Ο Ανιψιός ι Παυλόσκο Ισινέ Μπι-Νταρανό

Για τι σικλιάς εκχέ τερνέ τσσαβέσκε σο σωντάς ι ζωή πι κακέσκι. Λέσκο κακ ισινέ ο απόστολος Παύλος. Να τζανάσα σαρ βακερένας ανταλέ τερνέ τσσαβέσκε, αλλά τζανάσα ότι κερντάς κάτι σο σικαντάς ότι να νταρέλας. Μανγκέσα τι σικλιός σο κερντάς;​—

Ο Παύλος ισινέ φυλακισμέ κι Ιερουσαλήμ. Ασταρντέας-λες επειδή κερέλας λάφι ι Ιησούσκε. Ισινέ τζενέ σο μισίνενας ι Παυλός, οτθάρ σκεφτιντέ τι κερέν λέσκε με πφιρνιπέ εκ μπέτι πράγμας. Βακερντέ: “Ελάν τι μανγκάς κατά διοικητής τι τσσουβέλ πι στρατιωτέν τι ανέν ι Παυλός κο δικαστήριος. Κα γκεραβάς-αμέν κο ντρομ ντα, κάνα κα νακχέλ ο Παύλος, κα μουνταράς-λες!”

Ο ανιψιός ι Παυλόσκο ασουντάς οντουβά σο μανγκένας τι κερέν. Σο κα κερέλας; Γκιλό κι φυλακή ντα βακερντάς-λες πι κακέσκε. Ο Παύλος βακερντάς λέσκε τι τζαλ σουγκό τι βακερέλ κο διοικητής ανταλέ μπέτι πραγμάσκε σο μανγκένας τι κερέν λέσκε. Πακιάσα ότι ισινέ εύκολος τι βακερέλ-λες ανταβά κο διοικητής ο ανιψιός ι Παυλόσκο;​— Όχι, επειδή βοβ τθερέλας μπαρό ναβ κο ντουνιάς. Ο ανιψιός ι Παυλόσκο, όμως, ισινέ μπι-νταρανό ντα κερντάς λέσαρ λάφι.

Ο διοικητής τζανέλας σο έπρεπε τι κερέλ. Γκιντιντάς πι στρατιωτέν σο ισινέ περίπου 500 μουρσά για τι αρακχαβέν ι Παυλός οντουλένταρ σο μανγκένας τι μουνταρέν-λες! Βακερντάς λένγκε τι γκερέν-λες κι Καισάρεια όταν κα αράτιβελας. Σωσάλο ο Παύλος;​— Βα, οντουλά γκεραλέ τζενέ να μουνταρντέ-λες τελικά! Οντουβά μπέτι πράγμας να μπορισάλε τι κερέν-λες.

Σο σικλιόσα ανταλέ ιστοριάταρ;​— Τούι-ντα μπορίνεσα τι αβές μπι-νταρανό, σαρ ο ανιψιός ι Παυλόσκο, όταν κερέσα λάφι κο γιαβερά ι Ιεχωβάσκε. Κα συνεχίνες τι αβές μπι-νταρανό ντα τι κερές λάφι ι Ιεχωβάσκε;​— Άμα κα κερές-λες ανταβά, μπορεί τι σώνες τούι-ντα τζενέν.