Ο Παύλος ντα ο Τιμόθεος

Ο Τιμόθεος ισινέ εκ τερνό πφραλ κι κχανγκιρί κο Λύστρα. Λέσκο ντατ ισινέ Μπαλαμό ντα λέσκι ντάι Ιουδαία. Λέσκι ντάι η Ευνίκη ντα λέσκι μπάμπα η Λωίδα σικλιαρντέας ι Τιμοθεός ι Ιεχωβάσκε χουρντιαρέλα μπερί.

Κο δεύτερος ταξίδι σο κερντάς ο Παύλος για τι βακερέλ ο λατσσέ αμπέρια γκιλό κο Λύστρα ντα ντικχλάς ότι ο Τιμόθεος μανγκέλας μπαγιά πι πφραλέν ντα μπεϊντίνελας μπουτ τι βοηθίνελ-λεν. Ο Παύλος βακερντάς κο Τιμόθεος τι τζαλ παλά-λέστε κο ταξίδια σο κα κερέλας. Καζόμ νακχέλας ο καιρός, ο Παύλος σικλιαρντάς ι Τιμοθεός τι σικλιαρέλ ντα τι βακερέλ μπουτ λατσσές ο λατσσέ αμπέρια.

Ο άγιος πνεύμας οδηγίνελας ι Παυλός ντα ι Τιμοθεός κάι-ντα τι τζάνας. Εκ ιράτ, ο Παύλος ντικχλάς εκχέ φαντασιάτε, εκχέ μουρσές τι βακερέλ λέσκε τι τζαλ κι Μακεδονία ντα τι βοηθίνελ-λεν. Οτθάρ, ο Παύλος, ο Τιμόθεος, ο Σίλας ντα ο Λουκάς γκιλέ οτθέ για τι βακερέν ο λατσσέ αμπέρια ντα τι κερέν νεβέ κχανγκιριά.

Κι Θεσσαλονίκη, εκ πόλη σο ισί κι Μακεδονία, μπουτ μουρσά ντα τζουβλιά αβιλέας Χριστιανοί. Αλλά κάποιοι Ιουδαίοι ζηλίνενας ι Παυλός ντα λέσκε συνεργατόν. Οτθάρ γκιντιντέ μπουτέ τζενέν, γκερντέ ι πφραλέν κο άρχοντες σο τθερέλας η πόλη, ντα ντένας βίκος: “Ακαλά μουρσά τζάνα κόντρα κι ρωμαϊκή κυβέρνηση!” Η ζωή ι Παυλόσκι ντα ι Τιμοθεόσκι ισινέ σε κίνδυνος, οτθάρ νασλέ κι ίδια ιράτ για τι τζαν κι Βέροια.

Ο τζενέ κι Βέροια μανγκένας μπουτ τι σικλιόν ο λατσσέ αμπέρια, ντα αβιλέ πιστοί εμ Έλληνες εμ Ιουδαίοι. Αλλά κάνα γκιλέ κάποιοι Ιουδαίοι κατά Θεσσαλονίκη ντα αντέ προβλήματα, ο Παύλος νασλό κι Αθήνα. Ο Τιμόθεος ντα ο Σίλας μπεσλέ κι Βέροια για τι ντεν ζορ κο πφραλά. Πο σοράν, ο Παύλος μπουτσσαντάς ι Τιμοθεός παλάλ κι Θεσσαλονίκη για τι βοηθίνελ ι πφραλέν τι νταϊντίνεν ι μπαρί κόντρα σο τθερένας. Σοράν, ο Παυλός μπουτσσαντάς ι Τιμοθεός τι τζαλ γιαβερέ-ντα κχανγκιρίντε ντα τι ντελ-λεν ζορ.

Ο Παύλος βακερντάς κο Τιμόθεος: “Οντουλά σο μανγκένα τι υπηρετίνεν ι Ιεχωβάς κα τζαν λέντζαρ κόντρα”. Ιτιρί κατά πίστη σο τθερέλας ο Τιμόθεος, γκιλέ λέσαρ κόντρα ντα τσσουντέ-λες κι φυλακή. Όμως ισινέ ευτυχισμέ σο τθερέλας ι ευκαιρία τι σικαβέλ πι αφοσίωση κο Ιεχωβά.

Ο Παύλος βακερντάς κο Φιλιππησίους: “Μπουτσσαβάβα τουμένγκε ι Τιμοθεός. Κα σικλιαρέλ-τουμέν σο μανγκέλα τι βακερέλ τι πφιρέλ κάποιος κι αλήθεια, ντα κα σικλιαρέλ-τουμέν τι βακερέν ο λατσσέ αμπέρια”. Ο Παύλος τζανέλας ότι μπορίνελας τι ντελ μπέσα κο Τιμόθεος. Ισινέ μπουτ λατσσέ αμαλά ντα υπηρετίνενας γιεκ ι Ιεχωβάς για μπουτ μπρεσά.