Ο Λάφια σο Γραφίντιλε κο Ντουβάρι

Πο σοράν, αβιλό βασιλιάς κι Βαβυλώνα ο Βαλτάσαρ. Εκ ιράτ, καλιντάς χίλιε τζενέν σο ισινέ μπουτ σημαντικοί σαρό κο τθεμ για τι κερέλ λένγκε εκ μπαρό τραπέζι. Βακερντάς πι υπηρετόνγκε τι ανέν ο χρυσά ποτήρια σο λιντάς ο Ναβουχοδονόσορας κατά ναός ι Ιεχωβάσκο. Ο Βαλτάσαρ ντα ο καλεσμέ λέσκε πιλέ κατά ποτήρια ντα ντινέ δόξα πουμαρέ ντεβλέντε. Ξαφνικά, σικάντιλο εκ βας τζενέσκο ντα αρχιντάς τι γραφίνελ λάφια σο ναστί αγαβένας-λεν κο ντουβάρι σο αβέλας ο τραπέζι.

Ο Βαλτάσαρ νταρασάλο. Ντινάς βίκος πι μαγόν ντα βακερντάς λένγκε: “Ντάβα-τουμέν μο λάφι, άμα μπορισάλο εκ τουμένταρ τι εξηγίνελ μάνγκε ανταλά λάφια, κα κεράβ-λες τι αβέλ ο τρίτος πο ζουρανό τζενό κι Βαβυλώνα”. Βον προσπαθιντέ, αλλά ναστί μπορίνελας καέκ λένταρ τι εξηγίνελ ανταλά λάφια. Αζομάν, αβιλί η βασίλισσα ντα βακερντάς: “Ισί εκ μουρς, ο Δανιήλ, σο εξηγίνελας μπουτ πράγματα κο Ναβουχοδονόσορας. Βοβ μπορίνελα τι εξηγίνελ τούκε ανταλά λάφια”.

Ο Δανιήλ αβιλό κο βασιλιάς. Ο Βαλτάσαρ βακερντάς λέσκε: “Άμα κα μπορίνες τι διαβάνες ντα τι εξηγίνες μάνγκε ανταλά λάφια, κα νταβ-τουτ εκ χρυσός κολιές ντα κα κεράβ-τουτ ο τρίτος πο ζουρανό τζενό κι Βαβυλώνα”. Ο Δανιήλ βακερντάς: “Να μανγκάβα το δώρα, αλλά κα βακεράβ τούκε σο μανγκένα τι βακερέν ανταλά λάφια. Το ντατ ο Ναβουχοδονόσορας ισινέ μπαρικανό, ντα ο Ιεχωβά ταπεινωντάς-λες. Τζανέσα σο αβιλόας λέσκε, αλλά τούι να σικαντάν σεβασμός κο Ιεχωβά επειδή πιλάν μολ κατά χρυσά ποτήρια σο ισινέ λέσκε ναόσταρ. Ανταλέσκε, ο Ντεβέλ γραφιντάς ανταλά λάφια: Μενέ, Μενέ, Θεκέλ ντα Φαρσίν. Ανταλά λάφια μανγκένα τι βακερέν ότι ο Μήδοι ντα ο Πέρσες κα λεν ι Βαβυλώνα, ντα τούι κα τσσιναβές τι αβές βασιλιάς”.

Ντικχίντιβελας ότι καέκ να μπορίνελας τι νικίνελ ντα τι λελ ι Βαβυλώνα. Ανταγιά πόλη τθερέλας μπουτ τθουλέ ντουβάρια ντονταλάι ντα εκ λεν μπουτ αχόρτ σο αρακχαβένας-λα. Οντιά ιράτ γκιλέ ο Μήδοι ντα ο Πέρσες τι πολεμίνεν-λεν. Ο Κύρος σο ισινέ ο βασιλιάς της Περσίας κερντάς νεβέ αυλάκια για τι τθάβντελ ο πανί οτθάρ ντα τι γουλίλ η λεν. Αντικάς ο στρατιώτες μπορίνενας τι πφιρέν αντρέ κι λεν ντα τι τζαν ανγκλάλ κο μπαρέ πόρτες σο τθερέλας η πόλη. Κάνα ερεσλέ οτθέ, ο μπαρέ πόρτες ισινέ πουταρντέ! Ο στρατός γκιλό ούρια αντρέ, λιντάς ι πόλη ντα μουνταρντάς ι βασιλιάς. Αζομάν, ο Κύρος αβιλό ο άρχοντας κι Βαβυλώνα.

Αντρέ εκχέ μπρεσέστε ο Κύρος βακερντάς: “Ο Ιεχωβά βακερντάς μάνγκε τι χτίναβ πάλι λέσκο ναός κι Ιερουσαλήμ. Κον λέσκε λαόσταρ μανγκέλα τι τζαλ ντα τι βοηθίνελ, ισί ελεύθερος τι νασέλ”. Αντικάς, αβιλό ακριβώς οντουβά σο ντινάας πο λάφι ο Ιεχωβά, μπουτ κατά Ιουδαίοι βουρτισάλε πουμαρέ τθεμέστε 70 μπρεσά σοράν κατά καταστροφή σο αβιλί κι Ιερουσαλήμ. Ο Κύρος ντινάς παλάλ ο χρυσά ντα ο ασημένια ποτήρια ντα ο γιαβερά πράγματα σο λιντάας ο Ναβουχοδονόσορας κατά ναός. Μπορίνεσα τι αγαβές σαρ ο Ιεχωβά χρησιμοποιηντάς ι Κυρός για τι βοηθίνελ Πι λαός;