Σο Τζενέ Ισί ο Μάρτυρες του Ιεχωβά;

Καζομέν Μαρτυρέν του Ιεχωβά τζανένα τουμέν; Κάποιοι αμένταρ μπορεί τι αβάς τουμαρέ γείτονες, τουμαρέ συμμαθητές ή τι κεράς τουμέντζαρ μπουτί. Ή μπορεί τι κερντάμ τουμέντζαρ λάφι ι Γραφιάκε. Κον ισινάμ, ντα σόσκε κεράσα λάφι σαρέ κο τζενέ οντουλένγκε σο πακιάσα;

Ισινάμ σαρ ο γιαβερά τζενέ. Ο κάθε εκ αμένταρ τζουβντιόλα διαφορετικά ντα μπαριλό γιαβέρτουλους ή γιαβερτθέ. Κάποιοι αμένταρ τθερένας γιαβέρ θρησκεία ντα γιαβερά να πακιάνας ιτς κο Ντεβέλ. Σαρέ, όμως, πριν τι αβάς Μάρτυρες, διαβαντάμ ντα ντικχλάμ μπουτ λατσσές οντουλά σο βακερέλα η Αγία Γραφή. (Πράξεις 17:​11) Αγαντάμ ότι ισί μπαγιά σαρέ οντουλά σο σικλιλάμ, ντα σοράν λιντάμ ι απόφαση τι πακιάς σάντε κο Ιεχωβά Ντεβέλ.

Η Αγία Γραφή κερέλα πιο λατσσί αμαρί ζωή. Σαρ ο γιαβερά τζενέ, αντικάς αμέν-ντα κεράσα λάθη ντα τθεράσα προβλήματα. Αλλά όταν προσπαθίνασα τι κεράς συνέχεια οντουλά σο βακερέλα η Αγία Γραφή, ντικχάσα ότι αμαρί ζωή αβέλα πιο λατσσί. (Ψαλμός 128:1, 2) Ανταβά ισί εκ κατά μπουτ πράγματα σο κερένα-αμέν τι βακεράς κο γιαβερά τζενέ οντουλά σο σικλιάσα κατά Αγία Γραφή.

Οντουλά σο βακερέλα αμένγκε ο Ντεβέλ τθερένα μπουτ μπαρί αξία ντα προσπαθίνασα τι κεράς-λεν. Ανταλά σημαντικά λάφια, σο ισί κι Αγία Γραφή, βοηθίνενα-αμέν τι αισθάντιβας λατσσές αμαρέ νεαυτόσαρ, τι τθεράς σεβασμός ι γιαβερένγκε, τι αβάς τίμιοι ντα τι βοηθίνας ι γιαβερέν. Επίσης, βοηθίνενα-αμέν τι κεράς ο λατσσιπέ οτθέ σο τζουβντιάσα ντα τι αβέν αμαρέ φαμιλιά ενωμέ ντα αγαπημέ. Ισινάμ σίγουροι ότι ο «Ντεβέλ να ξεχωρίνελα ι τζενέν», οτθάρ αμέν ο Μάρτυρες του Ιεχωβά σαρό κο ντουνιάς ισινάμ σαριλέντζαρ πφραλά σο πφαμπάσα ο εκ ι γιαβερέσκε ντα να ντικχάσα γιαβέρτουλους ι τζενέν επειδή τθερένα γιαβέρ χρώμας ή ισί γιαβερέ τθεμέσταρ. Παρόλο σο ισινάμ σαρ ο γιαβερά τζενέ, σαρ λαός αμέν ξεχωρίνασα.​—Πράξεις 4:​13· 10:​34, 35.

• Καλέ πραγματέντε μοιάζενα ο Μάρτυρες του Ιεχωβά ι γιαβερέ τζενέντζαρ;

• Καλά σημαντικά πράγματα κερένα ο Μάρτυρες του Ιεχωβά επειδή διαβάνενα ι Αγία Γραφή;