Ο Αμαλά ι Ντεβλέσκε κα Τζουβντιόν κο Παράδεισος

Ο Παράδεισος να κα αβέλ σαρ ανταλέ ντουνιάστε σο τζουβντιάσα ακανά. Ο Ντεβέλ ποτές να μανγκέλας τι πφερντιόλ η πφουβ με προβλήματα, στεναχώρια, ντουκχ ντα βάσανα. Ανγκλ’ αμέντε, ο Ντεβέλ κα κερέλ ι πφουβ παράδεισος. Σαρ κα αβέλ ο Παράδεισος; Ελάν τι ντικχάς σο βακερέλα η Γραφή:

Λατσσέ τζενέ. Ο Παράδεισος κα αβέλ ο κχερ οντουλέ τζενένγκο σο ισί αμαλά ι Ντεβλέσκε. Βον κα κερέν λατσσέ πράγματα ο εκ ι γιαβερέσκε. Κα τζουβντιόν σωστά, αντικάς σαρ μανγκέλα ο Ντεβέλ.​—Παροιμίες 2:21.

Μπουτ χαμπέ. Κο Παράδεισος να κα αβέλ μποκχ. Η Γραφή βακερέλα: «Κα υπαρχίντιβελ μπουτ γκιβ [δηλαδή χαμπέ] κι πφουβ».​—Ψαλμός 72:​16.

Σουκάρ κχερά ντα μπουτί με χαρά. Κο Παράδεισος κι πφουβ, η κάθε φαμιλί κα τθερέλ πο κχερ. Ο κάθε τζενό κα κερέλ μπουτί σο κα ανέλ λέσκε πραγματική ευτυχία.​—Ησαΐας 65:​21-23.

Ειρήνη σαρί κι πφουβ. Ο τζενέ να κα χαν-πες ούτε κα μερέν κο τζένγκι. Ο Λάφι ι Ντεβλέσκο βακερέλα: «[Ο Ντεβέλ] σταματίνελα ο τζένγκια».​—Ψαλμός 46:8, 9.

Λατσσί υγεία. Η Γραφή ντέλα πο λάφι: «Ούτε εκ τζενό [κο Παράδεισος] να κα βακερέλ: “Ισινόμ νασφαλό [δηλαδή πασλό]”». (Ησαΐας 33:​24) Επίσης, καέκ να κα αβέλ μπανγκό ή κορορό ή κασουκό ή λαλορό.​—Ησαΐας 35:5, 6.

Τέλος κι ντουκχ, κι στεναχώρια ντα κο μεριπέ. Ο Λάφι ι Ντεβλέσκο βακερέλα: «Ο μεριπέ να κα αβέλ πάλι, ούτε λύπη ούτε βίκος ούτε ντουκχ να κα αβέλ πάλι. Ο πουρανέ νασλέ σαρέ».​—Αποκάλυψη 21:4.

Ο γκεραλέ τζενέ κα εξαφανίντιβεν. Ο Ιεχωβά ντέλα πο λάφι: «[Ο πφιρνέ] . . . να κα υπαρχίντιβεν κι πφουβ· ντα ο γκεραλέ κα εξαφανίντιβεν λάταρ».​—Παροιμίες 2:22.

Ο τζενέ κα μανγκέν ντα κα σεβάνεν ο εκ ι γιαβερές. Να κα κεράς πράγματα με το ζόρι, να κα αβάς μπι-τσαλέ γιακχίνγκε, ούτε κα υπαρχίντιβελ μίσος ντα αδικία. Ο τζενέ κα αβέν ενωμέ ντα κα τζουβντιόν αντικάς σαρ μανγκέλα ο Ντεβέλ.​—Ησαΐας 26:9.