Σαρ τι Κεράς Λάφι ι Ντεβλέσκε πιο Λατσσές—Σαρ τι Ντας ο Βιβλίος Σο Σικλιαρέλα η Γραφή

Σόσκε Ισί Σημαντικός: Ο βιβλίος Σο Σικλιαρέλα η Γραφή ισί μπουτ σημαντικός για τι σικλιαράς ι τζενέν. Όμως για τι αρχίνας μελέτη εκχέ τζενέσαρ, πρέπει πρώτα τι ντας-λες λέστε. Οτθάρ, ισί σημαντικός τι σικλιάς τι χρησιμοποιήνας-λες λατσσές. (Παρ. 22:29) Υπαρχίντιβενα μπουτ τρόποι για τι κεράς-λες ανταβά, οντουλέσκε ο κάθε ευαγγελιζόμενος κα τραμπίνελ καλά ισί ο πιο λατσσέ για τι βοηθίντιβεν ο τζενέ.

Σο τι Κερέν:

Κερέν εκ ερώτημας σο απασχολίνελα ι τζενές ντα σο κα ντελ-τουμέν ι ευκαιρία τι σικαβέν λέσκε εκ συγκεκριμέ κεφάλαιος κατά βιβλίος. Μπορίνενα τι τραμπίνεν εκ κατά ερωτήσεις σο τθερέλα ο κάθε κεφάλαιος κι αρχή. Αφού κα ασουνέν λέσκι απάντηση, διαβάνεν εκ εδάφιος ντα σικαβέν λέσκε εκ παράγραφος σο ταιριάνελα οντουλέσαρ σο απασχολίνελα-λες. Άμα μπορίνενα, συζητίνεν λέσαρ ι παράγραφος για χάνικ.
Εκ γιαβέρ ιδέα ισί τι χρησιμοποιήνεν ο λάφια σο ισί κο ανγκλαϊνέ σελίδες για τι ταρτίνεν ο ενδιαφέρον οντουλέσκο σο ασουνέλα ντα σοράν τι σικαβέν λέσκε κατέ κα αρακχέλ ι απάντηση σο ντέλα η Αγία Γραφή αντρέ κο βιβλίος. Για παράδειγμας, μπορίνενα τι βακερέν κάτι σο ντικχλέν κο ειδήσεις ντα πφαμπιλέ ο γκιά ι τζενένγκε ντα σοράν τι βακερέν λέσκε ότι μπουτ τζενέ ρόντενα απαντήσεις κο ερωτήσεις σο ισί κι σελίδα 3. Ή μπορίνενα τι βακερέν ότι τζάνα κο τζενέ για τι βακερέν λένγκε ότι ο πράγματα κα αβέν πιο λατσσέ κο μέλλον. Σοράν, σικαβέν λένγκε ο φωτογραφίες κι σελίδα 4, 5 ντα πουτσέν: «Καλά υποσχέσεις ανταλένταρ κα μανγκέας τι ντικχές τι αβέν-πες;» Κάτι γιαβέρ σο μπορίνενα τι κερέν ισί τι βακερέν ότι τζάνα κο κχερά για τι βοηθίνεν ι τζενέν τι αρακχέν απαντήσεις κο σημαντικά ερωτήματα ι ζωγιάκε. Σοράν, σικαβέν ι τζενέσκε ο ερωτήματα σο ισί κι σελίδα 6 ντα πουτσέν-λες καλέστε μανγκέλα πιο μπουτ τι λελ απάντηση.
Από την αρχή βακερέν ι τζενένγκε τι κερέν τουμέντζαρ μελέτη κατά Αγία Γραφή. Μπορίνενα τι βακερέν: «Ακαβά βιβλίος βοηθίνελα ι τζενέν τι αγαβέν σο βακερέλα η Αγία Γραφή. Τθερέσα-λες ξανά ντικχλό; [Μουκχέν τι απαντίνελ] Άμα τθερέσα χάνικ χρόνος, κα σικαβάβ τούκε σαρ μπορίνελα τι βοηθίνελ-τουτ ανταβά βιβλίος τι διαβάνες ι Αγία Γραφή».

Κερέν Ακαβά Ανταλέ Μασικέστε:

Κερέν πρόβες κι φαμιλιάκι λατρεία.
Όταν ισινέν κο έργος κι Ντεβλέσκο, συζητίνεν ι γιαβερέ πφραλέντζαρ οντουβά σο σκεφτίνενα τι βακερέν. (Παρ. 27:17) Άμα τουμαρί παρουσίαση να τθερέλα λατσσέ αποτελέσματα, αλλάνεν-λα.