Εκ Γκεραλί Βασίλισσα Τιμωρίντιβελα

Κατά παράθυρος ι παλατίσκο σο ισινέ κι Ιεζραέλ, ο βασιλιάς Αχαάβ ντικχέλας εκ χωράφι ρεζέντζαρ σο ισινέ εκχέ τζενέσκο σο βακερένας λέσκε Ναβουθέ. Ο Αχαάβ μπεϊντίνελας ανταβά χωράφι ντα μανγκλάς τι κινέλ-λες κατά Ναβουθέ. Ο Ναβουθέ όμως να μανγκλάς τι μπικινέλ-λες σόσκε ο Νόμος ι Ιεχωβάσκο να μουκχέλας τι μπικινέλ κάποιος ο τθανά σο λιντάς κληρονομιά. Επειδή ο Ναβουθέ κερντάς ο σωστός, μήπως ο Αχαάβ σικαντάς λέσκε σεβασμός; Όχι. Ο Αχαάβ χολιασάλο μπουτ. Ισινέ αζόμ στεναχωριμέ σο να νικιόλας αντράλ πι δωματιόσταρ ντα να μανγκέλας τι χαλ.

Η ρομνί του Αχαάβ, η γκεραλί βασίλισσα Ιεζάβελ, βακερντάς λέσκε: “Τούι ισινάν ο βασιλιάς κο Ισραήλ. Μπορίνεσα τι τθερές σο-ντα μανγκέσα. Με κα λαβ ανταβά χωράφι ντα κα νταβ-λες τούτε”. Οτθάρ, μπουτσσαντάς γράμματα κο πρεσβύτεροι κι τθεμέσκε, ντα μανγκλάς λένταρ τι βακερέν ψέματα ότι ο Ναβουθέ ντινάας αρμανιά ι Ντεβλές ντα τι φουρτίνεν λέσκε μπαρά μέχρι τι μερέλ. Ο πρεσβύτεροι κερντέ οντουβά σο βακερντάς λένγκε η Ιεζάβελ, ντα σοράν βόι βακερντάς κο Αχαάβ: “Ο Ναβουθέ ισί μουλό. Ο χωράφι ακανά ισί τιρό”.

Η Ιεζάβελ να μουνταρντάς σάντε τον Ναβουθέ χωρίς λόγος. Μουνταρντάς μπουτέ τζενέν σο μανγκένας ι Ιεχωβάς. Βόι ντέλας λατρεία κο είδωλα ντα κερέλας γιαβερά-ντα μπέτι πράγματα. Ο Ιεχωβά ντικχέλας σαρέ οντουλά μπέτι πράγματα. Σο κα κερέλας;

Κάνα μουλό ο Αχαάβ, αβιλό βασιλιάς λέσκο τσσαβό ο Ιωράμ. Ο Ιεχωβά μπουτσσαντάς εκχέ μουρσές, σο βακερένας λέσκε Ιηού, τι τιμωρίνελ την Ιεζάβελ ντα λάκι φαμιλί.

Ο Ιηού γκιλό πι αμαξάσαρ κο τθεμ Ιεζραέλ, οτθέ σο τζουβντιόλας η Ιεζάβελ. Ο Ιωράμ γκιλό πι αμαξάσαρ τι αρακχέλ τον Ιηού ντα πουτσλάς-λες: “Αβέσα για τι τθεράς ειρήνη;” Ο Ιηού βακερντάς: “Να αβέλα-πες τι τθεράς ειρήνη καζόμ τι ντάι, η Ιεζάβελ, κερέλα μπέτι πράγματα”. Αζομάν ο Ιωράμ προσπαθιντάς τι μπόλντελ πι άμαξα ντα τι νασέλ. Αλλά ο Ιηού τσσιντιντάς εκ βέλος κο Ιωράμ ντα βοβ μουλό.

Σοράν, ο Ιηού γκιλό κο κχερ της Ιεζάβελ. Κάνα βόι ασουντάς ότι τζάλας ο Ιηού, ζουζιντάς-πες, λατσσαρντάς πο μπαλά ντα μπεσέλας εκχέ παραθυρόστε κο οπραϊνό δωμάτιος. Κανά ερεσλό ο Ιηού, χαιρετιντάς-λες μπέτι τροπόσαρ. Ο Ιηού βακερντάς βικόσαρ κο υπηρέτες λάκε σο ισινέ οτθέ πασέ λάτε: “Περαβέν-λα τελέ!” Ντινέ-λα σπιλί κατά παράθυρος ντα η Ιεζάβελ πελί τελέ ντα μουλί.

Σοράν, ο Ιηού μουνταρντάς ι 70 τσσαβέν σο τθερέλας ο Αχαάβ ντα καθαριντάς ο τθεμ κατά λατρεία του Βάαλ. Μπορίνεσα τι αγαβές ότι ο Ιεχωβά τζανέλα-λεν σαρέ, ντα ότι κο σωστός σαάτι, τιμωρίνελα οντουλέν σο κερένα γκεραλέ πράγματα;