Σαρ κα Κερέλ Αμαρί Λατρεία ι Ντεβλέσκο Γκι;

Σαρ ντικχλάμ κο γιαβέρ μάθημας, να κερένα ι Ντεβλέσκο γκι σαρέ ο θρησκείες. Όμως, αβέλα-πες αμαρί λατρεία τι κερέλ ο γκι Οντουλέσκο σο λατσσαρντάς-αμέν. Καγιά «λατρεία», ή γιαβέρτουλους «θρησκεία», κερέλα λέσκο γκι; (Ιακώβου 1:27) Ντικχ σο σικλιαρέλα η Αγία Γραφή.

1. Κατέ πρέπει τι βασίντιβελ αμαρί λατρεία;

Αμαρί λατρεία πρέπει τι βασίντιβελ κι Γραφή. Ο Ιησούς βακερντάς κο Ντεβέλ: «Το λάφι ισί μπαγιά». (Ιωάννης 17:17) Ισί θρησκείες σο να ντένα σημασία κι αλήθεια σο ισί κο Λάφι κι Ντεβλέσκο, κι Αγία Γραφή. Τσσουβένα λάκε θεσιάτε παραδόσεις ντα τζενένγκο σικλιαριπέ. Αλλά ο Ιεχωβά Ντεβέλ να χαιρίνελα ι τζενέντζαρ σο “να ντένα καν κι εντολή λέσκι”. (Διαβάνεν Μάρκος 7:9) Οκιά μπάνταρ, κεράσα λέσκο γκι τι χαιρίνελ κάνα αμαρί λατρεία βασίντιβελα κι Γραφή ντα κεράσα ο συμβουλές λάκε.

2. Σαρ πρέπει τι ντας λατρεία ι Ιεχωβάς;

Επειδή ο Ιεχωβά ισί Οντουβά σο κερντάς-αμέν, αξίνελα τι αβάς αφοσιωμέ σάντε λέστε. (Αποκάλυψη 4:11) Ανταβά μανγκέλα τι βακερέλ ότι πρέπει τι μανγκάς-λες ντα τι ντας λατρεία σάντε λες, χωρίς είδωλα, αγάλματα ή εικόνες.—Διαβάνεν Ησαΐας 42:8.

Αμαρί λατρεία πρέπει τι αβέλ “πάκι ντα τι κερέλ ι Ιεχωβάσκο γκι”. (Ρωμαίους 12:1) Ανταβά μανγκέλα τι σικαβέλ ότι πρέπει τι τζουβντιάς αντικάς σαρ βακερένα λέσκε κανόνες. Για παράδειγμας, οντουλά σο μανγκένα ι Ιεχωβάς μανγκένα ντα κερένα ο κανόνες σο τσσουβέλα ι μπιαβέσκε. Επίσης, νασένα κατά μπέτι χούγια σαρ ισί ο τσιγάρα, ο ναρκωτικά ντα ο ματιπέ.a

3. Σόσκε πρέπει τι ντας λατρεία ι Ιεχωβάς γιεκ αμαρέ πφραλέντζαρ;

Αμαρέ συναθροίσεις σο αβένα-πες κάθε εβδομάδα ντένα-αμέν ι ευκαιρία τι “ισαράς ι Ιεχωβάς . . . κι κχανγκιρί”. (Ψαλμός 111:1, 2) Εκ τρόπος σο κεράσα-λες ανταβά ισί κάνα γκιλιαβάσα ύμνους κο Ντεβέλ. (Διαβάνεν Ψαλμός 104:33) Ο Ιεχωβά βακερέλα αμένγκε τι τζας κο συναθροίσεις επειδή μανγκέλα-αμέν ντα τζανέλα ότι κα βοηθίνεν-αμέν τι τζουβντιάς ευτυχισμέ για πάντα. Η ζορ σο λάσα κατά συναθροίσεις κερέλα αμένγκε λατσσιπέ.

ΧΑΝΤΖΟΥΒ ΠΟ ΑΧΟΡΤ

4. Δεν πρέπει τι τθεράς εικόνες για τι ντας λατρεία

ΒΙΝΤΕΟΣ: Μανγκέλα ο Ντεβέλ τι Χρησιμοποιήνας Εικόνες για τι Ντας Λατρεία; (3:26)

• Σο αβιλό-πες κο πουρανέ μπρεσά κάνα μερικοί κατά λαός ι Ντεβλέσκο κερντέ εκ είδωλος για τι ντεν-λες λατρεία;

