Τι Τραμπίνες Διασκέδαση σο Κερέλα ι Ιεχωβάσκο Γκι

Ο Ιεχωβά ισί “ο ευτυχισμέ Ντεβέλ”. (1 Τιμόθεο 1:​11) Μανγκέλα τι αβάς ευτυχισμέ ντα τι απολαμβάνας αμαρί ζωή. Χαιρίνελα κάνα μουκχάσα σαάτι για τι ξεκουράντιβας κατά μπουτί ντα τι χαλαρώνας. Ανταλέ μαθημάστε, κα ντικχάς σαρ μπορίνασα τι χρησιμοποιήνας αμαρό ελεύθερος χρόνος για τι διασκεδάνας τροπόσαρ σο ντέλα-αμέν χαρά, αλλά κερέλα ι Ιεχωβάσκο γκι-ντα.

1. Σο πρέπει τι σκεφτίνας κάνα τραμπίνασα σαρ κα διασκεδάνας;

Σο μπεϊντίνεσα τι κερές κάνα χαλαρώνεσα; Μερικά τζενέ τραμπίνενα τι νακχέν ήρεμα πουμαρό σαάτι κο κχερ​—τι διαβάνεν εκ βιβλίος, τι ασουνέν γκιλιά, τι ντικχέν εκ σιναμάς, ή τι ντικχέν πέσκε κο Ίντερνετ. Γιαβερά τζενέ μπεϊντίνενα τι κερέν διάφορα πράγματα πουμαρέ αμαλέντζαρ​—τι πφιρέν, τι τζαν τι κερέν μπάνιος κι ντεριάβ ή τι κχελέν εκ παιχνίδι. Σο-ντα τι κεράς, πρέπει τι αβάς σίγουροι ότι η διασκέδαση σο τραμπίνασα “ισί σωστή κι Κυριόσκε γιακχά”. (Εφεσίους 5:​10) Ισί σημαντικός τι αγαβάς-λες ανταβά, επειδή μπουτ πράγματα σο ο τζενέ αντιβές τραμπίνενα τι ντικχέν, τι ασουνέν ή τι κερέν, ισί πράγματα σο μισίνελα ο Ιεχωβά, σαρ ισί η βία, ο λουμνιπέ ντα ο μπενγκαλέ πράγματα. (Διαβάνεν Ψαλμός 11:5) Σο κα βοηθίνελ-αμέν τι τραμπίνας γκοντιαβέρ τροπόσαρ αμαρί διασκέδαση;

Άμα ο αμαλά σο τραμπίνασα μανγκένα ι Ιεχωβάς, κα επηρεάνεν λατσσέ τροπόσαρ εμ αμέν εμ οντουλά σο τραμπίνασα για τι διασκεδάνας. Σαρ ντικχλάμ σε εκ προηγούμενος μάθημας, «οντουβά σο πφιρέλα γκοντιαβέρ τζενέντζαρ κα αβέλ γκοντιαβέρ». Οκιά μπάνταρ, άμα κεράσα μπουτ παρέα τζενέντζαρ σο να μανγκένα ο κανόνες ι Ντεβλέσκε, “κα τθεράς μπέτι αποτελέσματα”.​—Παροιμίες 13:20.

2. Σόσκε ισί σημαντικός τι ντικχάς καζόμ σαάτι ντάσα κι διασκέδαση;

Ατζέ-ντα άμα η διασκέδαση σο τραμπίνασα ισί λατσσί πρέπει τι προσοχίνας μα τι ντας μπουτ σαάτι λάτε. Αλλιώς, μπέκιμ μα τι ατσσόλ αμένγκε μπουτ σαάτι πο σημαντικέ πραγματένγκε σο πρέπει τι κεράς. Η Αγία Γραφή βακερέλα αμένγκε τι “χρησιμοποιήνας αμαρό χρόνος καζόμ πο λατσσές αβέλα-πες”.​—Διαβάνεν Εφεσίους 5:​15, 16.

ΧΑΝΤΖΟΥΒ ΠΟ ΑΧΟΡΤ

Ντικχ σαρ μπορίνεσα τι λες λατσσέ αποφάσεις κάνα τραμπίνεσα σαρ κα διασκεδάνες.

