Ο Μπίνταρανο ντα Αφοσιωμέ Ιωνάθαν

Ο μπαρό τσσαβό του βασιλιά Σαούλ, ο Ιωνάθαν, ισινέ μπίνταρανο πολεμιστής. Ο Δαβίδ βακερντάς ότι ο Ιωνάθαν τζάλας πο σουγκό κατά αετός ντα ότι ισινέ πο ζουρανό κατά λιοντάρι. Εκ ντιβές, ο Ιωνάθαν ντικχλάς 20 στρατιωτέν σο ισινέ Φιλισταίοι οπράλ εκχέ χουρντέ βεσέστε. Βακερντάς κο τζενό σο ασταρέλας ο όπλα λέσκε: “Κα κεράς λένγκε επίθεση σάντε άμα ο Ιεχωβά κα ντελ-αμέν εκ σημάδι. Άμα ο Φιλισταίοι κα βακερέν αμένγκε τι τζας οπρά-λέντε, αζομάν κα τζας”. Ο Φιλισταίοι ντινέ βίκος: “Ελάν τι πολεμίνας!” Οτθάρ, ο ντούι μουρσά νικλιντέ οπράλ κο χουρντό βες ντα νικιντέ ανταλέ στρατιωτέν.

Επειδή ο Ιωνάθαν ισινέ ο πο μπαρό τσσαβό ι Σαουλίσκο, κα αβέλας βοβ βασιλιάς σοράν πι νταντέσταρ. Ο Ιωνάθαν όμως τζανέλας ότι ο Ιεχωβά τραμπιντάας ι Δαβιδίς για τι αβέλ βασιλιάς κο Ισραήλ σοράν κατά Σαούλ. Αλλά να ζηλίνελας-λες. Ο Ιωνάθαν ντα ο Δαβίδ αβιλέ μπουτ λατσσέ αμαλά. Ντινέ πουμαρό λάφι τι αρακχαβέν ντα τι υπερασπίνεν ο εκ ι γιαβερές. Ο Ιωνάθαν ντινάς κο Δαβίδ εκ κατά σέα σο τθερέλας, πο σπαθίς, πο τόξος ντα πι ζώνη για τι σικαβέλ ότι ισί λέσκο αμάλ.

Κάνα ο Δαβίδ γκεραβέλας-πες κατά Σαούλ, ο Ιωνάθαν γκιλό τι ντικχέλ-λες ντα βακερντάς: “Τι αβές ζουρανό ντα τι τθερές θάρρος. Ο Ιεχωβά τραμπιντάς τουτ για τι αβές βασιλιάς. Ατζέ-ντα μο ντατ τζανέλα-λες ανταβά”. Κα μανγκέας τούι-ντα τι τθερές εκχέ λατσσέ αμαλές σαρ ο Ιωνάθαν;

Πο μπουτ από εκ φαρ, ο Ιωνάθαν τσσουντάς σε κίνδυνος πι ζωή για τι βοηθίνελ πι αμαλές. Τζανέλας ότι ο βασιλιάς Σαούλ μανγκέλας τι μουνταρέλ ι Δαβιδίς, ανταλέσκε βακερντάς πι νταντέσκε: “Κα κερές αμαρτία άμα κα μουνταρές ι Δαβιδίς. Να κερντάς τούκε καέκ κακός”. Ο Σαούλ νευριασάλο μπουτ με τον Ιωνάθαν. Μερικά μπρεσά πο σοράν, ο Σαούλ ντα ο Ιωνάθαν μουλέ γιεκ κο πόλεμος.

Κάνα μουλό ο Ιωνάθαν, ο Δαβίδ ροντιντάς για το τσσαβό του Ιωνάθαν, σο βακερένας λέσκε Μεφιβοσθέ. Κάνα αρακχλάς-λες, βακερντάς λέσκε: “Επειδή το ντατ ισινέ μπουτ λατσσό αμάλ μιρό, κα φροντίναβ-τουτ με, σαρί τι ζωή. Κα τζουβντιός μι παλατίστε ντα κα χας μι τραπεζίστε”. Ο Δαβίδ να μπισταρντάς ποτές πι αμαλές, τον Ιωνάθαν.