Ο Ιωσίας Μανγκέλας ο Νόμος ι Ντεβλέσκο

Ο Ιωσίας αβιλό βασιλιάς κο Ιούδας κάνα ισινέ οχτώ μπρεσένγκο. Οντουλέ ντιβεσέντε, ο λαός ασχολίντιβελας με τη μαγεία ντα ντέλας λατρεία κο είδωλα. Κάνα ο Ιωσίας ισινέ 16 μπρεσένγκο, προσπαθιντάς τι σικλιόλ σαρ τι ντελ λατρεία ι Ιεχωβάς σωστέ τροπόσαρ. Κάνα ισινέ 20 μπρεσένγκο, αρχισάλο τι καταστραφίνελ ο είδωλα ντα ο θυσιαστήρια σαρό κο τθεμ. Ντα κάνα ο Ιωσίας ισινέ 26 μπρεσένγκο κανονιντάς τι λατσσάρντιβελ ο ναός ι Ιεχωβάσκο.

Κο ναός, ο αρχιερέας, ο Χελκίας, αρακχλάς ο ρόλος σο ισινέ γραμμέ ο Νόμος ι Ιεχωβάσκο​—μπέκιμ τι ισινέ ο ρόλος σο γραφιντάας-λες ο Μωυσής πι βαστέσαρ. Ο γραμματέας ι βασιλιάσκο, ο Σαφάν, αντάς ο ρόλος κο Ιωσίας ντα αρχισάλο τι διαβάνελ ζουρανές ο Νόμος. Καζόμ ο Ιωσίας ασουνέλας, αγαντάς ότι ο λαός να ντέλας καν ι Ιεχωβάς για μπουτ μπρεσά. Ο βασιλιάς Ιωσίας βακερντάς κο Χελκίας: “Ο Ιεχωβά ισί μπουτ χολιαμέ αμέντζαρ. Τζα ντα κερ λέσαρ λάφι. Βοβ κα βακερέλ αμένγκε σο πρέπει τι κεράς”. Ο Ιεχωβά απαντιντάς αντράλ κατά προφήτισσα Όλδα: “Ο λαός του Ιούδα μουκχλάς-μαν. Κα τιμωρίντιβεν αλλά ανταβά να κα αβέλ-πες καζόμ ο Ιωσίας ισί βασιλιάς, επειδή βοβ ταπεινωντάς πο νεαυτός”.

Κάνα ο βασιλιάς Ιωσίας ασουντάς ανταβά αμπέρι, γκιλό κο ναός ντα γκιντιντάς σαρέ ι τζενέν κατά Ιούδας. Σοράν διαβαντάς ζουρανές ο Νόμος ι Ιεχωβάσκο σαρέ κο τζενέ. Ο Ιωσίας ντα ο λαός ντινέ πουμαρό λάφι τι ντεν καν ι Ιεχωβάς σαρέ πουμαρέ γκίσαρ.

Κο Ιούδας ο λαός τθερέλας μπουτ μπρεσά τι κερέλ ο Πάσχας. Αλλά κάνα ο Ιωσίας διαβαντάς ο Νόμος σο βακερέλας ότι έπρεπε τι κερέν ο Πάσχας κάθε μπρες, βακερντάς κο λαός: “Κα κεράς ο Πάσχας ι Ιεχωβάσκε”. Σοράν ο Ιωσίας ετοιμαντάς μπουτ θυσίες ντα τσσουντάς κο ναός τζενέν για τι γκιλιαβέν ύμνους. Αζομάν ο λαός κερντάς ο Πάσχας ντα σοράν ι Γιορτή ι Μπι-μαγιάκε Μαντρένγκε, σο ατσσικιαρέλας εφτά ντιβεσά. Οτθάρ μπερί σο τζουβντιόλας ο Σαμουήλ ισινέ τι αβέλ εκ ασακό Πάσχας. Ο Ιωσίας μανγκέλας μπαγιά ο Νόμος ι Ντεβλέσκο. Τούι μπεϊντίνεσα τι σικλιός ι Ιεχωβάσκε;