Ο Δαβίδ ντα ο Σαούλ

Κάνα ο Δαβίδ μουνταρντάς τον Γολιάθ, ο βασιλιάς Σαούλ κερντάς-λες αρχηγός πι στρατόστε. Ο Δαβίδ λιντάς μπουτ νίκες, ντα αβιλό μπουτ γνωστός σαριλέντε. Κάνα βουρτίνελας κχερέ κατά πόλεμος, ο τζουβλιά νικιόνας αβρί ντα γκιλιαβένας: “Ο Σαούλ μουνταρντάς χιλιάδες, ντα ο Δαβίδ μουνταρντάς δεκάδες χιλιάδες!” Αζομάν, ο Σαούλ αρχιντάς τι ζηλίνελ ι Δαβιδίς ντα μανγκέλας τι μουνταρέλ-λες.

Ο Δαβίδ κχελέλας άρπα, ντα κχελέλας μπουτ λατσσές. Εκ ντιβές σο ο Δαβίδ κχελέλας άρπα για τον Σαούλ, βοβ φουρτιντάς οπρά-λέστε πο δόρυ. Ο Δαβίδ ερεσαντάς τι τσσίντελ-πες, ντα ο δόρυ καρφωσάλο κο ντουβάρι. Σοράν ανταλέσταρ, ο Σαούλ προσπαθιντάς τι μουνταρέλ ι Δαβιδίς μπουτ φαρ. Οτθάρ, ο Δαβίδ νασλό για τι γλιτώνελ πι ζωή ντα γκεραβέλας-πες κι έρημος.

Ο Σαούλ λιντάς πέσαρ εκ στρατός 3.000 μουρσέντζαρ ντα γκιλό τι κυνηγίνελ ι Δαβιδίς. Ο Σαούλ χωρίς τι αγαβέλ τσσουντάς-πες αντρέ κι σπηλιά σο γκεραβένας-πες ο Δαβίδ ντα λέσκε μουρσά. Ο μουρσά ι Δαβιδίσκε βακερντέ λέσκε: “Άκ’ τι ευκαιρία τι μουνταρές-λες”. Ο Δαβίδ γκιλό πασέ κο Σαούλ σιγά σιγά ντα τσσιντάς χάνικ κοτόρ λέσκε σεΐνταρ. Όμως, ο Σαούλ να αγαντάς τίποτα. Σοράν ο Δαβίδ νιωσάλο μπουτ μπέτι σο να σικαντάας σεβασμός για το βασιλιάς σο τραμπιντάας ο Ιεχωβά. Να μουκχλάς πι μουρσέν τι μουνταρέν-λες. Κάνα ο Σαούλ νικίστιλο κατά σπηλιά, ο Δαβίδ ντινάς βίκος ντα βακερντάς λέσκε ότι άμα μανγκέλας κα μπορίνελας τι μουνταρέλ-λες κάνα ντιντιλί-λες η ευκαιρία. Μήπως ανταβά κα κερέλας τον Σαούλ τι αλλάνελ ντα μα τι μανγκέλ τι μουνταρέλ ι Δαβιδίς;

Όχι. Ο Σαούλ συνεχίνελας τι κυνηγίνελ ι Δαβιδίς. Εκ ιράτ, ο Δαβίδ ντα λέσκο ανιψιός ο Αβισαί, ντινέ αντρέ κο στρατόπεδος σο τθερέλας ο Σαούλ, αποτσοράλ. Σοβέλας ατζέ-ντα ο Αβενήρ σο αρακχαβέλας τον Σαούλ. Ο Αβισαί βακερντάς: “Άκ’ αμαρί ευκαιρία! Μουκχ-μαν τι μουνταράβ-λες”. Ο Δαβίδ απαντιντάς: “Ισί ι Ιεχωβάσκι μπουτί ανταγιά. Έλα τι λας σάντε λέσκο δόρυ ντα λέσκι πιρί ι πανίσκε ντα τι νασάς”.

Ο Δαβίδ νικλίστιλο εκχέ βεσέστε σο ισινέ οτθέ πασέ ντα οτθάρ ντικχέλας ο στρατός του Σαούλ ντα ντινάς βίκος: “Αβενήρ, σόσκε να αρακχαντάν τι βασιλιάς; Κατέ ισί η πιρί ντα ο δόρυ λέσκο;” Ο Σαούλ αγαντάς ι φωνή ι Δαβιδίσκι ντα βακερντάς: “Κα μπορίνεας τι μουνταρές-μαν, αλλά να κερντάν-λες. Τζανάβα ότι τούι κα αβές βασιλιάς σοράν μάνταρ κο Ισραήλ”. Σοράν, ο Σαούλ βουρτισάλο πι παλατίστε. Αλλά να μισίνελας ι Δαβιδίς σαρί η φαμιλί του Σαούλ.