος ι Ιεχωβάς, να ερεσέλα σάντε τι ντας καν κο εντολές λέσκε αλλά χρειαζίντιβελα κάτι γιαβέρ-ντα. Βοβ να ντινάς-αμέν εκ μπαρό κατάλογος με νόμους σο βακερέλα σο τι κεράς σε κάθε πράγμας αμαρέ ζωγιάτε. Οτθάρ, σε κάποιες περιπτώσεις να κα τθεράς εκ συγκεκριμέ νόμος ι Γραφιάκο σο κα βακερέλ αμένγκε σο τι κεράς. Σαρ κα μπορίνας τι λας λατσσέ αποφάσεις; (Εφεσίους 5:​17) Αντρέ κι Γραφή υπαρχίντιβενα αρχές, δηλαδή σημαντικές αλήθειες σο σικλιαρένα-αμέν σαρ ντικχέλα ο Ιεχωβά ο πράγματα. Ντα καζόμ διαβάνασα ι Γραφή, σικλιάσα ο χαρακτήρας ι Ιεχωβάσκο. Σικλιάσα σαρ σκεφτίνελα, ντα επίσης σο μανγκέλα ντα σο μισίνελα.​—Διάβανε Ψαλμός 97:​10· Παροιμίες 6:​16-19· ντικχ ι Σημείωση 1 κο παλαϊνέ σελίδες.

⁹ Για παράδειγμας, σαρ αποφασίνασα σο κα ντικχάς κι τηλεόραση ή κο Ίντερνετ; Ο Ιεχωβά να βακερέλα αμένγκε ακριβώς σο πρέπει τι κεράς. Αλλά ο αρχές σο ντέλα-αμέν βοηθίνενα-αμέν τι λας λατσσέ αποφάσεις. Ο πιο μπουτ πράγματα σο υπαρχίντιβενα αντιβές για τι νακχάς λατσσές τθερένα τι κερέν με τη βία ντα με το σεξ. Κι Γραφή, ο Ιεχωβά βακερέλα αμένγκε ότι «μισίνελα σαρέ οντουλέν σο μανγκένα ι βία» ντα ότι «κα κρίνελ ι λουμνέν». (Ψαλμός 11:5· Εβραίους 13:4) Σαρ βοηθίνενα-αμέν ανταλά αρχές τι λας λατσσέ αποφάσεις; Από αζομάν σο σικλιάσα ότι ο Ιεχωβά μισίνελα κάτι ή λέσκε γιακχίντε ισί μπίλατζανο, πρέπει τι νασάς ντουρ λέσταρ.

10, 11. Σόσκε ντάσα καν ι Ιεχωβάς;

¹⁰ Σόσκε ντάσα καν ι Ιεχωβάς; Να κεράσα-λες ανταβά σάντε για μα τι τιμωρίντιβας ή για μα τι τθεράς προβλήματα επειδή να λάσα λατσσέ αποφάσεις. (Γαλάτες 6:7) Ντάσα-λες καν επειδή μανγκάσα-λες. Σαρ ο χουρντέ μανγκένα τι ντεν χαρά πουμαρέ νταντές, αντικάς αμέν-ντα μανγκάσα τι ντας χαρά αμαρέ Νταντές σο ισί κο ουρανός. Ο πιο λατσσό συναίσθημας σο μπορίνασα τι τθεράς ισί τι τζανάς ότι ο Ιεχωβά ισί ευχαριστιμέ αμέντζαρ!​—Ψαλμός 5:​12· Παροιμίες 12:2· ντικχ ι Σημείωση 2 κο παλαϊνέ σελίδες.

¹¹ Να ντάσα καν ι Ιεχωβάς σάντε κάνα ισί εύκολος ή κάνα ναστί κεράσα γιαβέρτουλους. Ούτε τραμπίνασα καλά νόμους ντα καλά κανόνες κα ακολουθίνας ντα καλά να κα ακολουθίνας. (Δευτερονόμιο 12:​32) Ντάσα-λες καν σαρέ κο πράγματα, σαρ ο ψαλμωδός σο βακερντάς: «Αρακχάβα χαρά τι εντολέντε, βα, μανγκάβα-λεν». (Ψαλμός 119:​47· Ρωμαίους 6:​17) Πρέπει τι αβάς σαρ ο Νώε, σο κερντάς σαρέ οντουλά σο βακερντάς λέσκε ο Ιεχωβά ντα αντικάς σικαντάς λέσκε πι αγάπη. Η Γραφή βακερέλα ότι ο Νώε «κερντάς ακριβώς αντικάς». (Γένεση 6:​22) Μανγκένα τι βακερέλ-λες ο Ιεχωβά τουμένγκε-ντα ανταβά;