3. Τι νασές ντουρ κατά μπέτι διασκέδαση

Σόσκε πρέπει τι τραμπίνας προσεκτικά σαρ διασκεδάνασα; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Σο Διασκέδαση Πρέπει τι Τραμπίναβ; (4:39)

• Σαρ μοιάζενα ο αγώνες κι πουρανί Ρώμη μερικέ πραγματέντζαρ σο διασκεδάνενα ο τζενέ αντιβές;

• Σαρ ντικχλάμ κο βίντεος, σο σικλιλό ο Ντάνι για τη διασκέδαση;

Διαβάνεν Ρωμαίους 12:9 ντα σοράν συζητίνεν ι ερώτηση:

• Σαρ πρέπει τι επηρεάνελ ανταβά εδάφιος οντουλά σο τραμπίνεσα τι κερές για τι διασκεδάνες;

Καλά ισί μερικά πράγματα σο μισίνελα ο Ιεχωβά; Διαβάνεν Παροιμίες 6:​16, 17 ντα Γαλάτες 5:​19-21. Αφού κα διαβάνεν ο κάθε εδάφιος, συζητίνεν ι ερώτηση:

• Καλά πράγματα σο βακερένα ανταλά εδάφια ντικχάσα μπουτ φαρ κο τρόποι σο διασκεδάνενα ο τζενέ αντιβές;

Σαρ τι τραμπίνες τι διασκέδαση γκοντιάσαρ

Σκέφτινε:

• Σο; Μήπως τθερέλα κάτι σο μισίνελα ο Ιεχωβά;

• Κάνα; Μήπως τσσουβάβα-λα πο οπρέ πραγματένταρ σο ισί πο σημαντικά;

• Κάσαρ; Μήπως ανέλα-μαν πο πασέ τζενέντζαρ σο να μανγκένα ι Ιεχωβάς;

Ο πο λατσσό ισί τι ατσσάς καζόμ πο ντουρ αβέλα-πες κατά κίνδυνος. Οντουλέσκε, πρέπει τι ατσσάς ντουρ κατά διασκέδαση σο νακχέλα αμαρέ γκοντιάταρ ότι μπέκιμ νανέ λατσσί αμένγκε

4. Τι χρησιμοποιήνες το σαάτι γκοντιάσαρ

ΒΙΝΤΕΟΣ: Σο Ισί Οντουβά σο Κερέλα Κουμάντος Τουμαρό Σαάτι; (2:45)

• Παρόλο σο ο πφραλ κο βίντεος να ντικχέλας κάτι μπέτι, σαρ επηρεάντιβελας κατά τρόπος σο χρησιμοποιήνελας πο σαάτι;

Διαβάνεν Φιλιππησίους 1:​10 ντα σοράν συζητίνεν ι ερώτηση:

• Σαρ βοηθίνελα-αμέν ανταβά εδάφιος τι τραμπίνας καζόμ σαάτι κα μουκχάς για τι διασκεδάνας;

5. Τι τραμπίνες διασκέδαση σο ισί λατσσί

Παρόλο σο υπαρχίντιβελα διασκέδαση σο στεναχωρίνελα ι Ιεχωβάς, υπαρχίντιβενα μπουτ γιαβερά-ντα πράγματα σο κερένα λέσκο γκι. Διαβάνεν Εκκλησιαστής 8:​15 ντα Φιλιππησίους 4:8 ντα σοράν συζητίνεν ι ερώτηση:

• Καγιά διασκέδαση σο ισί λατσσί μπεϊντίνεσα τούι;

ΧΑΝΙΚ ΛΑΦΙΝΤΖΑΡ

Ο Ιεχωβά μανγκέλα τι τραμπίνας ντα τι απολαμβάνας διασκέδαση σο ισί λατσσί.

Σο Σικλιλάν;

• Καλέ τροπόσαρ δεν πρέπει τι διασκεδάνεν ο Χριστιανοί;

• Σόσκε πρέπει τι προσοχίνας καμπόρ σαάτι αφιερώνασα κι διασκέδαση;

• Σόσκε μανγκέσα τι τραμπίνες διασκέδαση σο κερέλα ο γκι ι Ιεχωβάσκο;

ΡΟΝΤΕ

Ντικχ κον τθερέλα ι ευθύνη τι τραμπίνελ αμαρί διασκέδαση.

«Βακερένα ο Μάρτυρες ι Ιεχωβάσκε ότι Μερικά Συγκεκριμέ Σιναμάδες, Βιβλία ή Γκιλιά δεν Πρέπει τι Ντικχάς-λεν ή τι Ασουνάς-λεν;» (Θέμας κο ιστότοπος)

Σίκλιουβ σο μπορίνεσα τι κερές για τι διασκεδάνες γκοντιάσαρ.

«Ισί τι Διασκέδαση Λατσσί;» (Η Σκοπιά 15 Οκτωβρίου 2011)

Κι ιστορία «Νακχαντόμ Ατζέ-ντα ο Ρατσισμός», ντικχ σόσκε αρχισάλο εκ τζενό τι κερέλ αλλαγές κι διασκέδαση.

«Η Αγία Γραφή Αλλάνελα Ζωές» (Η Σκοπιά 1 Φεβρουαρίου 2010)

Τσσουβ σημασία σαρ εκ ντάι τραμπίνελα γκοντιάσαρ μα τι διασκεδάνελ τροπόσαρ σο τθερέλα τι κερέλ μπενγκαλέ πραγματέντζαρ.

Τι Νασέν Ντουρ Κατά Διασκέδαση σο Τθερέλα τι Κερέλ Μπενγκαλέ Πραγματέντζαρ (2:02)