Ο Ιησούς Αναστίνελα ι Λαζαρός

Ο Ιησούς τθερέλας τρινέ μπουτ λατσσέ αμαλέν σο τζουβντιόνας κι Βηθανία. Βον ισινέ ο Λάζαρος ντα λέσκε ντούι πφενιά, η Μαρία ντα η Μάρθα. Εκ ντιβές, καζόμ ο Ιησούς ισινέ κατά γιαβέρ μπάντα του Ιορδάνη, η Μαρία ντα η Μάρθα μπουτσσαντέ λέσκε εκ αμπέρι: “Ο Λάζαρος ισί μπουτ νασφαλό, μολίνασα τουτ, έλα σουγκό!” Αλλά ο Ιησούς να γκιλό αμέσως. Μπεσλό τι νακχέν γιαβερά ντούι ντιβεσά ντα σοράν βακερντάς πι μαθητένγκε: “Ελάν τι τζας κι Βηθανία. Ο Λάζαρος σοβέλα ντα με κα τζανγκαβάβ-λες”. Ο απόστολοι βακερντέ: “Λατσσές κερέλα ντα σοβέλα, αντικάς κα αβέλ λατσσές”. Αζομάν ο Ιησούς βακερντάς λένγκε ξεκάθαρα: “Ο Λάζαρος μουλό”.

Κάνα ο Ιησούς ερεσλό κι Βηθανία, ο Λάζαρος ισινέ ήδη πραχουμέ σταρ ντιβεσά. Γκιλέας οτθέ μπουτ τζενέ για τι ντεν παρηγοριά κι Μάρθα ντα κι Μαρία. Κάνα η Μάρθα ασουντάς ότι γκιλόας ο Ιησούς, τθαβντισάλι ανγκλά-λέστε, ντα βακερντάς λέσκε: “Κύριε, άμα ισινάνας ακατέ, μο πφραλ να κα μερέλας”. Ο Ιησούς βακερντάς λάκε: ‘’Το πφραλ κα τζουβντιόλ πάλι. Πακιάσα-λες ανταβά Μάρθα;” Βόι βακερντάς: “Πακιάβα ότι κα τζουβντιόλ κάνα κα αβέλ η ανάσταση”. Ο Ιησούς βακερντάς λάκε: «Με ισινόμ η ανάσταση ντα η ζωή».

Αζομάν η Μάρθα γκιλί κι Μαρία ντα βακερντάς λάκε: “Ο Ιησούς ισί ακατέ”. Η Μαρία τθαβντισάλι κο Ιησούς, ντα σαρέ ο τζενέ γκιλέ παλά-λάτε. Βόι πελί τελέ λέσκε πιντρέντε, ντα ναστί τσσιναβέλας τι ροβέλ. Βακερντάς: “Κύριε, άμα ισινάνας ακατέ, αμαρό πφραλ να κα μερέλας!” Ο Ιησούς ντικχλάς καζόμ μπαρί ντουκχ τθερέλας η Μαρία, ντα ροντάς βοβ-ντα. Κάνα ο τζενέ ντικχλέ ότι ροβέλας, βακερντέ: “Ντικχέν καζόμ μπουτ μανγκέλας ο Ιησούς ι Λαζαρός”. Αλλά κάποιοι σκεφτίνενας: “Σόσκε να σωντάς πι αμαλές;” Σο κα κερέλας ο Ιησούς;

Ο Ιησούς γκιλό κο μεζάρι, σο ισινέ πφαντό εκχέ μπαρέ μπαρέσαρ ντα βακερντάς: “Ταρτίνεν ο μπαρ”. Η Μάρθα βακερντάς: “Νακχλέ σταρ ντιβεσά σο ισί πραχουμέ! Λέσκο σώμας κχάντελα”. Αφού ταρτιντέ ο μπαρ, ο Ιησούς κερντάς προσευχή ντα βακερντάς: “Ντάντε, σε ευχαριστώ σο ασουντάν-μαν. Με τζανάβα ότι πάντα ασουνέσα-μαν, αλλά κεράβα λάφι ζουρανές για τι σικλιόν ανταλά-ντα τζενέ ότι τούι μπουτσσαντάν-μαν”. Ντα αζομάν ντινάς βίκος ζουρανές: «Λάζαρε, έλα αβρί!» Αζομάν αβιλό κάτι απίστευτος: Ο Λάζαρος νικίστιλο κατά μεζάρι, ντα ισινέ πφαντό λινέ κοτορέντζαρ. Ο Ιησούς βακερντάς: «Πουτρέν-λες ντα μουκχέν-λες τι πφιρέλ».

Μπουτ τζενέ σο ντικχλέ ανταβά θαύμας πακιασάλε κο Ιησούς. Αλλά μερικοί γκιλέ ντα βακερντέ-λες κο Φαρισαίοι. Οντουλέ ντιβεσέσταρ ο Φαρισαίοι μανγκένας τι μουνταρέν εμ ι Λαζαρός αλλά εμ ι Ιησούς. Εκ κατά 12 απόστολοι, ο Ιούδας ο Ισκαριώτης, γκιλό αποτσοράλ κο Φαρισαίοι ντα πουτσλάς-λεν: “Καζόμ κα ντεν-μαν άμα κα βοηθίναβ-τουμέν τι αρακχέν ι Ιησούς;” Συμφωνιντέ τι ντεν-λες 30 ασημένια νομίσματα, ντα ο Ιούδας αρχιντάς τι ρόντελ ευκαιρία για τι ντελ ι Ιησούς κο Φαρισαίοι.