12. Σαρ κεράσα ι Ιεχωβάς τι χαιρίνελ;

¹² Σαρ νιωθίνελα ο Ιεχωβά κάνα ντάσα-λες καν; Κεράσα “λέσκο γκι τι χαιρίνελ”. (Παροιμίες 11:​20· 27:​11) Σκεφτίνεν! Κεράσα Οντουλές σο δημιουργιντάς ο σύμπαν τι χαιρίνελ κάνα ντάσα-λες καν. Αλλά βοβ να τσσουβέλα-αμέν ζορίσαρ τι κεράς-λες ανταβά. Ντινάς-αμέν ι ελευθερία τι τραμπίνας. Ανταβά μανγκέλα τι βακερέλ ότι ισινάμ ελεύθεροι τι τραμπίνας άμα κα κεράς ο λατσσό ή ο κακός. Ο Ιεχωβά μανγκέλα τι λας λατσσέ αποφάσεις σόσκε μανγκάσα-λες, ντα αντικάς τι τζουβντιάς καζόμ πιο λατσσές αβέλα-πες.​—Δευτερονόμιο 30:​15, 16, 19, 20· ντικχ ι Σημείωση 3 κο παλαϊνέ σελίδες.

«ΛΕΣΚΕ ΕΝΤΟΛΕΣ ΝΑΝΕ ΠΦΑΡΕ»

13, 14. Σαρ τζανάσα ότι ο εντολές ι Ντεβλέσκε νανέ αζόμ δύσκολες σο ναστί κεράσα-λεν; Βακερέν παράδειγμας.

¹³ Μήπως όμως ισί μπουτ δύσκολος τι κεράς ο εντολές ι Ιεχωβάσκε ή μήπως να μουκχένα-αμέν τι αβάς ελεύθεροι; Η Γραφή βακερέλα ξεκάθαρα: «Λέσκε εντολές νανέ πφαρέ». (1 Ιωάννη 5:3) Η λέξη «πφαρέ» χρησιμοποιήντιβελα γιαβερέ εδαφιόντε-ντα κο πρωτότυπος ελληνικός κείμενος για τι σικαβέλ κανόνες σο νανέ λογικοί ή τζενέν σο να συμπεριφερίντιβενα λατσσές ι γιαβερένγκε. (Ματθαίος 23:4· Πράξεις 20:​29, 30) Βακεράσα ότι ο εντολές ι Ιεχωβάσκε νανέ «πφαρέ» σόσκε νανέ μπουτ δύσκολος τι κεράς-λεν. Ο Ιεχωβά μανγκέλα αμένταρ πάντα τι κεράς πράγματα σο ισί λογικά.

¹⁴ Για παράδειγμας, βακερέν ότι βοηθίνενα εκχέ αμαλές τι μετακομίνελ. Τσσουντάς σαρέ πο πράγματα κο κούτες. Μερικές κούτες ισί λοκχέ ντα βαντίντιβενα εύκολα, ενώ γιαβερά ισί αζόμ πφαρέ σο χρειαζίντιβενα ντούι τζενέ για τι βάντεν-λεν. Κα μανγκέλας τουμένταρ τουμαρό αμάλ τι βάντεν εκ μπουτ πφαρί κούτα κορκορό; Σίγουρα όχι! Σόσκε; Επειδή να μανγκέλα τι παθίνεν κάτι κακός. Σαρ ανταβά αμάλ, ο Ιεχωβά-ντα ποτές να κα μανγκέλας αμένταρ τι κεράς κάτι αζόμ δύσκολος σο ναστί κεράσα-λες. (Δευτερονόμιο 30:​11-14) Τζανέλα μέχρι κάι μπορίνελα τι ερεσέλ εκ τζενό. «Τζανέλα λατσσές σαρ ισινάμ κερντέ, ντέλα-πες γκοντί ότι ισινάμ τσικ».​—Ψαλμός 103:14.