Μερικά τζενέ ντένα λατρεία ι Ντεβλές αντράλ κατά εικόνες σόσκε αντικάς νιωθίνενα πο πασέ λέστε. Αλλά μήπως ανταβά κερέλα ι Ντεβλές τι νασέλ λένταρ ντουρ; Διαβάνεν Έξοδος 20:4-6 ντα Ψαλμός 106:35, 36 ντα σοράν συζητίνεν ο ερωτήσεις:

• Καλά πράγματα, αγάλματα ή εικόνες τθερέσα ντικχλό τούι τι χρησιμοποιήνεν ο τζενέ για τι ντεν λατρεία;

• Σαρ νιωθίνελα ο Ιεχωβά ανταλέσαρ σο κερένα ο τζενέ;

• Σαρ ντικχέσα-λες τούι ανταβά;

5. Άμα ντάσα λατρεία σάντε ι Ιεχωβάς, ελευθερώντιβασα κατά χουχαΐματα σο πακιάνα ο τζενέ

ΒΙΝΤΕΟΣ: Η Αλήθεια Ελευθερωντάς-λες (5:16)

Διαβάνεν Ψαλμός 91:14 ντα σοράν συζητίνεν ι ερώτηση:

• Σο ντέλα πο λάφι ο Ιεχωβά τι κερέλ αμένγκε άμα σικαβάσα λέσκε αμαρί αγάπη ντα ντάσα λατρεία σάντε λες;

6. Ντάσα λατρεία ι Ντεβλές κο συναθροίσεις

Δοξάνασα ι Ιεχωβάς ντα ντάσα ζορ ο εκ ι γιαβερές κάνα γκιλιαβάσα ύμνους ντα ντάσα απαντήσεις κο συναθροίσεις. Διαβάνεν Ψαλμός 22:22 ντα σοράν συζητίνεν ο ερωτήσεις:

• Μπεϊντίνεσα τι ασουνές ο απαντήσεις ι γιαβερένγκε κο συναθροίσεις;

• Μανγκέσα τι προετοιμάνες τούι-ντα εκ απάντηση;

7. Αβέλα ο γκι ι Ιεχωβάσκο κάνα βακεράσα κο γιαβερά οντουλά σο σικλιάσα

Τθεράσα μπουτ ευκαιρίες τι βακεράς ο αλήθειες ι Γραφιάκε κο γιαβερά. Διαβάνεν Ψαλμός 9:1 ντα 34:1 ντα σοράν συζητίνεν ι ερώτηση:

• Σικλιλάν κάτι κατά Γραφή σο κα μανγκέας τι βακερές-λες εκχέ τζενέστε;

ΧΑΝΙΚ ΛΑΦΙΝΤΖΑΡ

Κεράσα ο γκι Οντουλέσκο σο κερντάς-αμέν κάνα ντάσα λατρεία σάντε λες, κάνα δοξάνασα-λες κο συναθροίσεις ντα κάνα βακεράσα κο γιαβερά οντουλά σο σικλιάσα.

Σο Σικλιλάν;

• Σαρ μπορίνασα τι σικλιάς καβά ισί ο σωστός τρόπος λατρεία ι Ντεβλές;

• Σόσκε πρέπει τι ντας λατρεία σάντε ι Ιεχωβάς;

• Σόσκε πρέπει τι ντας λατρεία ι Ντεβλές γιεκ γιαβερέντζαρ σο μανγκένα τι κερέν λέσκο γκι;

ΡΟΝΤΕ

Κι ιστορία «Ακανά να Ντάβα Λατρεία κο Είδωλα», διάβανε σαρ εκ τζενί τσσιναντάς τι ντελ λατρεία κο είδωλα.

«Η Αγία Γραφή Αλλάνελα Ζωές» (Η Σκοπιά 1 Ιουλίου 2011)

Σίκλιουβ σο κα βοηθίνελ-τουτ τι ντες απαντήσεις κο συναθροίσεις.

«Τι Δοξάνεν ι Ιεχωβάς κι Κχανγκιρί» (Η Σκοπιά, Ιανουάριος 2019)

Ντικχ καζόμ λατσσιπέ κερντέ εκχέ τερνέσκε ο συναθροίσεις παρόλο σο ισινέ δύσκολος λέσκε τι τζαλ οτθέ.

Ο Ιεχωβά Πφαμπιλό Μάνγκε (3:07)

Μπουτ τζενέ αμντίνενα ότι πρέπει τι πακιάν κο σταυρός για τι βακέρντιβεν Χριστιανοί. Αλλά ισί σωστός τι χρησιμοποιήνας-λες για τι ντας λατρεία;

«Σόσκε να Χρησιμοποιήνενα ο Μάρτυρες ι Ιεχωβάσκε ο Σταυρός για τι Ντεν Λατρεία;» (Θέμας κο ιστότοπος)