Σο κα Ντικχάς κο Μέρος 12

Ο Ιησούς σικλιαρέλας ι τζενέν για τη Βασιλεία σο ισί κο ουρανός. Επίσης σικλιαρέλας-λεν τι προσευχίντιβεν για τι αγιάντιβελ ι Ντεβλέσκο ναβ, τι αβέλ λέσκι Βασιλεία ντα τι αβέλ οντουβά σο μανγκέλα κι πφουβ. Άμα τθερένα τσσαβέν, εξηγίνεν λένγκε σο μανγκέλα τι βακερέλ αμένγκε ανταγιά προσευχή. Ο Ιησούς να μουκχλάς ι Μπενγκές τι κερέλ-λες τι χαλαβέλ πι λατσσί σχέση ι Ιεχωβάσαρ. Ο Ιησούς τραμπιντάς πι αποστολόν, ντα βον αβιλέ ο πρώτοι σο τσσουντέ-πες κι Βασιλεία ντα κχελένα εκ μπουτ σημαντικός ρόλος λάτε. Τι σικαβέν καζόμ μπουτ πφαμπόλας ο Ιησούς για την αληθινή λατρεία. Επειδή μανγκέλας τι βοηθίνελ ι γιαβερέν, ο Ιησούς κερέλας λατσσές ι νασφαλέν, ντέλας χαμπέ κο μποκχαλέ ντα τζουβντιαρντάς μουλέν. Ο θαύματα σο κερντάς, σικαντέ σο κα κερέλ η Βασιλεία σαρέ ι τζενένγκε.