15. Σόσκε ισινάμ σίγουροι ότι ο εντολές ι Ιεχωβάσκε ισί αμαρέ λατσσιμάσκε;

¹⁵ Ο Μωυσής βακερντάς κο Ισραηλίτες ότι ο Ιεχωβά ντινάας-λεν πο εντολές για τι “τζαν πάντα λατσσές ο πράγματα λένγκε” ντα ότι άμα κα ντένας καν “κα ατσσόνας τζουβντέ”. (Δευτερονόμιο 5:​28-33· 6:​24) Ο ίδιος αβέλα-πες αντιβές-ντα. Σο-ντα μανγκέλα αμένταρ ο Ιεχωβά κερέλα αμαρί ζωή πιο λατσσί. (Διάβανε Ησαΐας 48:​17) Αμαρό Ντατ, ο Ιεχωβά, τζανέλα πάντα καβά ισί ο πιο λατσσό αμένγκε. (Ρωμαίους 11:​33) Η Γραφή βακερέλα: «Ο Ντεβέλ ισί αγάπη». (1 Ιωάννη 4:8) Δηλαδή σο-ντα βακερέλα ντα κερέλα ο Ιεχωβά ισί από αγάπη.

16. Σαρ τζανάσα ότι μπορίνασα τι ντας καν παρόλο σο ισινάμ ατελείς ντα τζουβντιάσα εκχέ πφιρνέ ντουνιάστε;

¹⁶ Νανέ πάντα εύκολος τι ντας καν ι Ντεβλές. Τζουβντιάσα εκχέ πφιρνέ ντουνιάστε σο κερέλα-λες κουμάντος ο Μπενγκ. Βοβ προσπαθίνελα τι επηρεάνελ ι τζενέν για τι κερέν ο κακός. (1 Ιωάννη 5:​19) Επίσης, πρέπει τι τζας κόντρα με το ατελείς σκέψεις ντα αισθήματα σο τθεράσα, επειδή μπορίνενα τι κερέν-αμέν μα τι ντας καν ι Ντεβλές. (Ρωμαίους 7:​21-25) Αλλά αμαρί αγάπη ι Ιεχωβάσκε ντέλα-αμέν ι ζορ τι κεράς ο σωστός. Βοβ ντικχέλα ο προσπάθειες σο κεράσα για τι ντας-λες καν ντα ντέλα-αμέν πο ζουρανό άγιος πνεύμας για τι βοηθίνελ-αμέν. (1 Σαμουήλ 15:​22, 23· Πράξεις 5:​32) Ο άγιος πνεύμας βοηθίνελα-αμέν τι τθεράς ιδιότητες σο κα κερέν-αμέν τι ντας πιο εύκολα καν ι Ντεβλές.​—Γαλάτες 5:​22, 23.

17, 18. (α) Σο κα σικλιαρέλ-αμέν ανταβά βιβλίος; (β) Σο κα ντικχάς κο γιαβέρ κεφάλαιος;

¹⁷ Ανταβά βιβλίος κα σικλιαρέλ-αμέν σαρ τι τζουβντιάς με τρόπος σο κερέλα ι Ιεχωβάς τι χαιρίνελ. Κα σικλιάς σαρ τι κεράς αμαρέ ζωγιάτε λέσκε αρχές ντα λέσκε κανόνες. Δεν πρέπει τι μπιστράς ότι ο Ιεχωβά να τσσουβέλα-αμέν ζορίσαρ τι ντας-λες καν. Άμα κα τραμπίνας τι ντας καν, αμαρί ζωή κα αβέλ πιο λατσσί ντα κα τθεράς εκ μπουτ σουκάρ μέλλον. Ο πιο σημαντικός σαριλένταρ ισί ότι όταν ντάσα καν ι Ντεβλές σικαβάσα λέσκε καζόμ μπουτ μανγκάσα-λες.​—Ντικχ ι Σημείωση 4 κο παλαϊνέ σελίδες.

¹⁸ Για τι βοηθίνελ-αμέν τι αγαβάς καβά ισί ο σωστός ντα καβά ο λάθος, ο Ιεχωβά ντινάς κο κάθε εκ αμένταρ συνείδηση. Άμα κα σικλιαράς-λα, βόι κα βοηθίνελ-αμέν τι «κεράς λέσκε εντολές». Ελάν τι ντικχάς σο ισί η συνείδηση ντα σαρ μπορίνασα τι σικλιαράς-λα.