Σαρ Μπορίνενα τι Σικλιόν ι Ντεβλέσκε

Μπορίνενα τι σικλιόν ι Ιεχωβάσκε κάνα διαβάνενα ι Αγία Γραφή. Πριν από μπουτ μπρεσά, ο Ντεβέλ τραμπιντάς μερικέ τζενέν για τι γραφίνεν οντουλά σο τθερέλας πι γκοντιάτε. Οντουλά λάφια σο γραφίντιλε βακέρντιβενα «Αγία Γραφή». Αντιβές σικλιάσα ι Ντεβλέσκε όταν διαβάνασα ι Αγία Γραφή. Αφού η Γραφή τθερέλα ι Ιεχωβάσκε λάφια, ή γιαβέρτουλους οντουβά σο μανγκέλα τι βακερέλ βοβ, βακέρντιβελα επίσης Λάφι ι Ντεβλέσκο. Μπορίνασα τι πακιάς οντουλά σο βακερέλα η Γραφή επειδή ο Ιεχωβά ποτές να βακερέλα ψέματα. «Ναστί αβέλα-πες τι βακερέλ ψέματα ο Ντεβέλ». (Εβραίους 6:​18) Ο Λάφι ι Ντεβλέσκο τθερέλα ι αλήθεια.​—Ιωάννης 17:17.

Η Γραφή ισί εκ κατά πιο σημαντικά δώρα σο ντινάς-αμέν ο Ντεβέλ. Ισί σαρ εκ γράμμας σο μπουτσσαβέλα πι τσσαβένγκε εκ ντατ σο μανγκέλα-λεν μπουτ. Βακερέλα αμένγκε για την υπόσχεση σο ντινάς ο Ντεβέλ τι κερέλ ι πφουβ εκ μπουτ σουκάρ τθαν για τι τζουβντιάς​—εκ παράδεισος. Βακερέλα αμένγκε σο κερντάς κο πουρανέ μπρεσά, σο κερέλα ακανά ντα σο κα κερέλ ανγκλ’ αμέντε πι πιστέ τσσαβένγκε. Βοηθίνελα-αμέν επίσης τι λύνας αμαρέ προβλήματα ντα τι αρακχάς ευτυχία.​—2 Τιμόθεο 3:​16, 17.

Ο Μάρτυρες του Ιεχωβά ισί αμαλά ι Ντεβλέσκε. Κα βοηθίνεν-τουμέν τι αγαβέν οντουλά σο βακερέλα η Γραφή. Απλά βακερέν λένγκε ότι μανγκένα τι κερέν μελέτη κατά Γραφή. Βον να κα μανγκέν τουμένταρ λοβέ. (Ματθαίος 10:8) Επίσης, μπορίνενα τι τζαν κο Χριστιανικές συναθροίσεις. Ανταλά συναθροίσεις αβένα-πες τθανέντε σο ντάσα δόξα κο Ντεβέλ ντα βακέρντιβενα Αίθουσες Βασιλείας. Άμα τζάνα κο Χριστιανικές συναθροίσεις, κα σικλιόν πιο σουγκό ντα πιο μπουτ ι Ντεβλέσκε.

Μπορίνενα τι σικλιόν ι Ντεβλέσκε σαρέ οντουλένταρ σο κερντάς. Για παράδειγμας, η Γραφή βακερέλα: «Ο Ντεβέλ κερντάς ο ουρανός ντα ι πφουβ». (Γένεση 1:1) Όταν ο Ιεχωβά κερντάς «ο ουρανός», κερντάς ο κχαμ-ντα. Σο σικαβέλα ανταβά ι Ντεβλέσκε; Σικαβέλα ότι ο Ιεχωβά τθερέλα μπουτ μπαρί ζορ. Σάντε βοβ μπορίνελας τι κερέλ κάτι αζόμ μπαρό σαρ ισί ο κχαμ. Σικαβέλα επίσης ότι ο Ιεχωβά ισί σοφός, αφού χρειαζίντιβελας σοφία για τι κερντιόλ ο κχαμ σο νικαβέλα αζόμ τατιπέ ντα φως ντα ποτές να πφαμπόλα.

Ο Ιεχωβά σικαβέλα ότι μανγκέλα-αμέν αντράλ οντουλένταρ σο κερντάς. Σκεφτίνεν σαρέ ο διαφορετικοί καρποί, δηλαδή ο φρούτα, ο λαχανικά ντα ο φυτά σο υπαρχίντιβενα κι πφουβ. Ο Ιεχωβά κα μπορίνελας τι ντελ-αμέν σάντε εκ καρπός​—ή ούτε εκ. Αλλά, ο Ιεχωβά ντινάς-αμέν μπουτ καρποί, σο τθερένα γιαβέρ σχήμας, μέγεθος, χρώμας ντα γεύση. Ανταλέσταρ αγαβάσα ότι ο Ιεχωβά ισί Ντεβέλ σο να σικαβέλα σάντε αγάπη αλλά σκεφτίνελα-αμέν, ντέλα-αμέν μπουτ πράγματα αντράλ πι γκίσταρ ντα σικαβέλα αμένγκε λατσσιπέ.​—Ψαλμός 104:​24.