Ο Ιακώβ Λιντάς ι Κληρονομιά

Ο Ισαάκ ισινέ 40 μπρεσένγκο κάνα παντρισάλο με τη Ρεβέκκα. Μανγκέλας-λα μπουτ. Καζόμ νακχένας ο μπρεσά, κερντέ ντουέ τσσαβέν​—ντουέ μουρσέν σο ισινέ δίδυμα.

Ι μπαρέ τσσαβέσκε βακερένας Ησαύ ντα ι χουρντέσκε Ιακώβ. Ο Ησαύ μπεϊντίνελας μπουτ τι αβέλ αβρί, ντα ισινέ λατσσό κυνηγός. Αλλά ο Ιακώβ μπεϊντίνελας τι μπεσέλ κχερέ.

Οντουλά μπρεσά, ο μπαρό τσσαβό λέλας ο πο μπαρό τθαν ντα ο πο μπουτ λοβέ κάνα μερέλας λέσκο ντατ. Ανταβά βακέρντιβελας κληρονομιά. Κι φαμιλί σο τθερέλας ο Ισαάκ, οντουβά σο κα λέλας ι κληρονομιά κα τθερέλας εκ σημαντικός ρόλος κο υποσχέσεις σο ντινάας ο Ιεχωβά κο Αβραάμ. Ανταλά υποσχέσεις να ντικχέλας-λεν σημαντικές ο Ησαύ, αλλά ο Ιακώβ τζανέλας ότι ισινέ μπουτ σημαντικές.

Εκ ντιβές, ο Ησαύ βουρτισάλο κχερέ μπουτ κχινό επειδή σαρό ο ντιβές ισινέ αβρί ντα κυνηγίνελας ζώα. Κάνα ντινάς αντρέ κο κχερ ο χαμπέ σο κερέλας ο Ιακώβ κχάντελας μίσκι ντα βακερντάς: “Μουλόμ μποκχάταρ! Τσσουβ μάνγκε χάνικ ανταλέ λολέ χαμπέσταρ!” Ο Ιακώβ βακερντάς: “Κα τσσουβάβ τούκε, αλλά πρώτα κα ντες-μαν το λάφι ότι μπορίναβα τι λαβ τι κληρονομιά”. Ο Ησαύ βακερντάς: “Μπορίνεσα τι λες μι κληρονομιά. Να χάλα-μαν ανάγκη! Με μανγκάβα τι χαβ”. Ντικχέσα σωστός ανταβά σο κερντάς ο Ησαύ; Όχι, να ισινέ ιτς σωστός. Ο Ησαύ ντινάς κάτι μπουτ σημαντικός σάντε για εκ τσαρό χαμπέ.

Κάνα ο Ισαάκ πφουρίλιλο μπουτ, αβιλό ο σαάτι τι ντελ πι ζαμ πι μπαρέ τσσαβέστε. Αλλά η Ρεβέκκα βοηθιντάς τον Ιακώβ, ι χουρντέ τσσαβές, τι λελ ι ζαμ. Κάνα σικλιλό-λες ανταβά ο Ησαύ, χολιασάλο μπουτ ντα μανγκέλας τι μουνταρέλ πι δίδυμε πφραλές. Ο Ισαάκ ντα η Ρεβέκκα μανγκένας τι αρακχαβέν τον Ιακώβ, οτθάρ βακερντέ λέσκε: “Τζα τι κακέστε κο Λάβαν ντα μπες οτθέ μέχρι τι ηρεμίνελ ο Ησαύ”. Ο Ιακώβ ασουντάς πι νταντές ντα πι νταγιά ντα νασλό για τι σώνελ πι ζωή.