ΜΑΘΗΜΑΣ 54
Κον Ισί «ο Πιστός ντα Γκοντιαβέρ Δούλος» ντα σο Κερέλα;
Ο Ιησούς ισί ο Σορό κι Χριστιανική κχανγκιρί. (Εφεσίους 5:23) Αντιβές, κατά ουρανός, ο Ιησούς οδηγίνελα πι υπηρετόν κι πφουβ αντράλ κατά «πιστός ντα γκοντιαβέρ δούλος». (Διαβάνεν Ματθαίος 24:45) Ο Ιησούς Χριστός διοριντάς ανταλέ “δουλός” ντα ντινάς-λες ο δικαίωμας τι λελ σημαντικές αποφάσεις. Όμως, ανταβά δούλος πρέπει τι ντελ καν κο Χριστός ντα τι υπηρετίνελ ι Χριστόσκε πφραλέν. Κον ισί ανταβά δούλος; Σαρ φροντίνελα-αμέν ο δούλος;
1. Κον ισί «ο πιστός ντα γκοντιαβέρ δούλος»;
Ο Ιεχωβά πάντα χρησιμοποιήνελας εκχέ μουρσές ή εκ χουρντί ομάδα μουρσένγκι για τι οδηγίνελ Πι λαός. (Μαλαχίας 2:7· Εβραίους 1:1) Σοράν κατά μεριπέ ι Ιησούσκο, κερένας κουμάντος ο απόστολοι ντα ο πρεσβύτεροι σο ισινέ κι Ιερουσαλήμ. (Πράξεις 15:2) Αντιβές-ντα, εκ χουρντί ομάδα πρεσβυτερόνγκι—ο Κυβερνών Σώμας ι Ιεχωβάσκε Μαρτυρένγκο—ντέλα πνευματικός χαμπέ ντα οδηγίνελα ο έργος ι Βασιλειάκο. Ανταγιά ομάδα ισί “ο πιστός ντα γκοντιαβέρ δούλος σο τσσουντάς-λες [ο Ιησούς]”. (Ματθαίος 24:45α) Σαρέ ο τζενέ κο Κυβερνών Σώμας ισί χρισμέ κατά πνεύμας Χριστιανοί. Κάνα κα μερέν ατθέ κι πφουβ, λένγκι ζωή να κα τελειώνελ. Σόσκε; Επειδήμπεκλεντίνενα τι συμμετεχίνεν ι Χριστόσαρ λέσκε Βασιλειάτε σο ισί κο ουρανός.
2. Σο πνευματικός χαμπέ ντέλα ο πιστός δούλος;
Ο Ιησούς βακερντάς ότι ο πιστός δούλος κα “ντέλας [πι πφραλέντε] χαμπέ αζομάν σο πρέπει τι ντελ-λες”. (Ματθαίος 24:45β) Σαρ ο χαμπέ σο χάσα βοηθίνελα-αμέν τι ατσσάς ζουρανέ ντα λατσσές κι υγεία, αντικάς ο πνευματικός χαμπέ-ντα—ο σικλιαριπέ κατά Λάφι ι Ντεβλέσκο—ντέλα-αμέν ι ζορ σο χρειαζίντιβασα για τι ατσσάς αφοσιωμέ κο Ιεχωβά ντα τι κεράς ο έργος σο βακερντάς αμένγκε ο Ιησούς. (1 Τιμόθεο 4:6) Λάσα ανταβά πνευματικός χαμπέ κατά συναθροίσεις ντα κατά συνελεύσεις, αλλά εμ κατά έντυπα ντα κατά βίντεα σο βασίντιβενα κι Αγία Γραφή ντα βοηθίνενα-αμέν τι αγαβάς ο θέλημας ι Ντεβλέσκο ντα τι κεράς πο ζουρανί αμαρί φιλία λέσαρ.
ΧΑΝΤΖΟΥΒ ΠΟ ΑΧΟΡΤ
Ντικχ σόσκε χρειαζίντιβασα “ι πιστέ ντα γκοντιαβέρ δουλός”—ο Κυβερνών Σώμας.
Ο Κυβερνών Σώμας ντέλα πνευματικός χαμπέ, κατεύθυνση ντα βοηθίνελα ι Ιεχωβάσκε Μαρτυρέν σαρί κι πφουβ
3. Ο λαός ι Ιεχωβάσκο πρέπει τι αβέλ οργανωμέ
Αντράλ κατά κατεύθυνση ι Ιησούσκι, ο Κυβερνών Σώμας οργανώνελα ο έργος ι Ιεχωβάσκε Μαρτυρένγκο. Κάτι ασακό αβέλας-πες κο μπρεσά κι πρώτε Χριστιανόνγκε-ντα. Ντικχέν ο ΒΙΝΤΕΟΣ.
Διαβάνεν 1 Κορινθίους 14:33, 40 ντα σοράν συζητίνεν ι ερώτηση:
Σαρ σικαβένα ανταλά εδάφια ότι ο Ιεχωβά μανγκέλα τι αβέν λέσκε Μάρτυρες οργανωμέ;
4. Ο πιστός δούλος οργανώνελα αμαρό έργος
Ο έργος ισινέ η πο σημαντική μπουτί σο κερένας ο πρώτοι Χριστιανοί. Διαβάνεν Πράξεις 8:14, 25 ντα σοράν συζητίνεν ο ερωτήσεις:
Καλά τζενέ κατά πρώτοι Χριστιανοί οδηγίνενας ο έργος;
Σο κερντέ ο Πέτρος ντα ο Ιωάννης κάνα ντιντιλί εκ οδηγία κατά γιαβερά απόστολοι;
Ο έργος ισί η πο σημαντική μπουτί σο οργανώνελα ο Κυβερνών Σώμας. Ντικχέν ο ΒΙΝΤΕΟΣ.
Ο Ιησούς βακερντάς καζόμ σημαντικός ισί ο έργος. Διαβάνεν Μάρκος 13:10 ντα σοράν συζητίνεν ο ερωτήσεις:
Σόσκε ισί ο έργος αζόμ σημαντικός για το Κυβερνών Σώμας;
Σόσκε χρειαζίντιβασα “ι πιστέ ντα γκοντιαβέρ δουλός” τι οργανώνελ ανταβά έργος σο αβέλα-πες σαρί κι πφουβ;
5. Ο πιστός δούλος οδηγίνελα-αμέν
Ο Κυβερνών Σώμας οδηγίνελα ι Χριστιανόν σαρί κι πφουβ. Σαρ αποφασίνελα σο οδηγίες κα ντελ; Ντικχ σαρ κερντάς-λες ανταβά ο κυβερνών σώμας ι πρώτε Χριστιανόνγκο. Διαβάνεν Πράξεις 15:1, 2 ντα σοράν συζητίνεν ο ερωτήσεις:
Καλέ θεμάστε να συμφωνίνενας μερικοί κατά πρώτοι Χριστιανοί;
Κατάρ μανγκλέ βοήθεια ο Παύλος, ο Βαρνάβας ντα γιαβερά τζενέ για τι λύνεν ο θέμας;
Διαβάνεν Πράξεις 15:12-18, 23-29 ντα σοράν συζητίνεν ι ερώτηση:
Πριν τι λελ εκ απόφαση, σο σκεφτιντάς ο κυβερνών σώμας οντουλέ μπρεσέντε καζόμ ρόντελας ι κατεύθυνση ι Ντεβλέσκι οπράλ ανταλέ θεμάστε;—Ντικχέν ο εδάφια 12, 15 ντα 28.
Διαβάνεν Πράξεις 15:30, 31 ντα 16:4, 5 ντα σοράν συζητίνεν ο ερωτήσεις:
Σο κερντέ ο πρώτοι Χριστιανοί κο οδηγίες σο ντινάς ο κυβερνών σώμας;
Σαρ ευλογιντάς-λεν ο Ιεχωβά επειδή ντινέ καν;
Διαβάνεν 2 Τιμόθεο 3:16 ντα Ιακώβου 1:5 ντα σοράν συζητίνεν ι ερώτηση:
Κατάρ μανγκέλα βοήθεια ο Κυβερνών Σώμας αντιβές κάνα λέλα αποφάσεις;
ΜΕΡΙΚΑ ΤΖΕΝΕ ΒΑΚΕΡΕΝΑ: «Άμα ασουνέσα ο Κυβερνών Σώμας, ακολουθίνεσα τζενέν».
Σο κερέλα τουτ τι πακιάς ότι ο Ιησούς οδηγίνελα ο Κυβερνών Σώμας;
ΧΑΝΙΚ ΛΑΦΙΝΤΖΑΡ
Ο Κυβερνών Σώμας ισί «ο πιστός ντα γκοντιαβέρ δούλος» σο τσσουντάς-λες ο Χριστός. Οδηγίνελα ντα ντέλα πνευματικός χαμπέ κο Χριστιανοί σαρί κι πφουβ.
Σο Σικλιλάν;
Κον τσσουντάς “ι πιστέ ντα γκοντιαβέρ δουλός”;
Σαρ φροντίνελα-αμέν ο Κυβερνών Σώμας;
Τούι, πακιάσα ότι ο Κυβερνών Σώμας ισί «ο πιστός ντα γκοντιαβέρ δούλος»;
ΡΟΝΤΕ
Ντικχ σαρ ισί οργανωμέ ο Κυβερνών Σώμας για τι κερέλ πο έργος.
«Σο Ισί ο Κυβερνών Σώμας ι Ιεχωβάσκε Μαρτυρένγκο;» (Θέμας κο ιστότοπος)
Σίκλιουβ σο κερέλα ο Κυβερνών Σώμας για τι αβέλ σίγουρος ότι μπορίνασα τι ντας μπέσα κο πνευματικός χαμπέ σο λάσα.
Σαρ νιωθίνενα ο τζενέ σο ισί κο Κυβερνών Σώμας ι εργόσκε σο ντινάς-λεν ο Ιησούς τι κερέν;
Σαρ σικαβένα ο συναθροίσεις ντα αμαρέ συνελεύσεις ότι ο Ιεχωβά οδηγίνελα ο Κυβερνών Σώμας;